Page 31 - Василий Сивцев. Производство хамандыырдара

лаахха «Лена» совхозка кадровай
булчут аатын сүктэ. Урут да бири-
гэдьиирдии сылдьан быыс буллар
эрэ бултуура. Хара тыаттан, күөх
далайтан да илии тутуурдаах, өттүк
кыбыныылаах кэлэрэ. Тоҕус уон
солкуобай хамнастаах, бириэмэтэ
суох үлэлээх биригэдьиир дьонун
иитэригэр олус ыарахаттардааҕа.
Бириэмэ, быыс буллар эрэ бултаан
хамнаһыгар эбинэрэ. Бүөтүр булт
мындыр идэтигэр өссө оҕо сааһыт-
тан үөрэммит буолан, күндү түүлээҕи сонордоһууну идэ оҥостон уһун
сылларга бултаата. Онон, булт майгытын-сигилитин билэр, бастыҥ
булчуттар уопуттарыгар үөрэнэн, сыл ахсын үрдүк көрдөрүүнү ситиһэр.
Сорсуннаах сонордьут Нүөкүнү, Дьаарыҥ, Тэнэн эҥээрдэринэн ыыр-
данан өлгөмнүк бултуйара. Сүрүн булда - андаатар. Сылга ортотунан
1500 андаатары, сороҕор кыһыл саһылы, кииһи, бэл кырсаны өлөрөн
турардаах.
— Пятилетка устата 3500 солк. бултуурга сыал-сорук туруорумму-
тум. 1973 сыл түмүгүнэн 4934 солк. бултааммын, биэс сыллааҕы со-
рудахпын 1434 солк. аһара толордум. ССКП КК партияҕа уонна Со-
ветскай норуокка Ыҥырыытын истиҥник өйөөн тураммын, бэйэм
кыахпын ааҕынан, көрөн баран, пятилетка төрдүс, тутаах сылын ба-
стакы кварталлааҕы былаанын икки бүк куоһарарга үрдэтиллибит со-
циалистическай эбэһээтэлистибэ ылынан үлэлиибин. 1974 сыл баста-
кы кварталыгар былаан быһыытынан 300 солк. бултуурум оннугар 600
солк. бултуоҕум. Тохсунньу 31 күнүнээҕи туругунан 150 андаатары, 5
солоҥдону уонна 10 тииҥи бултаан 508 солк. квитанцияны ыллым.
Онон, бэйэм иннибэр туруоруммут сорукпун лаппа аһара толорор
кыахтанным. Күндү биир идэлээхтэрбин, булчуттары, бэйэлэригэр
быһаччы сорук туруорунан социалистическай куоталаһыыга киир-
сэллэригэр ыҥырабын, — диэбитэ оройуон тыатын хаһаайыстыбатын
бастыҥнарын слетун үрдүк трибунатыттан.
Кини IX, X, XI пятилеткаларга Ийэ дойду валютнай фондун
хаҥатыыга үрдүк көрдөрүүлэри ситиһэн 1985 сыллаахха Үлэ Албан аата
III степеннээх уордьанынан наҕараадаламмыта. Оройуоҥҥа булчуттар
икки ардыларыгар тэнийбит социалистическай куоталаһыыга кыттан
оройуоҥҥа 8 төгүл бастаан чемпион аалай кыһыл лиэнтэтин кэтэр чиэ-
скэ тикситэлээбитэ. Тохсус, онус, уон биирис пятилеткалар ударник-
тарынан буолбута. Пятилетка сылларыгар 4000 солкуобай суумалаах
күндү түүлээҕи туттарыахтааҕа. Ол саҕана андаатар тириитэ 2 солкуо-
байга сыаналанара. Көстөрүн курдук, былаан олус үрдүк этэ. Ону кини
29