Page 16 - Василий Сивцев. Производство хамандыырдара

совхоз бары үлэлэригэр инники күөҥҥэ сылдьыбыт киһи. 1980-с
сыллардаахха илин эҥэр улуустарга умайар уот кураан турбут сайын-
нарыгар отчуттар звеноларын салайан Кэбээйи Сииттэтигэр тиийэн
оттообут, кыһыныгар ону тиэйиигэ сылдьыталаабыт кэмнэрдээҕэ. Эл-
бэх таһаҕаһы тиэйии, таһыы, уматыгы кэмчилээһин уонна техниканы
саахала суох, үрдүк көдьүүстээхтик туһаныы иһин совхоз, оройуон, ре­
спублика салалтатыттан үгүс бочуотунай, махтал суруктардаах. Сэмэн
олус сэмэй, үрдүк ситиһиилэринэн хаһан да дарбаммат үтүө үгэстээҕэ.
Хаһан да дьонтон биллэ-көстө сатаабат майгылааҕа. Ол иһин буолуо,
баҕар, улахан наҕараадаҕа түспэтэх биричиинэтэ. Семен Гаврильевич
үлэһит, салайааччы быһыытынан киһи кэрэхсиир ураты хаачыстыба-
ларынан буолаллар:
Бастакытынан, ылыммыт үлэтигэр чахчы ис сүрэҕиттэн бэринэн
туран сыһыаннаһара.
Иккиһинэн, үлэһиттэригэр үлэлиир усулуобуйаны тэрийэрэ.
Үсуһунэн, үрдүкү салалтаны кытары уопсай тылы булан, сиргэ сы-
һыаннаах боппуруостарга, база тутуутугар бэйэтин көрүүлэрин ылынна-
рыылаахтык туруорсара.
Төрдуһунэн, үлэ хаамыытын мэлдьи хонтуруолга тутан, мэлдьи сир-
тэн туруктаах үүнүүнү ылыыга улахан олугу уурбута.
Ити түмүгэр, Семен Гаврильевич ханныктаах да дьылтан тутулуга
суох сиртэн туруктаах үүнүүнү хомуйара. 2000, 2001 сылларга улууска
биир бастыҥ бурдук хаһаайыстыбатынан буолбута. 2004 сылга биир
гектартан 12-лии центнер бурдук үүнүүтүн хомуйан бастыҥнар кэккэ-
лэриттэн түспэтэҕэ.

Төрут дойдута суох киһи — кэм уонна тыал
көнул ыһыахтана оонньуур кумаҕа.

Оччотооҕу совхозтар саҕанааҕы күүрээннээх үлэҕэ баттаһа
үлэлээбит бириэмэлэрбин күндүтүк саныыбын, производствоны са-
лайбыт аҕа табаарыстарбын кытары биир бириэмэҕэ алтыспыппынан
киэн туттабын. Кинилэр сылайары-элэйэри аахсыбакка дьон-сэргэ
олоҕо тупсарын туһугар, сыллааҕы, пятилеткатааҕы производственнай
былааннары булгуччулаахтык толоруу, үлэһиттэри биир сыалга түмэ
тардан үлэлэппиттэрэ оччотооҕу бириэмэ ирдэбилэ этэ. Мин ол саҕана
тыа хаһаайыстыбатын управлениетыгар селекционер-зоотехнигынан
үлэлиирим. Совхозтар отделениеларыгар үгүстүк командировкаҕа сыл-
дьарым. Кинилэртэн үлэ үөрүйэхтэригэр элбэххэ үөрэммитим.
Бүгүн кэпсиир киһим үйэ аҥарыттан ордук кэмҥэ араас салайар
14