Page 185 - Майаҕатта Бэрт Хара

«« •<:

Сиргэ кэлбит ыйааҕа,
Сүктэн барар анала
Саха хоһуун боотура,
Алта иилээх саҕалаах
Айылгылаах далбардаах
Айылҕалыын алтыһар
Аллан быһый ыччата,
Ааттыын кэрэ алаастан,
Эбэлээх Кыыс Хаҥаттан
Эбэрикээн ийэлээх,
Эйэҕэс майгылаах,
Элэккэй быһыылаах,
Эрэллээх бэйэлээх,
Майаҕатта Бэрт Хара
Мааны сырдык бэйэтин
Манньыйбытын биллэрэн,
Муҥур үйэ тухары
Мэлдьи үөрдүөм диэн туран,
Боотурдары баһыйда,
Бөҕөстөрү охтордо,
Бэргэннэртэн бастаата,
Быһый кыыһын кытары
Бииргэ буолан дьоллонно!
Оһуон оһуон оһуокай,
Оһуокайдыыр оһуокай!
Эһиэн, эһиэн эһиэкэй,
Эһиэкэйдиир эһиэкэй!
Чэйдэр эрэ чэкийдэр,
Чэгиэн-итий ыччаттар
Кыһылыктыыр кумахтан,
Чэгиэн буортан тирэнэн
Этэрбэстэй уллуҥа
Элэйиэҕэ дэспэккэ,
Эһиэкэйтэн тэйбэккэ
Эккирэһэн биэриэххэ.
Олооччубут уллуҥа
Ойуттуоҕа дэспэккэ,
Оһуохайтан тэйбэккэ
Омуннаахтык оонньуохха.
Тирэҥсэбит тилэҕэ
Тэһиттиэҕэ дэспэккэ,
Тэйэ тутта хаалбакка
Тэйиэккэлээн ылыахха.
Оһуон оһуон оһуокай,
Оһуокайдыыр оһуокай!
Эһиэн, эһиэн эһиэкэй,
Эһиэкэйдиир эһиэкэй!

(Кыра оҕо маҕан кулунчуктаах киирэр)

Бары:
Аҕыс кырыы акымаллаах,
Тоҕус кырыы тоҥонохтоох,
Тойон сэргэ быһыылаах,