Page 102 - Сэрии кэмин оҕолоро 1 кинигэ

БЭРТУУҺУН нэһилиэгэ________________________________________

50. Портнягина Анастасия Семеновна — 05.01.1934 с.
51. Портнягина Варвара Петровна — 01.01.1923 с.
52. Портнягин Никодай Афанасьевич — 22.05.1932 с.
53. Протодьяконов Василий Иванович — 16.01.1928 с.
54. Портнягин Петр Иннокентьевич — 11.05.1917 с.
55. Протопопов Николай Николаевич I — 18.04.1931 с.
56. Пухова Александра Гаврильевна — 27.03.1926 с.
57. Сивцева Татьяна Семеновна — 10.01.1922 с.
58. Степанова Матрена Николаевна — 01.01.1931 с.
59. Стручков Иван Петрович — 08.03.1935 с.
60. Стручкова Мария Михайловна — 03.02.1938 с.
61. Черкашин Гаврил Гаврильевич — 26.10.1932 с.
62. Черкашина Клара Ильинична — 29.05.1934 с.
63. Ширяева Евдокия Егоровна — 27.07.1927 с.

Данилов Василий Васильевич

Мин 1935 сыллаахха I Бэрт Ууһугар Таампара диэн сиргэ
күн сирин көрбүтүм. Таампара илин өттө Курбуһах нэһилиэгин
кытта быысаһар.
Ийэбит Скороходкина Александра Васильевна, түөрт оҕо-
ну төрөтөн баран, мин кырабар ыалдьан өлбүт, өйдөөбөппүн.
Аҕабыт аҥаардас хаалан, миигин кыһалҕаттан оҕото суох ыалга
Иванов Баһылайдаахха (Марба) ииттэрэ биэрбит. Кини аатыр-
быт от охсооччу эбит. Ииппит ийэтэ Өлөксөөһө диэн ааттааҕа.
Ииппит ийэбинээн Баахына диэн сиргэ иккиэйэҕин сайы-
лаабыппыт. Аҕабыт сайын устата окко сылдьара. Ийэм барах-
сан миигин сүгэн Сарбааһын ыалларыгар күүлэйдээн кэлэрбит.
Сүөһүтэ суох ыалга ким да сылдьыбат этэ, биирдэ эмэ киһи
сырыттаҕына, куттанан, ийэм ырбаахытыгар сөрүөстэр үһүбүн.
5 саастаахлар сут-кураан буолан, от сии диэн ааттаан, II Байаҕантай Абаҕа Күөлэ
диэн сиригэр Ефимова Мария Степановна дьонун кытта көһөн тиийбиппит. Сорох
ыанньыксыттар Буотал диэн сиргэ бааллар диэн кэпсииллэрэ. Оҕолор диэн, Маайа-
лыын иккиэбит. Олорор дьиэбит таһыгар иччитэх дьиэ баара, остуолун үрдүгэр наһаа
дьикти үчүгэй ойуулаах чааскылар баалларын өйдүүбүн. Ол дьиэҕэ сылдьымаҥ диэн,
аанын баттаппыттар этэ.
Сут-кураан, сэрии сыллара биһиэхэ аҕалбыт иэдээннэрин оччотооҕу оҕолор эппи-
тинэн-хааммытынан билбиппит. Ол курдук, кыстыкка киирэн баран, ииппит аҕам дал-
га сүөһү аһата сылдьан, аччыктаан өлөн, төрөппүт аҕам төттөрү бэйэтигэр ылар. Иип-
пит ийэм барахсан Чирэпчигэ кэлэн, аччыктаан өлбүтэ.
1942 сыллаахха аҕабыт икки улахан оҕотун, Маайаны уонна Бүөтүрү, Дьокуускай
куоракка быраатыгар Савваҕа ыыталыыр. Мин бырааппынаан Колялыын аҕабытыгар
хаалбыппыт. Эдьиийдээх убайбыт сайынын тахсан, улахан дьону кытта тэҥҥэ от үлэ-
тигэр сылдьыһаллара. Ити сыл кыһыныгар Нам улууһун Көбөкөн чомчоҕор арыыты-
гар сүөһүнэн от сии киирбиппит. Бурцев Василий Ивановичтааҕы кытта дьукаахтаһан
кыстаабыппыт. Аҕабыт күнү быһа икки сиринэн от тиэйэр этэ.
Аҕабыт синньигэс бэс маһы кэрдэн киллэрэн, киэһэтин хатырыктаан баран, су-
батын кыһыйан, сууйан, кырбаан уһуннук буһарара. Онтун бурдугу кытта ытыйан,
сэлиэй курдук убаҕас хааһы оҥорон биһигини аһатара. Итинник аһаан, этэҥҥэ кыс-
таан, дойдубутугар Арыылаахха кэлбиппит. Ыар сыллар содуллара биһиги дойдубутун
тумнубатах этэ, киһи бөҕө аччыктаан өлбүт. Сиилэс умуһаҕар сэттэ киһини көмпүттэр.

98