Page 31 - Өрүкүйэр сүрэҕэ өрүү инники. (Голиков Николай Леонидовичка ананар)

үөрүү-көтүү көтөллөнө сылдьабыт. Дьэ, ол курдук
оҥостон-туттан: «Коля, сарсын Бороҕоҥҥо ба-
рабыт», - диэн төлөпүөннүүбүн. Арай сарсыны-
гар, кэккэ биричиинэлэринэн, айаммыт аартыга
сабыллан, сатаан барбат буоллубут... Кэри-куру
буола сырыттахпытына, арай, оҕом: «Марина
Петровна, маны мин эйиэхэ бэлэхтиибин!» -
диэтэ уонна икки кырачаан сувенирнай сибэкки
вазатын бэлэх уунна. Туох диэхпин билбэккэ со-
һуйдум да, үөрдүм да! Ону көрөн,уолум хараҕа
чаҕылыс гына түстэ. Ол үөрбүт харахтарын, ама,
умнар үһүбүөн!!! Оҕо барахсан миигин уоску-
таары, сэргэхситээри, сүргэбин көтөҕөөрү, бэлэ-
ҕин кырачаан ытыһын иһигэр тутан, сылаас сыһыанын бэрсэр майгыта эбит буоллаҕа диэн, билигин
бутүгэни долгуйа.уйадыйа саныыбын... улахан да дууһалаах, үтүө да сүрэхтээх, ырааҕы көрөр истиҥ
сыһыаннаах, киэҥ эйгэлээх киһи тахсан испит эбит диэн... Коля аймах-билэ дьонугар итинник истиҥ
сыһыанын эдьиийэ Алена Голикова хараастан кэпсиир суруктарыттан да ааҕабыт.
Оҕо - төрөппүт сиэркилэтэ. Коля ийэтэ София Петровна - сылгы, ынах сүөһүнү тутан олорор өлгөм
астаах-үөллээх ыалдьытымсах далбар хотун, дэлэгэй илиилээх хаһаайка. Аҕата Леонид Николаевич
- ханнык да үлэттэн чаҕыйбат, барыны кыайа-хото тутар нэһилиэкпит биир бастыҥ үлэһит киһитэ. Ол
да иһин Коля кинилэр холобурдарын ылан, дьоһун киһи буола улааттаҕа. Анал байыаннай дьайыы
кытаанах усулуобуйатын тулуйарыгар аҕатын иитиитэ олук буоллаҕа дии саныыбын.
Коля Голиков сырдык кэриэһигэр анаммыт «Саха» НКИХ биэриитин көрөн, бары да астынныбыт.
Үөрэ, махтана көрдүбүт... биир санааҕа, биир тэтимҥэ сылдьыбыт кылааһын оҕолорун... биир дьиэ
кэргэн курдук иллээх-эйэлээх буоларга ииппит, оҕолорун ис сүрэҕиттэн таптыыр Агата Александров­
на Тегюрюкова курдук эдэр учууталы... өйдүү-саныы сылдьар умнуллубат күннэрин видеоҕа, хаартыс-
каҕа үйэтиппиттэрин...
Коля кэрэҕэ тардыһар майгыта, ханнык да түгэҥҥэ мөлтөөн биэрбэт дьулуура доҕотторугар үтүө
холобур буолар. Кини төрөппүттэригэр бииргэ үөрэммит табаарыстара, доҕотторо өйөбүл буола
туруохтара диэн эрэнэбит.
«Арай...» диэн баран, инники-
тин тымтыктанан көрдөххө, Ко-
ляттан сатабыллаахсалайааччы
тахсарыгар бары хаачыстыбата
барыта баара: дьоҥҥо барыты-
гар аламаҕайа, болҕомтолоох
сыһыана, киһиэхэ үтүө эрэ өрү-
түн көрөр көнө майгыта, доҕот-
торун кытта тэҥҥэ биир тылы
булара, саастыылаахтара кини
тула сөбүлээн мусталлара, кы-
һалҕалаахха бастакынан илии-
тин уунара...
Коля киһи кутун тутар, киһи
сүргэтин көтөҕөр чычаас, көнө
да майгылаах оҕо этэ...

Марина Петровна Яковлева.
Чэчир» оҕо уһуйаанын иитээччитэ, физинструктор.
2023 с.