Page 22 - Кыайыы ыһыаҕа Хос үрэххэ

НК. -<*-----------^ Лк--- - шЛ—
■ л и и и и и и и и и и и и и и и о и и и и и и и и и и и и и и и и и и и и и и и и о и и и и и и и о и и и и и и и и и и и и и и и и и и и и и
^ ц щ ц ц ц щ и и и щ ц ц ц ц щ ц ц ц ц и ш и ш и и и и и и и и ^
рЩ0 ЩРЩ0у 0 ЩЩ0ЩдЩРЩуЩЩр1Щ0 Щ0ЩЩ
КЫАЙЫЫ ЫҺЫАҔА

1945 сыл сааһа эрдэ кэлбитэ, итии чаҕылхай күннээх сырдык саас буолбута. Ыһыы үлэтэ эрдэ
бүтэн, бааһына, ходуһа сирэ бүтэйдэрэ өрөмүөннэнэн ыһыах иннинэ сабыллыбыттара.
Нэһилиэктэр кииннэригэртэрээһиннээх ыһыахтар бэс ыйын 21 -22 күннэригэр буолан бүппүттэрэ. Ол
кэнниттэн мин өйдүүрбүнэн бэс ыйын 23-24 күннэригэр Бороҕоҥҥо улахан ыһыах буолар үһү диэн
истибиппит. Райсоветтан тэрээһиннээхтик киирэр туһунан дьаһал кэлбитэ. Ыһыах сирэ арҕаа Хос
үрэххэ буолар үһү, онно тэрээһин, бэлэмнэнии бөҕө бара турарын туһунан колхоз бэрэссэдээтэллэрэ
иһитиннэрбиттэрэ.
Оччолорго туох массыыната кэлиэй?! Үксүн ыҥыыр атынан сиир эппитин, кымыспытын туспа
көлөҕө тиэнэн күн бүтүүтэ туран айаннаабыппыт. Биһиэхэ, «Кыһыл хардыы» колхозтан хас киһи
киирэрин испииһэктээн, 40 киһиэхэ анаан эт буһаран, кымыс оҥорон биэрбиттэрэ. Ол көлөһүн
күнүгэр абаансаҕа суруллубута. Дьэ, ити курдук хоту Сарааҕынан, Нүөкүнү, Нэлим үрэхтэринэн
быһалыы Тэтинээйинэн, Буочара аартыгынан Чараҥ үрдүнэн Мүрүгэ киирбиппит. Арай Бороҕоҥҥо
тахсыбыппыт киһи хараҕа аһыйар буруо бөҕө. Мүрү халдьаайытын уот сии турар, өрт барбыт
диэн буолла. Биһиги илин «Маяк» колхозка Макеевтарга тохтоотубут. Ыһыах бүгүн буолбат сураҕа
иһилиннэ, киирбит дьону өрт уотун хаайыыга милициялар ыалы кэрийэ сылдьан таһаараллар үһү
диэн кэпсээтилэр. Биһиги бараары гыммыппытын улахан дьон ыыппатылар.
Мааны таҥаскытын киртитэн баран ыһыахха дьоҥҥо онон көстөөрү гынаҕыт дуо?! Барыҥ, хотоҥҥо киирэн саһыҥ, - диэтилэр.
Бэйэлэрэ эмиэ ампаарга хорҕойдулар. Ол күн өрт уотун ньээкэлэр өтөхтөрүнэн буойунаҕа барар дүөдэнэн, Хос үрэххэ киирэр
үрүйэнэн быһан төгүрүйбүттэрин, хаайбыттарын, сарсын 24 чыыһылаҕа ыһыах ыһылларын туһунан киэһэ сурах кэллэ. Сарсыарда
эрдэ туран биһиги, оҕолор, Хос үрэххэ бардыбыт.
Онно көрдөххө бэтэринээрдэр анныларыгар Хос үрэх төгүрүччү хатыҥынан, титиригинэн чэчир анньыллыбыт. Дьиэлэртэн
хоту диэки чугас хаптаһын трибуна оҥоһуллубут, сирэйэ соҕуруу диэки хайыспыт. Икки өттүгэр сэргэлэр кэчигирээбиттэр, сэлэ
тардыллыбыт. Илин тумул үрдүгэр хас да балаакка туруоруллубут, онно райсоюз маҕаһыыннарын атыылааччылара утах, бэчиэнньэ,
кэмпиэт, сээкэй кыра табаар атыылыыллар эбит.
Биир балааккаҕасүүйүүлээх лотерея атыыланар. Кэлбит дьон онно аалыҥнаһар. Сотору 10 чаастан ыһыах саҕаланна. Колхозтар
түһүлгэлэрэ анал бииркэ анньыллыбыт миэстэлэрдээх. Трибунаҕа райсовет председателэ Василий Прокопьевич Готовцев, райком
секретара Бүөтүр Баһылайабыс Данилов, кинилэри тула куораттан кэлбит ыалдьыттар, артыыстар, тэрилтэлэр салайааччылара,
колхозтар, нэһилиэктэр бэрэссэдээтэллэрэ, стахановецтар, ударниктар эҥин бааллар.

Л------Л—

и и и и и и и и и и и и и и и и и и и и и и и и и и и и и и и и и и и и и и и и и и и и и и и и и и и и и и и и и и и и и и
ттштщрщгшщщ РЧРЧР4РЧРЧР4РЧРЧРЧРЧ