Page 173 - Майаҕатта Бэрт Хара
P. 173
(«*»*»>№> ымм
9 КӨСТҮҮ
(Хоту сиргэ ыһыах. Майаҕатта Бэрт Хара, Лэкэр Баатыр, Мадъылы Төрөнөх
күөн күрэстэһэ сылдьаплар. Кылыы, куобах, буур)
Мадьылы Төрөнөх: Күүс-уох баар эбит! Кыах эбиккит! Майаҕатта Бэрт Хара — бу,
даҕаны көрүҥҥэ син биир тэҥнээххин булбатыҥ!
Лэкэр Баатыр: Күрэх — күрэҕинэн, оонньуу — оонньуунан! Сыл ахсын эрчиллэн кэлэн,
сай күөҕүгэр күөлэһийэ көрүлээн, күөн көрсөн күрэхтэһэн ааһыахха баара!
Мадьылы Төрөнөх: Чахчы даҕаны, баҕар, эр бэртэрэ эбиллэн, бууппут этэ буһан, сис-
пит этэ ситэн, киирсии тыҥааһыннаах, тургутуу туустаах буолан туруо кэллэҕэ!
Майаҕатта Бэрт Хара: Сөпкө этэҕит, доҕотторум! Кыайтардыбыт-хоттордубут диэн
үйэлэр тухары өс-саас тута сылдьыахтааҕар, сылын аайы бэрпитин түһүлгэҕэ эрэ былдьаһар
үгэһи олохтуур баар ини!
Лэкэр Баатыр: Эһиил сайын хайаан да көрсүөхпүт.
Мадьылы Төрөнөх: Чэ, тыын ыллыгыт ини, аны далла мэндэйиэх...
(Тээбириннэрин бэринэ турдахтарына Дьабаҕан Дьуорту ойон киирэр)
Дьабаҕан Дьуорту: Майаҕатта! Иэдээн-иэдээн!
Майаҕатта Бэрт Хара: Хайа, Дьуорту, тоҕо сырсан кэллиҥ, туох буолла?
Лэкэр Баатыр: Уоскуй, тыынна ыл, ыксаабакка эрэ туох соруктаах кэлбиккин эт!
Дьабаҕан Дьуорту: Хаҥаластар, хаҥаластар... Чаҕылытта эбэҕэ тиийэн... Ыспыт-
тар-тохпуттар... Туох баар уруулара-аймахтара бары биһиэхэ, Кыыс Хаҥаҕа кутуллан
түстүлэр. Майаҕатта, эйигиттэн өрүһүлтэ көрдүүллэр. Ыанардыын-ыамматтыын, туох баар
ынахтарын-сүөһүлэрин үүрэн илдьэ барбыттар...
Майаҕатта Бэрт Хара: Атастарым-доҕотторум, алы гыныҥ, мин Кыыс Хаҥаҕа турун-
нум.
Мадьылы Төрөнөх: Оннук-оннук, кытаат!
Лэкэр Баатыр: Мин барсыам буолаарай?
