Page 23 - Кыайыы ыһыаҕа Хос үрэххэ

-**—|к- _ _____________________ ---- ---- *— -^»— __ -«<

о о о и и и и и и и и и и и и и и и и и и и и, и и и и и и и и и и и и и и и и и и и и и и и и и и и и и и и и и и и и и и и и и и и и и и и и
4111111.11.11111111111111111111,11111111111111111111111111111111111111111^
*щ*щтттщп
Анал церемония баарын өйдөөбөппүн. Ыһыаҕы трибуна үрдүттэн райсовет председателэ Василий Прокопьевич аста, ол
кэнниттэн райком секретара Петр Васильевич Данилов тыл ылла. Онтон нэһилиэктэр, колхозтар председателлэрэ эттилэр. Биһиги
оҕолор буоламмыт тугу эппиттэрин өйдөөбөппүт. Икки чаас курдугунан дакылаат, тыл этиитэ бүттэ. Түһүлгэҕэ анал миэстэбитигэр
олорон аһаатыбыт. Ол кэнниттэн оһуохай бөҕө буолла. Биир орто уҥуохтаах хамсаммыт-имсэммит киһи олус чуордук чоргуйан
оһуохай тылын этэр. Дьон: «Үстүүн Нохсоороп, артыыс» - диэн кэпсэтэллэр.
Сотору атах оонньуута, тустуу, мас тардыһыыта буолла. Дьахталлар эмиэ туһуннулар. Онно биир сааһырбыт дьахтар кыайда,
бастакы, иккис миэстэни былдьаһыы быһыылааҕа, биир бэрт модьу сылбырҕа эдэр дьахтар кыайыах курдук киирсибитин саастааҕа
искиэрэ ыстаанын хайа тардан, эдэрэ кыбыстан олоро түстэ. Ону дьон: «Кыайыах дьахтар ыстаанын хайа тартаран хоттордо», -
диэн саастаах дьахтары сэмэлээтилэр. Арҕаа Бүлтээйи тумуһуттан аттар сүүрдүлэр. Түмүк сүүрдүү сарсын буолуо диэн тохтоттулар.
Сайыҥҥы күн киэһээриитэ 6 чаас саҕана ветеринардар лабораторнай дьиэлэрин таһыгар артыыстар концертара саҕаланна.
Михаил Николаевич Жирков диэн артыыс Ньургун Боотуру толорон улахан сөҥ куолаһынан ыллаата, бухатыыр таҥастаах, үҥүүлээх,
оннук театральнай көстүүмнээх этэ. Туйаарыма Куону Александра Новгородова олус нарыннык, уйаннык ыллаата. Сорук Боллуру
Петр Михайлович Решетников аты мииммит макеттаах киирэн толордо. Уот Уһутаакыны Виктор Саввин, абааһы кыыһын Акулина
Иванова диэн эдэр артыыска ыһыллаҥнаан, эккирээн толордо.
Үөрүү, өрөгөй үҥкүүтүн саха театрын иһинэн аһыллыбыт үҥкүү студиятыгар үөрэнэр уолаттар уонна кыргыттар толордулар.
Онно Курбуһахтан киирэн үөрэнэ сылдьар Михаил Романович Местников (билигин Саха Республикатын үтүөлээх артыыһа),
Петр Николаевич Окоемов (Биэтэ Окойомов) толорбуттара. Ону олус кэрэхсээн урууччуйан көрбүппүт. Концеры харчылаах
көрдөрбүттэрэ. Билиэти атыылаан баран олбуору сабан кэбиспиттэрэ, онон билиэтэ суох дьон олбуор үрдүнэн, быыһынан көрөл-
лөр этэ. Ону милициялар кэрийэ сылдьан үүрэллэрэ. Билиэттэрин сыаната 7 солк. 10 харчы этэ. Биһиги абаансанан кыра харчы
ылан киирбит буоламмыт көрбүппүт. Ыһыах сарсыҥҥы күнүгэр салгыы буолбута. Аһылык кэнниттэн эр дьон тустубуттара, мас
тардыспыттара, сырсыы эмиэ баара. Дьахталлар эмиэ тардыспыттара, онно Өлтөх нэһилиэгиттэн Өлөөнө Алексеева диэн трак-
тористка (Күүстээх Өлөөнө) Курбуһахтан Лекория Васильевна Аммосова (Күүстээх Лөкүөйэ) тардыспыттара. Бастакы түһүүлэ-
ригэр эр дьон тардыспыт мастарын тоһута тыытан кэбиспиттэрэ, ону дьон сөҕүү-махтайыы бөҕөтө буолтара. Иккис саҥа маһы-
нан тардыһыыга биһиги Лөкүөйэбит кыайбыта, онон бастакы миэстэ буолбута. Өлөөнө бөдөҥө-садаҥа, этиргэнэ чахчы күүс-
тээх бухатыыр дьахтар быһыылааҕа. Илиитэ, атаҕа суона, таҥаһы киэптии кэппит киһи хараҕа туолар көрүҥнээх этэ. Кэнники
кырдьан баран «Ленинскэй тэрийээччи» хаһыакка интервью биэрбитэ тахсыбыта. Онно Кыайыы ыһыаҕар Курбуһахтан Күүстээх
Лөкүөйэҕэ кыайтаран иккис буолбутум, - диэбит этэ.
Онуоха диэри кимиэхэ да иннин биэрбэтэх этэ. Лөкүөйэ да эр киһилии бөдөҥ көрүҥнээҕэ. Хотоҥҥо өһүө буолар суон бэрэбинэни
үөһэ өрө анньан биэрэрэ. Бороҕон тутуутугар колхозка түһэриллибит тутуу бэрэбинэтин таһыыга оҕолору илдьэ сылдьан 10 сыарҕаҕа
соҕотоҕун ууран биэрэрэ. Онно мин сылдьыспыт буолан билэбин.

...тг..... ...... *т.... . ж■ 1Г I •т . тг . п ....... ....... ...... тг* ' н"тч ■ ■■ тг ....и Ж" ........ .. ■■..шцр 1 —I,. ж ■— ■ Ж1" — ......... т ....■— ' 'ИГ ..... -
п I тг ' ■|Р
( 21 )
и и и и и и и и и и и и и и и и и и и и и и и и и и и . и и и и и и и и и и и и и и и и и и и и и и и и и и и и и и и и и и и и ичГ^О и и и и и