Page 65 - Нэһилиэк төһүү дьоно

ҕа ыалдьыбытыгар дьахталлар: «Олус маанымсыйаҕын, ол иһин
ыалдьар», — диэн сэмэлиэхтэрэ дуо? Оччолорго мыыла да суоҕа,
эгэ туалетнай кэлиэ дуо? Арыпыанаҕа эрэ баара.
Арыпыан, билиигэ-көрүүгэ баҕалаах, барыга бары сыстаҕас
кыыс, колхозка бастакы кэлбит тыа хаһаайыстыбатын массыы-
наларын билэ охсон үлэлэтэрэ. Өйдүүбүн ээ, үрэххэ бастакы сэп-
пэрээтэри аҕалбыттарыгар көрө охсоору үрэх ыалларын дьах-
таллара бары ферма дьиэтигэр кэлбиттэрин. Арыпыан дүлүҥҥэ
таҥыллан олордуллубут сэппэрээтэри иитэн үлэлэтэн тигинэп-
питэ. Үүтэ, сүөгэйэ араарылла охсубутун сөхпүттэрэ аҕай, биһи-
ги, оҕолор, эмиэ. Күүгэнин күөрчэхдиэн сиэри гыммыппытын
«искит ыалдьыа» диэн сиэппэтэхтэрэ. Арыпыан ким хайа инни-
нэ от охсор, мунньар массыыналарга үөрэҕэ суох аттары көлүйэн
Эбэ, Бүтэйдээх алаастарга дьүөгэлэрэ Балаайалардыын, бэйэтэ
бииртуһунан кэрэдьүһүннээхэдэрдьахтар Ыстапаан Маайаты-
наан от оҕустарара, мустарара. Эр дьон массыына кыайан сыл-
дьыбат сирдэринэн уутун отун, тыатын саҕатын, быллаардаах
өттүлэрин охсоллоро, бугуллууллара, кэбиһиигэ сылдьаллара.
Эбэ, Бүтэйдээх алаастар саамай көнө хонуулаах, от муҥутаан
үүнэр колхоз бастыҥ ходуһалара этилэр. Онно наар сулумах ыч-
чат, саҥа ыал буолбут эдэр дьон өтөхтөргө хоно сылдьан үлэлиил-
лэрэ. Эрчимнээх эдэр дьон алаастарын өр гымматтара. Оту ар-
дахха ылларбакка, тута хомуйан, бөдөҥ кэбиһиилээх оттору лөг-
лөрүтэн кэбиһэллэрэ. Омурҕаннарга, киэһэ, сарсыарда, кылгас
да сынньалаҥнарга күлүү-оонньуу, көрдөөх кэпсээн бөҕө буолал-
лара. Ордук күүһү холоһууга, атах оонньууларыгар күрэхтэһэл-
лэрэ. Кыргыттартан сүүрүүгэ Арыпыан Литвинцев Ньукулайга
уонна убайа Төөтөйгө эрэ кыайтарара.
Оччолорго саҥа суруйан эрэр поэттар хоһооннорун, ырыала-
рын ааҕаллара, ыллыыллара. Онно да Арыпыан бастыҥнара.
Кырдьык, олус үчүгэйдик ыллыыра. Күүстээх кэрэ куоластааҕа.
Ол саҕана киинэ, араадьыйа, кулууп дьиэлэр баалларын да бил-
бэт кэммит этэ. Ыччат саҥа тарҕанан эрэр аныгылыы ырыалары
ыллыыра. Кырдьаҕас өттүлэрэ төгүрүччү олорон көрөллөрө, ис-
тэллэрэ. Өйдүүбүн ээ, дьиэ ортотугар олоппоско кулаах аатырбыт
Лэгэнтэй (Тээллээр) оҕонньору олордон баран, оҕонньору эрги-
йэсиэттиһэсылдьан: «Кулаахбаҕарсалгылаатын — кыһалҕа кыч-
чыгый», — диэн ыллыылларын. Онуоха оҕонньордоро олох да