Page 168 - Майаҕатта Бэрт Хара

Майаҕатта Бэрт Хара: Эһэккээм, Эрбэнньэ Уус! Ити сурахтара үлүннэриилээх эбит
ээ. Кэпсииллэрин итэҕэйдэххэ, бэйэбиттэн толлуох санаам кэлэр. Кырдьыга, Күөх Боллох
Хотун бэрсибит лоһуор соботун тэҥҥэ куйуурдаспыт балыксыттары кытары үллэстибитим.
Саха киһитин сиэринэн бэйэ-бэйэҕэ көмөлөсүһэн, баары баарынан, суоҕу суоҕунан ситэрсэ
сылдьар ордук буоллаҕа.
Эрбэнньэ Уус: Күүһүҥ-уоҕуҥ таһынан, уолум Майаҕатта, өйгүнэн-санааҕынан мын-
дыр, сырдык эбиккин. Дьэ, көрдөр эрэ, күндү тэрилгин, уран оҥоһуккун...

(Майаҕатта ох саатын аҕалар)

Мүрүлэ: Көр, эппитим дни! Ох саатын кирсин атаабыллаан киһи да кыайан тардыбат.

(Эрбэнньэ Уус ох саа кирсин тарда сатыыр, кыаллыбат)

Эрбэнньэ Уус: Дьэ, мин Мүрүлэни дьээбэлэннэҕэ диэбитим. Ох сааны оностуу уустук
у а уонна үгүс кистэлэҥнэрдээх ээ. Бу тэрили көрдөххө, киһи илиитинэн оҥорботох диэх айы-
| лаах, бэркэ табыллыбыт.
Майаҕатта Бэрт Хара: Дьонум оноҕоһу оҥорорго уһуйбутунан уонна бэйэм холбор та-
быгастаах буоларынан таҥмытым.
Эрбэнньэ Уус: Оччотугар оҕунан ытарга тургутан көрүөхпүт.

(Эрбэнньэ Уус халлааны кыҥастаһар)

Эрбэнньэ Уус: Көрөҕүн, ол күөрэгэйгэ кыырт саба түһэн эрэр эбит. Дьэ, ньир муос саа-
| ҕын ньиргит, охторуулаах оноҕоскун оонньот!

(Майаҕатта Бэрт Хара ох саатын хабан ылан, ситэри этиппэккэ даҕаны,
кыырды ытан түһэрэр)

Бороҕоттор: Оок-сиэ! Тыый! Эрбэҕиҥ эрчимнээх, кыҥыырыҥ кыраҕы эбит.
Эрбэнньэ Уус: Табаҕайыҥ табыгас, оноҕоһуҥ охторуулаах эбит. Бултуйуоххун бултуйар,
сылдьыаххын сылдьар ыччат эбиккин. Оҥостубут оххунан тутайбыты салҕаа, быстыбыты
быыһаа, өлөөрү гыммыты өллөйдөө!

(Быыс)

6 КӨСТҮҮ

(Туймаада, Тыгын балагана. Боотурдары кытары аһыы олороллор. Кэпсэтии сүпсүлгэнэ)

Боотурдан биирдэстэрэ: Иһиттим эрэ, истибэтим эрэ, кэпсииллэр. Үс үллэр сүүрүктээх
; Өлүөнэ өрүс уҥуор өттүгэр, Бороҕотторго биир күүстээх бөҕөс үөскээбит дииллэр.
Тыгын: Хайалара эбитэ буоллар, ааспыкка алтыспыт киһибит буолаарай?
Боотурдан биирдэстэрэ: Тоҕус сааһыгар диэри босхоҥ сыппыт дииллэр. Ол кэннэ биир-
дэ ойон турбут да, алааһы түөртэ эрэ буурдаан ааспыт дииллэр.
Хардаҕастай Бэргэн: Омуннанан түһэҥҥин. Миигин даҕаны хараҕын кырыытынан
кылыс курдук быһан ааһар диэбиттэрэ. һэ-һэ-һэ-һэ!

(Боотурдар күлсэллэр)

Боотуртан биирдэстэрэ: Бу, соторутааҕыта, Чаҕылытта алааска көрсөн, күрэстэһэн көр-
бүттэр. Аата — Майаҕатта Бэрт Хара, сураҕа тэҥнээҕин булбатах дииллэр.
Тыгын: Киһи эрэ киэнэ килбиэннээҕэ буоллаҕына, бэрт дии! Сахабыт сирэ киэҥэ-куоҥа,
ол устатын-туоратын тухары ураты күүстээх, модун кыахтаах дьон үөскүү-төрүү турдахтара.