Page 167 - Майаҕатта Бэрт Хара

— ...........
. ) { Ё Г

лар. Онтон соһуччу биир балык былас үрдүккэ ойон тахсыбата үһү дуо?! Дьэ, уонна харгыны
уҥуордаан Аллан өрүс сүүрүгүн өксөйө үөһэ уста турдаҕа үһү! Өр өтөр буолбата, иккис ойон
таҕыста, үһүс, төрдүс, ситэри ахсаанын сүтэрдим. Киһи бэрдэ итинник ыстананнар, тохсус
халлааҥҥа да тиийиэх айылаах... Ону батыһан иһэн, киһи сөҕөр ураты көстүүтүгэр түбэстим.
Кытыл суорба таас очуостар эркиннэригэр көстөр-көстүбэт, биллэр-биллибэт бэлиэлэр баал-
лар эбит. Болҕойон көрбүтүм — ойуун моһуона, бултааһын уонна балыктааһын дьарыктара
ойууламмыт. Күн уота быһа сиэбэтэҕинэн, хаар-силлиэ симэлиппэтэҕинэн уонна уу-ардах
суурайбатаҕынан сылыктаатахха, ол сахтан оҕуруктаах өйдөөх, уус дьоннор олорбуттар эбит.
Ол эрээри көрө турдахпына, хайдах эрэ санаам эрдийбиккэ, сүргэм көтөҕүллүбүккэ дылы
буолбута, туох эрэ туспа турукка киирбитим...
Мүрүлэ: Тыый... Хата биирдэ эмитэ барса сылдьыам этэ.

(Бороҕоттору кытары Эрбэнньэ Уус киирэн кэлэллэр. Бороҕоттор Майаҕатта
тэршин-тээбиринин көрөллөр, көһүйэлэри көтөҕө,
ох саатын тардыалыы сатыыллар да кыаллыбат)

Мүрүлэ: Майаҕатта, көр, Эрбэнньэ Уус кэллэ!

(Мүрүлэ Майаҕатта Бэрт Харалыын туран, Эрбэнньэ Уускаутары тиийэллэр)

Эрбэнньэ Уус: Үтүө буоллун! Дьэ, чахчы, мээнэҕэ сурах-садьык тарҕаммат эбит!
Майаҕатта Бэрт Хара: Үтүө! Туох сураҕа?
Мүрүлэ: Бу саас Күрдьэҕэлээххэ куйуурдаабыккын истибиттэр этэ. Сураҕа куйууруҥ
киһи киэниттэн таһыччы, муҥха ийэтин саҕа диэбиттэрэ, балыктыы киирбит дьон ойбон даҕа-
ны аллара сорумматахтар. Куйуургун күөгэччи хамсатан эргитэ турдаххына, эбэ уута кытыы-
га халыйан, манчаары от хамсыар диэри муус ырбыылаабыт үһү. Оттон куойалары-маҥкыла-
ры кытары куйуургун ороон таһаарбыт үһүгүн. Дьон-сэргэ хас даҕаны ыал кыстыыр балыгын
биирдэ өрө көтөхтө дэспиттэр этэ. Ону ийэҥ Эбэрикээн эмээхсин дьон тымтакалара таһынан
барыар, сөп буолуор диэри бэрсибитин, биһиэхэ, үтүө санаалаах бухатыыр баар эбит диэн
кэпсииллэр.

(Майаҕатта куйуурдуура көстөр)