Page 30 - Сэрии инники күөнүгэр

Сэрии тулаайаҕа, сэрии тулаайаҕа
Уоруллубут оҕо саас,
Хаһыҥ хаарыйбыт эдэр саас,
Эн хараҕыҥ уутун элбэхтик көрбүтэ
Күөл хомуһа, уу ото, суоруна...
Мин олох соторутааҕыта "Медиа-холдинг "Якутия" издатель-
ствонан Кыайыы 65 сылын көрсө 700 ахсаанынан 135 страница-
лаах "... Нам нужна была одна Победа..." диэн дьоҕус кинигэни
таһааттардым. Онно сэрии саҕана сэрии тулаайахтарын туһугар
советскай государство кыһамньытын, советскай норуот улуу
доҕордоһуута, Коммунистическай партия, Верховнай Главноко-
мандующай И.В. Сталин оруолларын сырдата сатаатым.
Кинигэм киирии тылыгар — бэйэм саастаахтарбын, сэрии диэн
тугун билбит оччотооҕу уолаттарга, кыргыттарга — билигин тыыл,
үлэ ветераннарыгар Улуу Кыайыы 65 сылын дириҥник, киэҥник,
кырдьыктаахтык сырдатыыга, улуу датаны бэлэмнээһинҥэ, тэ-
рийиигэ күүспүт, кыахпыт баарынан кыттыаҕыҥ диэн ыҥырбыт
тылларбын хаһыат нөҥүө ааҕааччыларга тиэрдэбин.
Сэрии тулаайахтара, сэрии саҕана детдомнарга олорон үөрэм-
мит, советскай кэмҥэ үлэлээбит-хамсаабыт уолаттар, кыргыттар,
ханна бааргытый? Баар буоллаххытына Кыайыы 65 сылын көрсө
суруйуҥ, кэпсээҥ, ыччаттарга тириэрдиҥ.
Дмитрий ПУХОВ,
1941— 1945 сс. Марха, Хаптаҕай
детдомнарын иитиллээччитэ, ССРС
журналистарын союһун чилиэнэ

ШТРАФНОЙ РОТА АГИТАТОРА - ГЕОРГИЙ ЯВЛОВСКАЙ
Урут Верхоянскай оройуонугар бииргэ улэлээбит табаарыһым Ни-
кифор Явловскай быйыл саас ыарахан уһун ыарыы кэнниттэн олох-
тон туораатаҕын саҕана, кырдьаҕас коммунист саллаат: "Никифор
Георгий диэн убайдаах этэ, ону билэҕин дуо?" — диэн ыйытта.
Суох, билбэнпин", — диэтим. Киһим салгыы быһааран биэрдэ:
"Араспааннъалара биир буукубанан уратылаах этэ диэтэ. Бэрт ин-
тэриэһинэй биографиялаах, штрафной ротаҕа политическай үлэҕэ
партия Киин Комитета ыыппыт киһитэ — сахалартан оннук
дуоһунаска сылдьыбыт баарын билбэтим", — диэтэ Ксенофонт Аге-
евич Эверстов.

Партийнай архивтан личнэй дьыалатын ылан билсибитим,
кырдьык даҕаны улахан дьоһуннаах (кистэлэҥ да буолуон сөп)
үлэҕэ бэлэмнэммит киһи быһыылааҕа.