Page 77 - Уруйдуогун улуу кыайыыны

Мин санаабар, геройдар сэриигэ эрэ баар буолбатахтар. Герой диэн
дьоҥҥо көмөлөһөр, үтүө дьыаланы оҥорор, үлэни таптыыр киһи аат-
танар. Холобур, мин эдьиийим Лира Михайловна Лукачевская - быраас.
Кини дьону эмтиир, олохторун быыһыыр. Эдьиийим күнүстэри-түүннэри
үлэлиир, элбэх киһиэхэ көмөлөһөр. Кини эмиэ - герой!
Маҥнайгы учууталбын Мария Семеновна Афанасьеваны эмиэ герой
диэм эта! Кини таба суруйарга, ааҕарга, суоттуурга үөрэтэр. Биһиги өй-
дөөх, сайдыылаах дьон буоларбытыгар кыһаллар. Элбэх билиини биэрэ-
ригэр мин киниэхэ махтанабын.
Онон геройдар сэриигэ эрэ буолбакка, биһиги ортобутугар эмиэ
бааллар. Кинилэр биһигини көмүскүүллэр, үөрэтэллэр, эмтииллэр,
үтүөнү оҥороллор. Маннык дьон аттыбытыгар баалларыттан олус
үөрэбин, кинилэринэн киэн туттабын! Улааттахпына, эдьиийим курдук
быраас буолуохпун баҕарабын. Дьоҥҥо, дойдубар туһалаах киһи буолан,
дьиҥнээх герой буоларга дьулуһуом.

ОСКУОЛАБЫТ КИЭН ТУТТАР ҮӨРЭНЭЭЧЧИТЭ

М.Н. Готовцев аатынан Танда орто оскуолатын
3- с кылааһын үөрэнээччитэ Юлиана Саввина.
Салайааччы Анна Дмитриевна Никифорова

«Алеша» тааҥка наводчига
Саха уола Алеша
Дойдубут аатын үйэлэргэ
Дорҕоонноохтук ааттатта.
Танда сирэ түөрт дьоруойдааҕынан киэҥ сиргэ аата ааттанар,
ытыктанар. Бүгүн суруйар дьоруойум Алексей Неустроев - Танда ыч-
чата, биһиги оскуолабыт үөрэнээччитэ, мин икса олорор малым оҕото.
Түөлбэбитигэр кыратыттан улаханыгар тиийэ кинини Алешанан эрэ
ааттыыбыт, билинэбит. Алеша барыбытыгар оннук чугастык, истиҥ-
ник ылынар киһибит буолар. Миэхэ убайдыы сыһыаннаах ыалым бы-
һыытынан сурукпар Алеша диэн уостан түспэт аатынан суруйуом.
Алеша 1987 сыллаахха от ыйын 29 күнүгэр төрөөбүтэ. Кини биэс
оҕолоохыалулаханнара. Кырасааһыттан балтыгар уонна бырааттарыгар,
бэйэтэ этэринии, «баспытаатал» эбээһинэстээҕэ. Оҕолорун куруук ха-
раанныы, батыһыннара сылдьар эбит.
Кини 1994 сыллаахха Танда орто оскуолатыгар үөрэнэ киирбит. 2004
сыллаахха оскуоланы ситиһиилээхтик бүтэрбит. Ол кэннэ армияҕа икки сыл
сулууспалаан кэлбит. Армияттан кэлэн баран, тыа сирин усулуобуйатыгар
олус наадалаах техниканы оҥорор «Саха вездеход» диэн тэрилтэҕэ үлэлээбит.
2022 сыллаахха анал байыаннай дьайыыга ынырыллан барбыт.