Page 230 - Сэрии кэмин оҕолоро 2 кинигэ

СҮОТТУ нэһилиэгз

этэ: спортивнай оонньууларга, саахымакка, дуобакка. Зоналар наһаа үчүгэйдик үлэ-
лииллэрэ. Мин зонам бары ферма үлэһиттэрэ, ыанньыксыттар этэ, элбэхтэ бастакы
миэстэ буоларбыт. Бэрээдэк наһаа үчүгэй этэ. Билигин зона суоҕа куһаҕан.
Үс оҕобун үрдүк үөрэххэ үөрэттэрдим. Уолум уордьаннаах учуутал, куоракка үлэ-
лиир. Кыыһым Улан Удэни бүтэрбитэ, биир кыыһым тыа хаһаайыстыбатын специа-
лиһа, зооинженер.

Овчинников Николай Николаевич

Мин 1938 с. балаҕан ыйын 7 к. Мэҥэ Хаҥалас оройуо-
нун Майа сэлиэнньэтигэр сулууспатаах дьон дьиэ кэргэнигэр
төрөөбүтүм. Сэрии кэмигэр Кэбээйи оройуонун Кэбээйи сэли-
энньэтигэр олорбуппут. Аҕам — Овчинников Николай Андре-
евич, ийэм — Овчинникова Аграфена Степановна. Дьокуускай
куорат 2№-дээх оскуолатын бүтэрбитим. Уус Алдан улууһун
Бэрт Ууһун нэһилиэгэр сельсовет сэкирэтээринэн үлэбин саҕа-
лаабытым. 1961-65 сс. Дьокуускайдааҕы кооперация техникумун
звероводческай отделениетын бүтэрэн орто анал үөрэхтээхпин.
«Холбос» потребсоюзка Ньидьилитээҕи кыьшы иитэр фермаҕа
үлэлээбитим. Онтон ылата 40 сыл мэлдьи араас үлэлэргэ үлэ-
лээн, 1993 с. биэнсийэҕэ тахсыбытым. 1997 с. диэри үлэлээн
баран, билигин сынньалаҥҥа олоробун.

Окоемова (Кириллина) Варвара Гаврильевна

Мин 1937 с. Ньурба оройуонун Хорула нэһилиэгэр үс оҕо-
лоох холкуостаах дьиэ кэргэҥҥэ 3 уол, биир өлөн төрөөбүт кыыс
кэнниттэн кэтэһиилээх кыыс буолан төрөөбүппүн. Оҕо сааһым
Аҕа дойдуну көмүскүүр Улуу сэрии иннигэр, кэннигэр уонна
сэрии кэннинээҕи дойдуну чөлүгэр түһэрии ыарахан кэмигэр
ааспыта.
Ийэм 11 -дэ оҕоломмутуттан сорохторо олох кыраларыгар, со-
рохторо сааһыран (кэргэннэнэн, оҕолонон) баран бу орто дой-
дуттан туораабыттара.
Сэрии саҕатаныыта мин 4 саастааҕым. 5 саастаахпар убайым
Степан сэриигэ ыҥырыллан барбыта. Баҕар ол иһин буолуо, ол
ыар кэм мин өйбөр хатанан хаалбыт.
Сэрии бастакы сылларыгар Саха сириттэн ыҥырыллыбыт саллааттар үгүс өттүлэрэ
дойдуларыгар төннүбэтэхтэрэ. Дьон-сэргэ санаата олус түспүтэ. Баран эрэр дьону
бүтэһигин көрөн хаалыы, бырастыылаһыы, ытаһыы-соҥоһуу. Улахан дьон оҕо курдук
маккыраччы ытаһалларын мин онно көрбүтүм уонна, кыра буоллаҕым дии, олус дьик-
тиргээбитим.
Убайым иккис ыҥырыыга барбыта. Убайым төннүбэтин билбит курдук, дьонум
эмиэ улаханнык хараастан туран атаарбыттара. Баран младшай сержант буолан взво-
ду хамаандалыы сылдьан быыс буллар эрэ суруйара. Бүтэһик суругар: «Алдьархайдаах
кыргыһыыга киирээри олоробут. Уол оҕо уйана-хатана биллэр кэмэ кэллэ. Бу кыр-
гыһыыттан ортохпуна, баҕар. дойдубар, дьоммор, эһиэхэ тыыннаах тиийиэм», — диэн
суруйбут этэ. Ол кэнниттэн сурук кэлбэтэҕэ. Кэлин: «Хорсуннук кыргыһа сылдьан
сураҕа суох сүттэ», — диэн сурук кэлбитэ. Ити 1944 с. этэ. Кэлин «Память» кинигэ
1-гы томуттан Украинаҕа Никольскай уобалас Вознесенскай оройуонун Кармаз диэн
дэриэбинэтигэр көмүллэ сытарын билбиппит.

226