Page 177 - Майаҕатта Бэрт Хара

12 КӨСТҮҮ

(Тиис Тарбыах дъиэтэ. Орокко Мүрүлэ сытар. Аттыгар Сарбыстай Ойуун, Тиис Тарбыах,
кэтэҕэриин Лөгөй Тойон, Чыкаада Бэргэн олороллор. Майаҕатта, Дьабаҕан,
Эбэрикээн киирэллэр. Майаҕатта орокко ойон тиийэр).

Майаҕатта: Оо, Мүрүлэ, туох буоллуҥ? Мүрүлэ Боотур! Тыыннааххын

(Майаҕатта Мүрүлэни уолугуттан көтөҕөн көрөр)

Сарбыстай Ойуун: Бу быһынна... Абааһылар эчэппиттэрин өллөйдүөххэ сөп этэ, туох
баар аппын-хомуһуммун туһанан, айыылартан ааттаһан, иччилэри кытары илии тутуһан, ал-
лараа даҕаны дойдуга тиийэн кэпсэтэн көрүллүө этэ... Ону баара, абааһытааҕар абааһы —
киһи кылыһа буоллаҕа. Эчэйбитэ сүрдээх... Тулуйаахтаабата...
Майаҕатта: Туоҕун иһин, туоҕун иһин!
Дьабаҕан Дьуорту: Эн, киһини киһи диэн хараастыбат киһийдэхтэри, тыыннарын ха-
раһыйбытыҥ!
Тарбыах Тиис: Дьоһун да боотур олорон ааста. Быстар быатыгар буоллаҕа... Сиэхситтэр
түбэстилэр... Кини аатын ааттатар кэнчээри ыччата — оҕолоро бааллара уордайбыт санаабын
уоскутар.
Майаҕатта Бэрт Хара: Чаҕылытта алааска Мүрүлэ аатын иҥэрэбин! Мүрү, улуу Мүрү
алаас диэн сураҕырдын!

(Майаҕатта ытамнъыйар)

Эбэрикээн: Чэ, тоойуом, түксү, уоскуй. Уордайыма. Тыгын хаан сыдьааннара дархан буо-
ларга дураһыйан, сири-сибиири бараан эрдэхтэрэ. Эн онно кыһаныма. Биһиги өс ситиһэр өбү-
гэлэрдээх, кырыктаах хааннаах уус буолбатахпыт....

(Майаҕатта Бэрт Хара туран аан диэки талаһар)

Лөгөй Тойон: Айаҥҥа турунуоҥ иннинэ, аҕам саастаах киһи санаатын истэн аас!
Тарбыах Тиис: Майаҕатта, иһит. Биһиги, кыра-хара дьон, тойоттор быһаарсыыларыгар
кыттыһарбыт оруна суох...
Дьабаҕан Дьуорту: Оннугунан оннук да, туох баар хороҕор муостааххытын төттөрү
аҕаллыбыт буолбатах дуо?