Page 26 - Сэрии инники күөнүгэр

лев оскуола интернатыгар туттаран баран, бастакы хомуурга
түбэһэн, Кыһыл Армия кэккэтигэр ыҥыыр атын миинэн атытта-
ры кытта төннүбэт айаныгар аттаммытыгар ытыы хаалбыппын
өйдүүбүн. Ол күһүнүгэр Лена эбэ мууһа турарын кытта миигин
олохтоох сельсовет (председатель Г.В. Егоров) тэрийиитинэн ат
сыарҕатыгар кибииккэ оҥорон баран, интернат суорҕаныгар суу-
лаан хас да күн айаннаан, Дьокуускай таһынааҕы Марха детдому-
гар киллэрэн туттарбыттара.
2000 сыллаахха — Улуу Кыайыы 55 сылын көрсө "Сэрии сыл-
ларыгар детдом баар буолан..." диэн 200-тэн тахса страницалаах
кинигэбин бэлэмнии сылдьан, билиҥҥи Үөрэҕирии министер-
ствотыгар харалла сытар — 1941—1945 сылларга Саха АССР дет-
домнарыгар иитиллибит оҕолору суруйар официальнай доку-
муоҥҥа "Уус Алдан Курбуһаҕар төрөөбүт, төгүрүк тулаайах Пухов
Д.И. Наркомпрос 76 №-дээх путевкатынан 1941 с. сэтинньи ый 17
күнүгэр Якутскай оройуон Марха детдомугар киирдэ. 1944 с. Хап-
таҕай (Мэҥэ Хаҥалас) детдомугар көһөрүлүннэ", — диэн сурулла
сылдьар этим. Ону саҥа көрөммүн олус да үөрдүм этэ — син киһи
буоламмын улахан докумуоҥҥа киирэ сылдьар эбиппин.
Бу кинигэҕэ маннык чахчылар бааллар: өссө 1917 сыллаахха ах-
сынньы ый 31 күнүгэр В.И. Ленин "Оҕону көмүскүүр туһунан",
1918 сыл тохсунньутугар "Сокуоннай саастарын ситэ илик оҕолор"