Page 165 - Майаҕатта Бэрт Хара

рым буоллар, бара сылдьыбыт киһи дуу, хайдах дуу...
Эбэрикээн: Ээ, уолум барахсан, сүбэлэтэр-амалатар киһи көрдөөхтүүр эбит... Чэ, бара
сылдьаар.
Майаҕатта Бэрт Хара: Сөп.

(Майаҕатта Бэрт Хара хомунан барар)

Эбэрикээн: Ол эрээри, тоойуом, ити туой көһүйэ иһиттэри оҥоруохпун, эбии буһа-
рыахпын-хатарыахпын, туойум бэлиэр бүттэ. Аллан эбэбит уҥуоругар туораан, ийэҥ сылдьы­
быт ыырын кэрийэн кэлбэккин ээ? Эргиллэн иһэн, Чаҕылыттаҕа таарыйан, Эрбэнньэ Ууһу
кытары көрсүөҥ турдаҕа.
»' Майаҕатта Бэрт Хара: Мһм...
Эбэрикээн: Ыксаатаҕыҥ сүрүн. Билигин сынньан, утуй. Сарсыарда тыҥ хатыыта туран
бараар, айаҥҥар оттоох бутугаһы, бэс субалаах үөрэни туос иһиккэ бэлэмниэм этэ.

(Майаҕатта оронҥо баран сытар, ийэтэ ас бэлэмнии остуолга кэлэр. Быыс)

5 КӨСТҮҮ

(Чаҕылытта алааска, Мүрүлэ дъиэтигэр бороҕоттор олоҥхо истээри мустубуттар)

Олоҥхоһут:
...Дьэ дьыл-хонук ааспытын кэннэ,
Кэтэһэн-кэтэнэн олордохторуна,
Илинниир халлаан диэкиттэн
Иитин өһүлэн таһаарбытын курдук
Илигириир тыал түһэн
Сири-дойдуну илибиритэн барбыт...
Бороҕоттор Оо!
Олоҥхоһут: Сиккиэр сипсийэ оонньообут,
Холорук кыайа-хото төгүрүйбүт,
Хойут хойуккунан
Сир-дойду үрдүнэн
Аҕыс ааннары хаппахтаабыт,
Ураа үөлэстэри бүөлээбит,
Туох баара барыта түҥнэстибит,
Бэл, куобах тууга киирбит,
Сордоҥ туһахха иҥнибит...
Бороҕоттор: Ноо!
Олоҥхоһут:
Туох ааттаах алдьархайа буолла диэн
Таһырдьа тахсан көрбүттэрэ-э!
Тус илин диэкиттэн
Халлаан аҥаарын сабардаан,
Үс бастаах Өксөкү кыыл
Көтөн түөллэн кэлэн,
Ойуур саҕатыгар олороору
Тоҕус тиити тоһуппут,
Охтоору гынан огдолуйбут,
Уон мастан сөрүөстэн
Дьэ ол оруна биэрбит...
Бороҕоттор Тыый! Туох алдьархайай!
Олоҥхоһут: Бу Өксөкү кыылбыт
Киһилии саҥалаах эбит ээ!