Page 163 - Майаҕатта Бэрт Хара

Зд|г->|>|»яи!яд
*35Ж
Эһиэ эһиэкэй!
һоо танки һуокай
һээ танки һиэкэй!
Оһуон галин-галин оһуокай,
Эһиэн галин-галин эһиэкэй!
Оһуон кэлиҥ, киириҥ оһуокай,
Эһиэн кэлиҥ, киириҥ эһиэкэй!
Оһуо күөрэччи,
Эһиэ лаглаччы
Ойон биэриҥ,
Көтөн биэриҥ!
һой даа һуокай,
һэй даа һиэкэй!
Оһуо оһуокай,
Эһиэ эһиэкэй!
һоо танки һуокай
һээ танки һиэкэй!
Оһуон галин-галин оһуокай,
Эһиэн галин-галин эһиэкэй!

Байаттыман: Ийээ, мин турдум. Хаамар күннээх эбиппин ээ!

(Байаттыман хаамар. Быыс)

4 КӨСТҮҮ

(Буор балаҕан кэтэҕириин өттүгэр Майаҕатта оноҕос он осто олорор, көмүлүөк иннигэр
ийэтэ Эбэрикээн туой иһиттэри бэрийэр. Ыалдъыттар киирэн кэлэллэр)

Тиис Тарбыах Баай: Үтүө күн буолуохтун! Эбэрикээн эмээхсин, туох сонун?
Эбэрикээн: Үтүө күнүнэн! Туох сонун кэлиэй, кэминэн олоробут. Эһиэхэ буолуо, тү-
гэҕэ көстүбэт киэҥ алаас муҥунан сыспай сиэллээҕи сырыырҕаппыт эр бэртэригэр. Хантан
иһэҕит, туох кэпсээннээх буолаҕыт? Олоруҥ, сэһэргээҥ!
Тиис Тарбыах Баай: Биһиги Хотун Төҥүлүттэн Чаҕылыттаҕа айан тутан иһэбит. Илин
Баска эдэр оҕолор ыал буолан, уруу тэринэн, дьиэ туттан киирээри сылдьаллар.
Эбэрикээн: Бу үөрүүнү!
Тиис Тарбыах Баай: Атастаһыаҕы атастаһан, атыылаһары атыылаһан, эдэр ыалга туттар
тэрил-сэп, таҥас-сап хомуйдаҕа буоллубут.
Эбэрикээн: Ол эдэр ыалбыт аҕата бу турар быһыылаах, ким диэн буоллаххыный?
Мүрүлэ: Мин аатым Мүрүлэ диэн, Мүрүлэ боотур диэнинэн аатым-суолум иһиллэр.
Хоту дойду хоһуун бииһин уустарыттан сыдьааннаахпын. Өбүгэлэрим Чаҕылыттаҕа кэлэн
олохсуйуохтарыттан төрөөбүт дойдум диэбитим ыраатта.
Эбэрикээн: Киһи эрэ килбиэннээҕэ буоларыҥ көстөр ээ. Оттон ити мин кыра уолум Ма-
йаҕатта.

(Майаҕатта турар, утары тонхон ноһоллор)

Эбэрикээн: Улаханым Дьабаҕан тоһуурдарын-сохсолорун көрө-истэ барбыта. Биһиги
даҕаны бу алааһы булбуппут ыраата илик. Бу уолум сөбүлээн, “Кыыс Хаҥа” диэн ааттаабыта.
Алааспыт эбэкэтэ барахсан көмүс хатырыктааҕынан өрүү күндүлүү турар.
Тиис Тарбыах Баай: Тыый!
Эбэрикээн: Уолаттарым булт тэрилэ тутуохтарыттан, бараммат мастаах тыа баайыттан
кыралаан бэриһиннэрэбит, дьон сиэринэн буор балаҕан тутуннубут.
Тиис Тарбыах Баай: Ээ, бэрт дии!