Page 31 - Сэрии инники күөнүгэр

Личнэй дьыалатыттан кылгата соҕус аҕыннахха маннык: Уус
Алдан Тандатыгар дьадаҥы бааһынай кэргэнигэр 1904 с. төрөөбүт.
Нэһилиэк, оройуон общественнай олоҕор активнайдык кыттар
сытыы-хотуу, эппит-тыыммыт уолу Ленинскэй комсомол кэккэ-
тигэр ыла охсон эрийбиттэр, онтон 23 саастааҕар Ленинскэй Ком-
мунистическай партия чилиэнин билиэтин Якутскайга туттарбыт-
тар. Омскайга 2 сыллаах рабочай факультеты бүтэттэрээт Новоси-
бирскайга Коммунистическай вузка үөрэттэрбиттэр. Бу үөрэҕи
бүтэрээт 1932-1934 сс. эппиэттээх партийнай үлэҕэ ананар — пар-
тия Киин Комитетын Саха сиригэр үлэлиир пропагандистскай
бөлөҕүн чилиэнин быһыытынан анал партийнай, государственнай
сорудахтары толорор.
Георгий Явловскай олох үөһүгэр киирэр кэмигэр буһар-хатар,
үрүҥэ-харата биллэр сыллар этилэр. Кини 15-16 сааһыгар сыл-
дьан сүөһү үүрээччинэн Бодойбоҕо тиийэ сылдьыбыта, 1921 —
1922 сс. ЧОН этэрээтигэр киирэн советскай былааһы саа-саадах
тутан көмүскээбитэ. Артемьев, Боссоойко баандатын утары сэ-
риилэспитэ.
Маны барытын билсэ олороҥнун бу компартия эрэллээх уолун
ханнык эппиэттээх үлэҕэ бэлэмниир буоллахтарай дии саныыгын.
Советскай-партийнай оскуолаҕа учууталлыыр, сэрии аҕай иннинэ
Москваҕа партийнай архив сэбиэдиссэйдэрин курстарыгар үөрэ-
нэр. Бу үөрэнэ сырыттаҕына араас үлэҕэ эриллибит, үчүгэй поли-
тическай бэлэмнээх, эт-хаан өттүнэи доруобай эдэр киһини ык-
саллаах быһыы-майгы үөскээтэҕинэ эппиэттээх политическай
үлэҕэ туһаныахпыт диэн Кыһыл Армия политотделын иһинэн
аналлаах үөрэҕи барбыта биллэр.
Ол үөрэҕэ туохха аналлааҕа сотору биллэн кэлэр. 1941 сыл от
ыйын 30 күнэ. Дьокуускай куорат улуу Ленатааҕы причалыттан
Кыһыл Армия кэккэтигэр аан бастаан ыҥырыллыбыт 800 эдэр-
кээн, сааһыран эрэр, этэргэ диэри оту-маһы тардыалыы сылдьар
эр бэртэрин тиэммит "Москва" диэн оччолорго саамай бастыҥ па-
роход Лена эбэ хотун сүүрүгун өрө өксөйөн күнүстэри-түүннэри
арҕаа диэки тиҥий да тиҥий буолар. Саҥарбыт-иҥэрбит, араас
тылларынан бырахсан үгүс эйэлээх омук эдэркээн дьонун ортоту-
гар байыаннай форматын кэппит, биир табаарыһа суруйарынан,
эрэһиинэ мээчик курдук тэйиэккэлээн биирдэ көрдөххө пароход
иннигэр, сотору кэннигэр сылдьан тугу эрэ дьаһайар, чаҕылыйбыт
сытыы харахтардаах, нууччалыы, сахалыы кутар-симэр, кими эрэ