Page 182 - Майаҕатта Бэрт Хара

Үүнэр үйэни оҥкуллуур
Үрүҥ Айыы Тойон!
Сири-дойдуну сириэдитэр
Төрүөх төлкөлүүр,
Кэскили түстүүр
Иэйэхсит Хотун!
Үрдүк ааккытын ааттаан тураммыт
Айахтаах амсайбатах
Ас үрүтүн-үтүөтүн
Анаан аһаттахпыт буоллун!
Сиэллээх көйөлгөнү көтөхтүбүт,
Чороон айаҕы тосхойдубут!

(Чороонтон иҥнэрэ уокка үстэ кымыһыттан бэрсэр, кутар.
Көрдөһөрдүү ботугуруур уонна өссө кутар.
Ол кэннэ туран тулалыыр дъону эргийэ сылдьан дэйбииринэн сапсыйар)

Тыгын: Чэйиҥ, түрбүөннээх түһүлгэ тула мустуоххайыҥ!

(Сахалыы таҥастаах дъон-сэргэ тоҕуоруһар)

Тыгын: Алаас-алаас ааттаахтара, тэгил дойду тэҥнээхтэрэ, дойду-дойду туйгуттара! Бү-
гүн хол холоһор, күөн көрсөр бөҕөстөргө туһаайан этэбин: Толуу-мааны талба кыыспытын
Арылы Куо Айталыны бу түһүлгэ кыайыылааҕа ойох оҥостон илдьэ барарыгар тылбын биэ-
рэбин!

(Дьон үөрүүлээх күйгүөрэ иһиллэр)

Тыгын: Хараҕым харатын курдук харыстаабыт, маанылаабыт кыыспытын көрө да илик-
тэр үгүстэрэ буолуо диэммин бу түһүлгэ тула үстэ эргийэн көрдөрүө, бөҕөстөргө көстөн
ааһыаҕа!

(Арылы Куо Айталы киирэр, кэннигэр суһуох туппутунан кыргыттары батыһыннара
сылдъар. Ол кэмн э массовкаттан түөс сыгыннъах бөҕөстөр оронон тахсаллар)

Тыгын: Күөн күрэһи көҕүлүттэн тутуоххайыҥ!

(Оонньуу саҕаланар, түрбүөннээх дъүрүскэн. Күөн көрсөн эрэр курдук үҥкүү, тустуу.
Бөҕөстөр бэйэ-бэйэлэрин сыҕайсан, охтон түһэн, туораан, аҕыйаан иһэллэр. Саамай
обургулара хаалбытын кэннэ Лөгөй Тойон киирэн, кэннигэр имиллибит тирии хаххаҕа
саһыара сылдьар киһини киллэрэр. Арыйбыттара — Майаҕатта Бэрт Хара. Соһуйаллар)

!
Аабый: Оо! Бүттэхпит!
( ‘
(Майаҕатта Бэрт Хара син өр тустан утарсааччытын самнарар.
Ол тухары дъон саҥа аллайыыта иһиллэр. Кыайбытын кэннэ).

Дьон саҥата: Уруй-туску! Уруй-Айхал!

(Лөгөй Тойон ойон киирэн Майаҕатта илиитин туппутунан өрө уунар)

Тыгын: Бороҕон Дьуорту Лөгөй Тойон! Дьэ инникини быһа түһэн өтө көрөр мындыр
киһи диэн сөпкө да этэр эбиттэр! Мин эйигин уолун Чыҥаада Бэргэни аҕалбыта буолуо диэн
эрэммитим.