Page 34 - Василий Сивцев. Производство хамандыырдара

Үөрэҕи ылымтыа кыыс оскуоланы бүтэрэн, салгыы үөрэнэн Дьокуу-
скай куоракка педучилищены бүтэрэр. Эмиэ олоххо анала диэн кур-
дук бу дойдуга анаттаран үлэлии кэлэр. Эдэркээн кыыс холооннооҕун
Бүөтүрү көрсөн харахтарынан хайҕаһан, сүрэхтэринэн сөбүлэһэн 1956
сыллаахха ыал буолаллар. Чахчы даҕаны биир өйдөөх-санаалаах дьон
таптаһан алаһа дьиэни тэринэн саха ыалын сиэринэн сүөһү, сылгы
ииттэн үлэлээн-хамсаан барбыттара.
Ыал — ийэтинэн, «тэрээһинэ-бэрээһинэ» диэн баар. Ийэ этии-
тэ, сүбэ-соргу тыла өрүү суолталаах буолар. Былыр даҕаны, билигин
даҕаны ыал ийэтин быһыыта-майгыта урут ахтыллар. «Мааны майгы-
лаах ыал ийэтэ» дьоҥҥо-сэргэҕэ үрдүк өйдөбүл, холобур буолара. Бэл
харыстаан, кыайа-хото күүскэ саҥарбаттар этэ. Ыал иллээх олоҕор ийэ
оруола, ийэ суолтата аһара улахан. Кинилэр дьиэлэригэр улахан үөрүү-
көтүү буолбутун оҕолор олохторун биир кэрэ умнуллубат түгэнинэн
ахталлар. Ийэлэригэр, Зинаида Васильевнаҕа 1977 сыллаахха кулун
тутар 8 күнүгэр үөрүүлээх быһыыга-майгыга Герой Ийэ Кыһыл көмүс
уордьана туттарыллыбыта. Ийэлэрэ быйыл 75 сааһын томточчу туолла.
Кини сааһырдым диэн оһох таһын таласпат, сылааска бүгэн олорбот
кырдьаҕас. Күн бүгүн оҕолорун, сиэннэрин туһугар күүһэ кыайарынан
көмөлөһөр. Былыр, уот сэрии кэнниттэн олох-дьаһах айгыраан, эстии-
быстыы улахан кэмигэр эдэркээн Бүөтүрдээх Сиинэ эйэлээх олоҕу
уһансыбыттара. Саха киһитин сиэринэн дьиэ-уоттуттан, күүстээх үлэҕэ
буһан-хатан, сүөһү, сылгы ииттэн, оҕо-уруу төрөтөн, дьон тэҥинэн
буруо таһаарынан быр-бааччы олороллор. Оччотооҕу кэмҥэ кинилэр
хаһан даҕаны «ол суох, бу тиийбэт» диэн үҥсэргии сылдьыбат этилэр.
Зинаида Васильевна үчүгэй үлэһит буоларын сэргэ, бэртээхэй
дьиэ хаһаайката, улахан дьиэ-кэргэн тапталлаах ийэтэ. Уон оҕону
төрөтөн, иитэн, улаатыннаран, үөрэттэрэн, олох киэҥ аартыгар бигэ-
тик үктэннэрдэ. Ийэ, аҕа оҕолорун кыра саастарыттан үлэни таптыыр
буоларга үөрэппиттэрэ. Ол да иһин, оҕолор төрөппүттэрин такайыы-
ларынан, хара үлэҕэ үөрүйэх, көрсүө, сэмэй, бэрээдэктээх, үлэни убаа-
стыыр, удьуору салгыыр киһи киэн туттар ыччаттара, билигин бэйэлэ-
рэ ыал ийэлэрэ, аҕалара буоллулар. Улахан уол Александр «Нэлэгэр»
бааһынай хаһаайыстыбатын механизатора, Евдокия эргиэн үлэһитэ,
«Далбар» маҕаһыын сэбиэдиссэйэ, Раиса психолог идэлээх учуутал,
Иннокентий эдэр сааһыгар соһуччу күн сириттэн бараахтаабыта, Петр
улуустааҕы үөрэх управлениетын сэбиэдиссэйэ, Василий «Нэлэгэр»
бааһынай хаһаайыстыбатын баһылыга, Анна эдэригэр хомолтолоохтук
олохтон туораабыта, Олег «Сахабулт» Алданнааҕы филиалын сэбиэ­
диссэйэ, Марина Окоемовка оскуолатыгар техүлэһит, Татьяна детсад
үлэһитэ. Бу элбэх оҕолоох, иллээх, улахан дьиэ-кэргэн күндү ийэлэрэ,
аҕалара оҕолору үлэҕэ уһуйууга, иитиигэ оруоллара улаханын ахтыбат
буолуохха сатаммат.
32