Page 28 - Өрүкүйэр сүрэҕэ өрүү инники. (Голиков Николай Леонидовичка ананар)

Сыл ахсын сайын саҕаланыыта уһуйааммытыгар туризм буолар. Оҕолорбун икки хамаандаҕа
арааран, мэһэйдээх түһүмэхтэри ааһарга бэлэмниибин. Коля бэйэтин хамаандатыгар хамандыыр
буолар. Бастакы хамаанда оҕолорун сүүрдэн кэллим.Арай Колям бэйэтин оҕолоругар ким кимниин
сиэттиһэн сүүрүөхтээҕин, ким кимиэхэ ханнык түһүмэххэ көмөлөһүөхтээҕин быһааратурар эбит. Ол
онно оҕом салайар дьоҕурдааҕын аан бастаан бэлиэтии көрөн турабын.

* * *
Саас. Күөх от бытыгыраабытын кэннэ таһырдьа оонньуу сылдьан, Эдирабыт аҥаар ытарҕатын от
быыһыгар түһэрэн кэбистэ. Көрдөөтүбүт да, булбатыбыт. Дьиэҕэ киирии буолла. Кыыспыт улахан ба-
ҕайытык ытаата. Коля Эдираны төбөтүттэн имэрийдэ уонна: «Ытаама, сарсын таһырдьа таҕыстахпы-
тына, өссө көрдүөхпүт, хайаан да булуохпут»,- диэтэ. Сарсыныгар иккиэн көрдүү сылдьаллара. Эппит
тылын толорор эрэллээх доҕор буолара бу да түбэлтэҕэ көстөр.

Коля Голиков үҥкүүгэ, хорга, чабырҕахха, тойукка, хоһоон ааҕыытыгар көхтөөхтүк кыттара. Олус
сэргэх, көрдөөх-нардаах оҕо буолааччы.
Коля 2 кылааска үөрэнэ сылдьан, биирдэ уулуссаҕа көрсөн, уһуйааҥҥа күүлэйдии тиийиэн баҕа-
рарын эппитэ. Ону мин: «Иллэьг кэмҥэр кэлээр», - диэтим. Хас да хонон баран, бырааттарын - Эр-
чимнээх Эрэли - илдьэ тиийэн кэлбитэ. Онно кыра бөлөх оҕолорун көрөн: «Биһиги эмиэ хаһан эрэ
маннык кыра этибит ээ», - диэн, улахан киһи курдук эппитэ. Колялаах кэпсээн-ипсээн, оҕолору кытта
оонньоон, көмөлөһөн, үөрэн-көтөн тарҕаспыттара. Кэлин үрдүкү кылааска да үөрэнэ сылдьан, уулус-
саҕа көрүстэҕинэ, ааппын толору ааттаан туран дорооболоһоро, кылгастык оскуолатын олоҕуттан
билиһиннэрэн ааһара.
Оскуоланы бүтэрэн, аармыйаҕа ыҥырыллан барбытын да кэннэ ийэтиттэн хайдах сылдьарын
ыйыталаһан истэр этим. Кэлиэхтээх сайыныгар сулууспалаабыт сиригэр хаалбытын, рота хамандыыра