Page 235 - Сэрии кэмин оҕолоро 2 кинигэ

СҮОТТУ нэһилиэгэ

үлэдииллэрэ. Кинилэр маай бырааһынньыгар, сайын оҕолорун кытта ыҥыран аһа-
таллара. Куурусса сымыыта, баахыла, кус сиэтэллэрэ. Наһаа да үчүгэй дьон этилэр.
Кинилэргэ махталым муҥура суох.
Оскуолаҕа начаалынай кылааска үөрэнэ сылдьан, пришкольнай учаастакка үлэлиир-
бит. Биэдэрэни кыайбат буола-буола оҕуруокка уу кутарбыт, сыыс үргүүрбүт, түүнүн
уочаратынан харабыллыырбыт.
Арыый улаатан баран, от үлэтигэр улахан дьону кытта тэҥҥэ үлэлэспиппит. Манна
от үлэтин звеноводунан Черкашин Петр Гаврильевич үлэлиирэ. Биһиги сайын устата
Сыырдаах алаастарын бүтэрэн баран өрүскэ, Хатыҥ Арыыга ыкса күһүн оскуола арыл-
лыар диэри үлэлиирбит. Харчы аахсарбыт быһыылаах да, мин өйдөөбөппүн, аҕам аах-
сара буолуо. Саас от үлэтин иннинэ солооһун маһын сыыһын ыраастыырбыт. Ахсыс
кылааска үөрэнэ сырыттахпына, Хаҥаҕа телеграф осгуолбатын үүтүн хастарбыттара.
Барыбытыгар, уол-кыыс диэбэккэ, нуорма биэрэллэрэ. Дьэ ол ыарахан үлэ буолара.
Биир миэтэрэ дириҥи кирилиэстээн хаһар этибит.
Оскуолаҕа саас аайы саһаан эрбээһинигэр бары тахсарбыт: оҕолор, учууталлар. Ман-
на үлэлии сылдьан, тымныйан ыалдьан икки сылы быһа балыыһаҕа сытан эмтэмми-
тим. Оччолорго таҥас-сап кырыымчык этэ. Ол да иһин ыарыйдаҕым буолуо.
1966 с. Сыырдаах орто оскуолатын бүтэрэн, Арыылаах бөһүөлэгэр комсомольскай
путевканан икки сыл ыанньыксыттаабытым. Үлэм ыстааһа «Лена» сопхуоска оробуо-
чайынан ылылынна диэнтэн саҕаламмыта.
1968 с. Дьокуускайдааҕы медучилищеҕа үөрэнэ киирбитим. 1971 с. фельдшер идэтин
ылан, Саһылыкааннааҕы ФАП-ка үлэлии кэлбитим. Сааһым тухары идэбинэн фельд-
шердээн, 2004 с. «Саха Өрөспүүбүлүкэтин Доруобуйатын харыстабылын туйгуна» зна-
гынан наҕараадаламмытым.
1973 с. Саһылыкаан олохтоох уолугар Портнягин Семен Иннокентьевичка кэргэн
тахсан, ыал буолан биир уол оҕолоохпут. Икки сиэн эбэтэ буолан сиэннэрбин көрөн
олоробун.

Свинобоева Ариадна Никитична

Мин, ханна барытыгар курдук, сэрии сут-кураан бириэмэти-
гэр оҕо сааһым ааспыт буолан, аччыктааһыны, тиийиммэт-тү-
гэммэт буолууну билэн улааппытым. Сэрии да кэнниттэн өргө
диэри чэпчэки олох суоҕа.
Мин бэйэм Өлүөхүмэттэн төрүттээхпин. Өлүөхүмэ өрүс төрдү-
гэр турар өрүс арыытыгар Төрүт диэн дэриэбинэҕэ төрөөбүтүм.
Бииргэ төрөөбүт 5 этибит. 3 уол, 2 кыыс. Мин саамай кырала-
рабын.
Аҕабыт Кутугутов Никита Иванович, холкуоска биригэдьиир-
дии сылдьан, 1941 с. мин 1,5 саастаахпар Аҕа дойду сэриити-
гэр бастакы хомуурга ыҥырыллан барбыт уонна эргиллибэтэх.
Ийэм Мария Петровна, 5 кыра оҕолоох, кырдьаҕас ийэлээх
хаалан, холкуос үлэтигэр хараҥаттан хараҥаҕа умса түстэҕэ дии. Онтон саҕаламмыта
аччыктааһын эрэйэ, муҥа. Ол саҕана дэриэбинэбитигэр оскуола да, батыыһа да, эмчит
да суоҕа. Сэрии кэмигэр эдьиийим, эбэм ыалдьан өлбүтгэрэ, онтон 3 убайым оскуола
суоҕунан олох үөрэммэтэхтэрэ. Кыра саастарыттан холкуос үлэһиттэрэ буолбуттара.
Онтон миигин ыраах Олоохунаттан аҕам аймахтара Парасковья, Егор Габышевтар диэн
кырдьаҕас оҕонньордоох эмээхсин кэлэннэр, ийэбэр көмөлөһөн, айах көҕүрэтэн Кин-
дигиргэ (уруккута Токко оройуона) илдьэ барбыттара. Онно баран, эбэҥки сирэ буо-
лан, бултаах эҥин, наһаа аччыктаабатаҕым. Оскуоланы бүтэриэхпэр диэри кинилэргэ
иитиллибитим.

231