Page 100 - Сэрии кэмин оҕолоро 1 кинигэ

БЭРТУҮҺҮН нэһилиэгэ

Бэрт Ууһун нэһилиэгэ

Сэрии этиҥэ эппэтин

Тыылга хаалбыт дьоммут аҕыйах ахсааннаах кырдьаҕастары, дьахталлары кытта
сут-кураан мэҥэстибит ыар сьшлары сыр&тара-сылбалара быстан, кыайыы кэлэрин
туһугар күүстэрин харыстаммакка үлэлээн аһарбыттара. Аһарбыттара, ол да буол-
лар, төһөлөөх санаа-оноо баттыга буолбут күнү-дьылы атаарбыттарын бэйэлэрэ эрэ
билэн эрдэхтэрэ. Алаас-алаас аайы инчэҕэй тирбэҕэ быстыбатынан, дьонноро хоргуй-
бакка тыыннаах хаалалларын туһугар үлэ бөҕөнү үлэлээн, тоҥон-хатан, аһаах өттө
ыалдьан-сүтэн кыайыыны көрсүбүттэрэ. Сэрииттэн этэҥҥэ эргиллибиттэр алдьам-
мыт-кээһэммит, айгыраабыт олоҕу чөлүгэр түһэрэргэ сыраларын-сылбаларын, доруо-
буйаларын биэрбиттэрэ. Киһи буолан, олоҕу салгыыр оҕону-ыччаты тэнитэн, Кыайыы
үбүлүөйдээх сылыгар аҕыйахтара да тиийэн кэллэ...
Уоттаах улуу сэрии кэмигэр оҕо буолан сылдьыбыттар Улуу Кыайыы төһө сору-
нан-муҥунан кэлбитин аччыктаан хоргуйбуттарынан, эт-сиин ыарыытынан, харахта-
рын уутунан кээмэйдииллэрэ. Иитэр-аһатар, араҥаччылыыр аҕалара, убайдара, сэрии
уотугар киирэн охсуһар кэмнэригэр саҥа улаатан, борбуйдарын көтөҕөн эрэр оҕо-
лор барахсаттар утуйар уулара кылгаан, кэмчи аһы уостарынан үллэстэн, эттэрэ элэ-
йэр күүстээх үлэни санныларынан сүгэн, аччык олох мунун муннуларынан тыыран,
көмүскэллэрэ эрэ харахтарын уута буолаахтыыра. Сорохторо аас-туор дьылларга хор-
гуйан өлбүттэрэ. Саҥа улаатан эрэр оҕолор барахсаттар Кыайыы буолбутугар төһөлөөх
үөрбүттэрэ буолуой? Сэрии бүттэ да барыта орун оннугар түһэн, ас-үөл, таҥас-сап
дэлэйиэн курдук санаахтаабыттара буолуо. Оннук дьоллоох кэм сэрии бүппүтүн да
кэннэ хас эмэ сыл кэнниттэн кэллэҕэ. Дьоллоохтор, аҕалара, иитэр-көмөлөһөр дьон-
норо тыыннаах эргиллэн, олохторо быдан чэпчээтэр. Тулаайах хаалбыт оҕолор интэ-
ринээттэр көмөлөрүнэн аһаан-таҥнан үөрэхтэммиттэрэ. Сорох элбэх бииргэ төрөөбүт-
тээхтэр эрдэ ийэлэригэр көмөлөһөөрү, үөрэхтэрин сиэртибэлээн, үлэһит буолбуттара.
Онон, өй-санаа өттүнэн улаатан, оонньуур саастара ааһан хаалаахтаатаҕа. Ол да иһин,
кинилэри оонньооботох оҕо саастаах дьонунан ааҕарбыт оруннаах.
Ахтыы, хаартыска биэрбит биир дойдулаахтарбытыгар, ахтыылары хомуйарга
көмөлөспүт «Эйэҕэс эбэлэр» түмсүү эбэлэригэр махталбын тиэрдэбин.

Неустроева Альбина Львовна,
бэтэрээн учуутал

96