Page 221 - Сэрии кэмин оҕолоро 2 кинигэ

СҮОТТ/ нэһилиэгэ

лээбитим. Онтон Уус Алдан Оҕуруоттааҕар 1969 сылтан сэбиэт детсадыгар 1977 с. диэ-
ри ньээҥкэнэн үлэлээбитим, Онтон сэбиэт детсада Кыһыл Кырдалга көснүтэ. 1978
сылтан сэбиэт хонтуоратыгар уборщицалаан, 1986 с. бүтэһигэр биэнсийэҕэ тахсыбы-
тым. Кэлин 2007 сылтан Дьокуускайга киирэн, Медицина киинигэр гинекология отде-
лениетыгар ахсыс сылбын ыарыһахтары аһатарга үлэлиибин.
1 4 .0 2 .2 0 1 4 с.

Гоголева Раиса Петровна

Мин 1942 с. кулун тутар 22 к. Уус Алдан улууһун Сыҥаах
нэһилиэгэр Хардыы учаастагар төрөөбүтүм. Ийэм — Алексеева
Атександра Петровна, аҕам — Алексеев Петр Сидорович.
Кыра сааспар Хардыыга Кустаах диэн сайьшыкка олорбуп-
пут. Ийэм 8 саастаахпар эмискэ ыа.'щьан өлбүтэ. Оҕо сааһым
ийэ таптала диэни билбэккэ ааспыта. Эһэлээх, эбэлээх этибит.
Убайым Испирдиэн, эдьиийим Александра Петровна буолам-
мыт эбэбитигэр Анастасия Семеновнаҕа көрүлтэн улааппып-
пыт. Миигин сүгэн оттуур сиригэр барарын өйдүүбүн. Эһэбит
Испирдиэн диэн этэ, биһиги оҕо эрдэхпитинэ өлбүтэ.
Балаҕан дьиэҕэ олорбуппут. Дьонум өлбүттэрин кэннэ кут-
танан, дьиэҕэ киирэргэ эбэм кэнниттэн, тахсарга эбэм иннинэ
сылдьар этим.
Кустаах сайылык үрдүгэр улахан ферма, бааһына баара. Бу бааһынаҕа кэриэйдэр
кэлэн сэбирдэх табах, оҕуруот үүннэрэр этилэр. Моркуоп сиэри онно тахсан сыыс от
ыраастаһар этибит.
1951 с. Хардыыттан Тумулга көһөн кэлбиппит. Аҕабыт сэбиэт сэкирэтээринэн, би-
ригэдьииринэн үлэлээбитэ. Сэрии сььлтарыгар ханна сылдьыбытын билбэппин. Сэрии
бэтэрээнэ этэ. Тумулга начаалынай оскуоланы бүтэрбитим. Онтон Бороҕоҥҥо 8 кы-
лааска диэри убайбынаан таайбытыгар олорон үөрэммитим. Таайбьгт Семен Михай-
лович Барашков сэрии бэтэрээнэ этэ. Төрөппүт ийэбинээн Өлөксөөһү кытта бииргэ
төрөөбүттэр. Киниэхэ махталбыт улахан. Убайым 10-ка диэри үөрэммитэ.
Сайынын биригээдэҕэ окко сьщдьар этим. Бугул түгэҕин харбыырым, уу отун оруу-
рум, кэлин атынан от мустарар этим. Аппын бэйэм көлүйэн, сыгынньахтаан, адаҕалаан
ыытар этим. Онтон Бэскээт сайылыгар ийэбит Балбаара үүт астыыра. Барыта илиинэн
үлэ: сэппэрээтэр эрийиитэ, сүөгэйи маһынан, илиинэн буккуйан арыы оҥоруута. Бу
баар этэ ыарахан үлэ. Ийэбит улахан күүстээх буолан кыайара.
Кэлин Арыы Тииккэ Хаамылыга ньирэй көрбүтүм. Биир сарсыарда аһатаары
ньирэйдэрбэр тиийбитим, биир ньирэйим моонньун быатын сиэрдийэҕэ уган өлөн
хаалбыт этэ. Аһыйан ытаатым. Ону төлөппүттэрэ. Сокуон кытаанах этэ.
1960 с. кыһыныгар 8-с кылаас кэнниттэн Бүлүүгэ биир сыллаах продавецтары үөрэ-
тэр «школа-магазин» диэн үөрэх баарын истэн төрдүө буолан Уус Алдан райсоюһун
направлениетынан барбыппыт. 1960 с. бүтүүтэ бүтэрэн кэлбиппит кэннэ райсоюз
бэрэссэдээтэлэ Атласов Суотту сельпотугар ыыппыта. Оччолорго Суотту сельпотун
бэрэссэдээтэлэ Жирков Роман Петрович этэ. Бухгалтерынан Дегтярева Дария Кон-
стантиновна үлэлиирэ. Елена Константиновна миигин үлэбэр үөрэппит, такайбыт,
сүбэлээбит киһим буолар. Ону хаһан да умнуом суоҕа. Махтанабын. Бастаан соҕуруу
промтоварнай маҕаһыыҥҥа, Хоноҕор маҕаһыыныгар 4 сыл, онтон универмакка кэ-
лэн биэнсийэҕэ тахсыахпар диэри үтүө суобастаахтык, наһаа үчүгэй үлэһиттэри кытта
2-тэн тахса сыл устата үлэлээбиппинэн киэн туттабын.
1961 с. олоҕум аргыһынаан ыал буолбуппут. 3 уол, 3 кыыс оҕоломмуппут. Оҕолорбут
улаатан, ыал буолан 14 сиэни, 3 хос сиэни бэдэхтээбиттэрэ.

217