Page 183 - Майаҕатта Бэрт Хара

«ий’а|

Лөгөй Тойон: Төһө да түһүн, төлкөлөөбөтөх, оҥоһуутун оҥорботох да буолларбын, Бо
роҕон ыччатын Майаҕатта Бэрт Хараны бэйэм уолум тэҥэ саныыбын.
(Тыгын Майаҕатта диэки хайыһар)

Тыгын: Былырыын эрэ, Майаҕатта, кэлэрим саарбах диэбитиҥ буолбат дуо?
Майаҕатта Бэрт Хара: Көстөн иһиэ диэбитим. Бу күөн күрэс кыайыылааҕа Хаҥаластар
хааннарын, Тыгын кыыһын сүктэн илдьэ барарын истибитим буоллар, баҕар, туттунуом эбитэ
буолуо...
Лөгөй Тойон: Туох да диэбит иһин, Тыгын Тойон тылыгар турарынан, эппитин толорору-
нан биллэр.
(Лөгөй Тойон дъоҥко туһаайан)

Лөгөй Тойон: Чэйиҥ нохойдоор, чэйиҥ хотуйдаар! Тыгын кыыһыгар Айталы Куоҕа
дьол-саргы салалынныын. Майаҕатта Бэрт Харалыын түөрт ууһу төрүттээтиннэр.
Дьон саҥата: Оннуок! Уруй-Айхал!
(Аабый Тыгыкка туһаайан саҥарар)

Аабый: Кэбис! Кэбис, хайдах эмит быһаарыыгын уларыт!
Майаҕатта Бэрт Хара: Мин ытаппытынан-соҥоппутунан илдьэ барар санаам суох.
Арылы Куо Айталы санаатын истиэхпин баҕарабын. Сөбүлэһэр буоллаҕына, эр киһи сүрэҕим
сөбүлээбитин мэлдьэспэппин, үөрүүбүн кытары холоонноох доҕорум оҥостуоҕум, Тыгын
тойон кыыһын аатын ааттатан төһө кыалларынан дьолунан угуттуом диэн эрэннэрэбин.
Сөбүлэспэтэҕинэ — мин да күүспүнэн илдьэ барарга дьулуһуом суоҕа, онтон эн — Тыгын
Тойон тылгар турбут саҕа сананыаҥ буоллаҕа.
Тыгын: Дьэ бэрт. Айталы! Эн санааҕын истиэхтэрин баҕараллар.

(Арылы Куо Айталы сирэйин сабыытын арыйар)

Арылы Куо Айталы: Мин санаабар... Бу күрэххэ бары да тэҥ баайыылаах бөҕөстөр
күөн көрүстүлэр, күүстээхтэр, быһыйдар... Онтон, ким эмит кытыгырас дуо? Ким миигин
сиппит ол ойох оҥостуо!
(Сүүрэн хаалар. Бөҕөстөр бэйэ-бэйэлэрин көрсөн, сырсардыы тахсан бараллар.
Хаалбыттар одуулаһа тураллар).

Аабый: Кыыспыт барахсан бэркэ быһаарда. Кинини ситэр бу орто дойдуга төрүү илигэ
буолуо!

(Быыс).