Page 29 - Өрүкүйэр сүрэҕэ өрүү инники. (Голиков Николай Леонидовичка ананар)

буолбутун истэн,«Коля,дьэ,бэйэтин миэстэтин булбут» диэн үөрэ санаабытым.Үөрүүбүтуһаабатаҕа...
Хара сурах тэҥсигэ, ыар ис хоһоонноох илдьит эмискэ дууһабытын аймаабыта. Биһиги күндүтүк са-
ныыр оҕобут, иитиллээччибит, хорсун буойун, хамандыыр Николай Голиков чаҕылхай мөссүөнэ са-
наабытыгар, дууһабытыгар мэлдьи тыыннаах! Биһиги Колябыт кылгас эрээри чаҕылхай олоҕо кыра
сааһыттан булугас өйүнэн, олоххо ураты көрүүтүнэн, дьулуурунан, инникигэ эрэлинэн, эр санаанан
саҕаламмыт эбит.
Валентина Кондратьевна Исакова.
«Чэчир» оҕо уһуйаанын иитээччитэ.

ОҔОЛОРУ БЭЙЭТИГЭР ТАРДАР УРАТЫ КҮҮСТЭЭҔЭ

♦— ❖ — ❖ — ❖ — •
Оҕо эрдэҕиттэн дьоһуннаах, доргуччу лоп бааччы саҥарар уолбут Коля ос-
куолатын бүтэрээт.Аҕа дойдутугар ытык иэһинтөлүү, аармыйа кэккэтигэр сулуус-
палыы барбыта. Онтон дойду үрдүнэн буола турар анал байыаннай дьайыыга
бастакынан кэриэтэ контракт баттаһан,Украинаҕа барбытсураҕа иһиллибитэ.
Коля 2009-2010 үөрэх дьылыгар «Чэчир» оҕо уһуйааныгар бэлэмнэнии
бөлөҕөр киирбитэ. Ити кэмҥэ иитээччилэринэн Ушницкая Т.И., Исакова В.К.,
Гуляева В.М. уонна физинструктор Яковлева М.П. үлэлииллэрэ. Бэйэ-бэйэлэ-
рин кытта кыра эрдэхтэриттэн алтыспыттэҥ саастыы оҕолор Коляны туорап-
патахтара. Ол оннугар элэккэй, улахан киһилии боччумнаах, билиигэ-көрүүгэ
дьулуһар, бэйэтин кыанар уолчааҥҥа оҕолор тардыһар буолан бартара. Ол да
иһин буолуо, кини уһуйааҥҥа сылдьар кэмигэр мэлдьи хамандыыр буолара.
Коля киһи санаатын курдат билэр, табар туспа дьоҕурдааҕа. Биирдэ оҕолору кытта оонньуу сыл-
дьан, аан холуодатыгар сүүһүн быһа түспүтэ. Онно наһаа ыксаабыппын, долгуйбуппун көрөн уолум:
«Туйаара Ивановна, ыалдьыбатээ,ааһыаҕа дии»,- диэн баран,олус истиҥник кыҥначчы туттан көрөн
турара өйбөр бу баар курдук хаалбыт. Ити курдук киһини уоскутар этэ.
Төрөппүттэрэ София Петровна, Леонид Николаевич оҕолорун сахалыы сиэрдээх буолууга ииппит,
өбүгэ үгэһинэн үлэҕэ сыһыарбыт, төрөөбүт дойдуга тапталы иҥэрбит буолан, Коля сатабыллаах, то-
буллаҕас өйдөөх буола улааппыта. Киһи үйэтин тухары билэ-көрө сатыыр. Ол курдук Коля саҥаттан
саҥаны бэйэтигэр көрдөнөр, арыйар баҕата сүрдээх күүстээҕэ.
Кэлин Коляны Бороҕоҥҥо көрсө түспүтүм, үөрэҕин сураспытым. Кини Бэйдиҥэҕэ спортивнай кы-
лааска үөрэнэ сылдьарын үөрэ-көтө кэпсээбитэ.
Оҕобут, иитиллээччибит, Аҕа дойдуга бэриниилээх хорсун байыас Николай Леонидович Голиков
оҕолуу истиҥ, ыраас мөссүөнэ, сырдык аата дойдутун дьонугар-сэргэтигэр үйэлэргэ ааттана туруо!

Туйаара Ивановна Ушницкая,
«Чэчир» оҕо уһуйаанын иитээччитэ.
2023 с.