Page 220 - Сэрии кэмин оҕолоро 2 кинигэ

СҮОТТУ нэһилиэгэ

Суотту нэһилиэгэ

Абрамов Михаил Николаевич

Мин 1944 с. Хаҥалас улууһун Булгунньахтаах бөһүөлэгэр
төрөөбүтүм. Ийэм — Пудова Марфа Семеновна, аҕам Абрамов
Николай Афанасьевич. Үөрэҕим СГУ, БГФ, ВТИ. Үлэлээбит
сирдэрим: Уус Күөлэ, Суотту.
Сэрии тыйыс сыллара олус ыарахан этилэр. Ордук ас-танас
кырыымчыга, тоҥуу-хатыы элбэҕэ өйгө хатанан хаалбыт. Ыара-
хан кэмҥэ ааспыт оҕо сааһын киһи өйдүү-саныы сылдьар эбит.
Ол курдук 6-8 саастаахпар ийэбинээн холкуос бааһынатыгар
«үлэлии» барарбытын, мас кыстаһан оһох оттуһарбын өйдүүбүн.
Сэрии бүппүтүн кэннэ, оскуолаҕа киириэхпэр диэри элбэх
нэһилиэктэринэн көһө сылдьан олорбуппут. Аҕам улахан мас
ууһа буолан, ынырыынан сылдьан уһанар этэ.
Оскуолатааҕы кэмим сэргэхтик, улахан күчүмэҕэйэ суохтук ааспыта. Орто сүһүөх
кылаастарга интэринээккэ ылыллан кыһалҕаны билбэккэ үөрэммитим.
5-6 кылаастарга аҕабын кытта тэҥҥэ сылдьан, батыкка, куска, куобахха бултаһан,
дьиэҕэ-уокка наадалаах мас оҥоһуктары оҥорсон, иллэҥ кэм диэни билбэккэ улаап-
пытым. Ол быыһыгар хаартыскаҕа түһэриигэ, таҥнар таҥаһы тиктиигэ, уус-уран лите-
ратураны умсугуйан ааҕыыга элбэх бириэмэ барбыт буолуохтаах.
1964-66 сс. «Оскуола-производство-үрдүк үөрэх» диэн девиһинэн «Правда» холкуос-
ка фермаҕа кылааһынан бүттүүн тахсан үлэлээбиппит.
1966-71 сс. СГУ биолого-географическай факультетын бүтэрэн, Курбуһах интэ-
ринээт-оскуолатыгар, Суоттуга үөрэх, советскай-партийнай үлэлэргэ үлэлээн кэллим.
Сут-кураан, аас-туор сыллар, төһө да ыарахан буоллаллар, киһини мас курдук чо-
чуйан, тимир курдук хатаран, олоҕу таба сыаналыырга уонна бэйэни сайыннарыыга
олох муудараһын оскуолатын курдук сыаналыыр сөптөөх.

Васильева Александра Гаврильевна

Мин 1944 с. тохсунньу 7 к. Мэҥэ Хаҥалас Мэлдьэхси нэһилиэ-
гэр төрөөбүтүм. Аҕам — Свинобоев Гаврил Иванович, ийэм —
Гоголева-Свинобоева Анастасия Лукинична. Сэрии кэмигэр
Дьокуускайынан, Мэҥэ Хаҥалаһынан олорбуппут. 8 кылаас
үөрэхтээхпин, 8-с кьыаас кэнниттэн комсомол путевкатынан 3
сыл 1963-66 сс. Оҕуруоттаах ферматыгар үлэлээбитим, 1967 с.
эдьиийбэр Свинобоева Мария Гаврильевнаҕа Мэҥэ Хаҥаласка
Батыктаахха санаторнай ясли-садка сестра-воспитателинэн үлэ-

216