Page 169 - Майаҕатта Бэрт Хара

Боотуртан биирдэстэрэ: Бу, диэн эбэн эттэххэ, мае тардыһыытын күрэҕэ саҕаламмыт.
Майаҕаттаҕа үөл хатыҥ лоһуукка умнаһын ууммуттарын, киһилэрэ уута ыгыллан саккырыар
диэри ыбылы туппут, онтон ыһыктан кэбиспитэ, хабылык мае курдук сиргэ ыһыллыбыт үһү!
Боотурдар: Тугун сүрэй!
(Чочумча чуумпурар) тк пяаяк ч д о V я

Тыгын: Аат-сурах элбэҕи быһаарар. Бу, дьон кэпсиирин истэҥҥит, кэлэн кэпсии олордох-
хут ити. Ол кэннэ хайыаный? Салҕыы туох диэхтэрэ биллибэт. Эппиккит курдук кыахтаах-
уохтаах бөҕөс буоллаҕына, аны, биһиги хочобут туонатыгар биир эбит күн тиийэн кэлэн, күөн
көрсөн холонон көрүөххэ диэн туруон сөп буоллаҕа? Туох дии саныыгыт?
Боотуртан биирдэстэрэ: Майаҕатта Бэрт Харабыт ыллыктанар ыыра киэҥ дэһэллэр,
Өлүөнэ өрүскэ сүрдьүгэстэри саба быраҕаттаан Эҥсиэли хочотугар, Хатыҥ Арыыга тиийэн
бултуур-алтыыр эбитэ үһү...
Хардаҕастай Бэргэн: Хата, доҕоор, туох сүрдээх киһитин баччааҥҥа диэри истибэккэ,
күн бүгүнүгэр дылы билбэккэ сылдьыбыппытый? Аата сүрүн! Ол аата, Тыгын тойонум, Туй-
маадабыт туонатыгар даҕаны сүүрэр икки, ойуоккалыыр икки ардынан таарыйан ааспыт эбит
буоллаҕына, билбэккэ олоруохпутун сөп буолбаат?!
Тыгын: Хайаан даҕаны Лөгөй Тойоҥҥо, Бороҕотторго тиийэ сылдьар уолдьаста. Киэҥ-
куоҥ алаастарынан тарҕанан, сайда, силигилии олорор Бороҕотторго бөҕөс эрэ кыймата
үөскээн эрэр бадахтаах. Биһиги инники түспэтэхпитинэ, хардата кытаанах буолара сэрэйил-
лэр. Хаҥыл Хара аттаах Хардаҕастай Бэргэн, уолаттаргын илдьэ күн бүгүн айаҥҥа турун.
Майаҕатта Бэрт Хара Хаҥалас ыччатыттан сүһүөхтээх бэйэтэ бүдүрүйбүт үһү дииллэрин кур­
дук суон сурахтанан эргиллээр!

(Ити олордохторуна иннилэринэн Арылы Куо Айталы күлэн саһыгырыы-саһыгырыы,
эргиллэн көрө-көрө сүүрэн ааһар. Боотурдар кыыһы батыһа көрөллөр.
Аабый Дархан киирэр. Боотурдар хоту/пга тоҥкойон ыла-ыла, таһырдъаны былдъаһаллар)

Аабый Дархан: Көр, ити, кыыспыт сир симэҕин кэриэтэ ситэн, күнтэн-күн тупсан эр
бэртэрин хааннарын хамсатар, оҕурук санааларын оонньотор буола улааппыт. Сирэр-талар
диэни эндэтэ илигинэ, эрдээбит киһи баар ини, холоонноох доҕорун булбут киһи...
Тыгын: Саҥарба! Баар-суох оҕобутун, таптаан ииппит кыыспытын түбэспиччэ эрэ тыл-
лаһан, сирэри-талары эндэтэ илигинэ эрэ диэн эрдээн кэбиспэт инибит. Толуу мааны дьүһүн-
нээх, кэрэ бэйэлээх Арылы Куо Айталы күүстээх-уохтаах эр бэрдигэр, ааттаах-суоллаах киһи
килбиэнигэр эрэ түбэстэр ханнык диэн ыраҥалыыбын...
Аабый Дархан: Оччоҕо, уһун унньуктуу сатаабакка, үрүҥ тунах ыһыаҕы тэрийэн,
бөҕөстөрү күөн көрүһүннэр ээ...
Тыгын: Көстөн иһиэ...
(Быыс)