Page 27 - Өрүкүйэр сүрэҕэ өрүү инники. (Голиков Николай Леонидовичка ананар)

«Олох устун эрэллээх,
Охсуһарга бэлэмнээх,
Баран ис эдэр киһи,
Бар дьонуҥ,
До иду ҥ иһин!».
Н. Никифоров

КЫРАТЫТТАН САЛАЙАР ДЬОҔУРДААҔА БИЛЛЭРЭ
•— 4*— ф — •

Саас. Хаар ууллан, от-мас саҥа тыллан эрэр кэмэ. Олохтоох дьон-сэргэ
бары мустан, дэриэбинэ иһин, тулатын ыраастыырга, сэргэхситэргэ субуотун-
ньуктуу сылдьабыт. Биһиги бөҕү куулга кутан чөмөхтүүбүт, мастары таһабыт.
Ол кэмҥэ бырысыаптаах «Беларусь» тыраахтар бөҕү тиэйэ кэллэ. Арай кер-
бүтүм: тыраахтар иһигэр кып-кыракый уол оҕо төбөтө лэкээриҥниир, уҥа-ха-
ҥас көрүтэлиир. Аттыгар аҕата суох, оҕо - соҕотох. Уолчаан сүрдээх дуоспу-
руннаахтык уруулун эрийэн, гааһын холбоон.тыраахтарын кэннинэн астаран,
бырысыабын мунньуллубут бөх аттыгар чугаһатан тохтоото уонна аанын аһан,
үлэлии турар тыраахтар тыаһын баһыйар бэрт улахан куолаһынан: «Сөпкө
тохтоотум дуо?» - диэн үөгүлээтэ. Бу мин аан маҥнай Голиков Колялыын көр-
сүһүүм этэ. Коля оччолорго 6 эрэ саастааҕа.
Оҕо саас кэрэ кэмнэрэ хас биирдии киһиэхэ умнуллубат өйдөбүл. 2009-2010 үөрэх дьылыгар
Коля Голиков уһуйааҥҥа бэлэмнэнии бөлөҕөр иккис сылын киирэр. Доргуччу саҥарар сөҥ куолас-
таах, билиэн-көрүөн баҕалаах, бэйэтин таһыччы кыанар, түргэн-тарҕан уолчаан бииргэ сылдьар оҕо-
лоруттан харыһынан үрдүк курдук көстөрө. Оҕо-оҕо курдук мэник-тэник, охсуһааччыны кытта охсу-
һан да туруон сөп, ол эрээри кыраҕа-кыаммакка амарах сүрэхтээх, чараас дууһалаах уолчаан буолан
биэрбитэ. Ийэлээх аҕата күҥҥэ көрбүт чыычаахтарын кыра эрдэҕиттэн дьону убаастыырга, чиэһинэй
буоларга, үлэни таптыырга, киһи кыһалҕатын өйдүүргэ үөрэппиттэрэ харахха быраҕыллара. Үлэһит
төрөппүттэрин көрө, кинилэргэ көмөлөһө улааппыт буолан, үлэни өрө тутара.

У Һ У Й А А Н О Л О Ҕ У Т Т А Н Т Э Т Т И К Б Э Л И Э Т Э Э Һ И Н Н Э Р

Утуйуох иннинэ оҕолорго остуоруйа кэпсиибин. «Кэлтэгэр Боотур» остуоруйаны наһаа сөбүлээн
истэллэр, сотору-сотору ити остуоруйаны кэпсэттэрэллэр. Коля табаарыһа Литвинцев Павликтыын
үөһээ-аллараа ярустаах ороҥҥо сыталлар, биир эмэ оҕо саҥардаҕына: «Айдаарымаҥ, мэһэйдээмэҥ!»
- диэн чыбыгыраһа түһэллэр. Остуоруйа бүппүтүн кэннэ Коля: «Тоҕо кэлтэгэр атахтаах диэний? Ол
аата хайдаҕый?» - диэн ыйытта.Туран көрдөрдүм.«Оо, эрэйдээх баҕайытык хаамар эбитдии»,- диэн
наһаа аһынна. Онтон кэтэҕин тарбанна, төбөтүн кыҥначчы туттан, тугу эрэ толкуйдаата уонна Пав-
лигар баран: «Кылгас атаҕын этэрбэһигэр хобулук курдук мае саайан үрдэттэххэ, атахтара тэҥнэһэр
буоллаҕа дии», - диэн сибигинэйдэ. Коля оннук мындыр толкуйдаах, остуоруйа дьоруойугар тиийэ
көмөлөһөр баҕа санаалаах олус аһыныгас сүрэхтээҕэ.

Кыһын ойбонтон уу баһа сылдьан, быыкаа мунду тахсыбытын уһуйааҥҥа илтим. Дьэ, оҕолор
көрүү-истии мааныта буоллулар. Зоомаҕаһыынтан балык аһа ыллардыбыт уонна этэҕэ хомуйан, ба-
тарыайа үрдүгэр хатаран, үлтүрүтэн, мундубутун аһатабыт. Эрдэ кэлбит оҕо мунду аһатар. Коля на-
һаа эрдэһит, лоп бааччы 8 чааска уһуйаан аанын аһааччы - кини. «Наар Коля аһатар» диэн, оҕолор
күнүүлүүллэр. Ол кэмҥэ «Өс хоһоону ситэр» диэн тыл оонньуутун оонньоттум. «Эрдэһит чыычаах...»
диэн саҕалаан эттэхпинэ, оҕолор ситэрэн иһиэхтээхтэр. Онуоха Коля хап-сабар: «Мунду аһатар, хойу-
таабыт - аһаппат», - диэт, чоҕулуччу көрөн турара харахпар бу баарга дылы. Ол кэннэ тоҕо эрэ мунду
аһатыытын туһунан мөккүөр тахсыбытын өйдөөбөппүн. Булугас өйдөөх.тылтан иҥнэн турбат, бэйэтин
кырдьыгын таһаарынар буолан, бу тыҥааһыннаах быһыыттан-майгыттан кыайыылаах таҕыстаҕа.