Page 104 - Сэрии кэмин оҕолоро 1 кинигэ

БЭРТҮҮҺҮН нэһилиэгэ

2 звено окко үлэлиирэ. 1 звено Чирэпчи эргин, 2 звено Иччилээххэ. Мин Филиппов
Лев Афанасьевиһы кытта хас да сыл бииргэ үлэлээбитим. От кэбиһиитигэр угаайыга
сылдьарым, онтон Лев бэйэтэ кыдамалыыр этэ. Биир сыл Колодезников Ньукууска-
лыын 2 мунньары эккирэтэн бугуллаабыппыт, 200—300 бугулу туруорарбыт. Муста-
рааччыларынан Данилов Н.П. (Ньоло), Москвитин Николай В., бугул түгэҕин харбаач-
чыларынан Бурцева Марфа Дмитриевна, Ширяева Екатерина Егоровна буолаллара.
Чирэпчигэ үүт ыамыгар үрдүк көрдөрүүлээх ферма баара. Бу фермаҕа бастакы уор-
дьаннаах ыанньыксыт Бурцева У.П., Бурцев Н.В., Бурцев Т.А., Бурцева Е.И., Бурце-
ва Е.В., Бурцева Домна, Пантилов Пролетарий, Дмитриев Иван, Пухова М.Г., Ко-
лодезникова Варвара, Колодезникова Паша, Ли Зоя уо.д.а. сүрдээх таһаарыылаахтык
үлэлээбиттэрэ. Биэс ыанньыксыкка тас үлэһитинэн сылдьыбытым. Арыттаах хотону-
гар 9 ыанньыксыкка тас үлэһитинэн үлэлээбитим. Бу хотоммут муостата адарай этэ,
сүөһү сааҕа аллараа умуһахха түһэрэ. Сайынын ол муостаны көтүрэн, мунньуллубут
сааҕы түннүгүнэн таһаарарбыт. Ол муостабыт 6 метр усталаах, олус ыарахан этэ. 3-4
устуука маһы суоран, тиһэн, мас кыбытан тоһоҕолуурбут.
Колодезников П.А. Чирэпчи куулатыгар икки боксалаах гараж туппуппут. Оскуола
дьиэтин нууччалар туппуттара. Өһүөтүн, түннүгүн, холуодаларын, крышатын, аанна-
рын биһиги үһүө буолан ситэрбиппит. Москвитин Егор Г., маастарбыт Бүөтүр буолан.
Онтон гаражка хачыгаардаабытым, сорох сылларга 3 көлөнөн от тиэйэрим. Ыанньык-
ка 1 сыл бостууктаабытым. Элгээҥҥэ субай сүөһү көрбүтүм. Чирэпчигэ үс хотонунан
400-чэкэ сүөһү кыстыыра. Сорох сыл сүөһү ахсаана элбээн, саҥа төрүөххэ миэстэ суох
буолан, Чирэпчиттэн Иччилээххэ Охлопков Петрдыын көһөн кыстыырбыт.
Тырахтарыыс Петров И.И. элбэх сүөһү сиир отун тиэйэрэ, ону таһынан чааһынай ыал-
лар мастарын-отгорун көрөрө. Оскуола уонна 4 квартиралаах дьиэ отгук маһын тиэйэрэ.
Хонуу үлэтин ударниктара: Филиппов Л.А., Окоемов Н.М. (Аччыгый оҕо), Иванов
Игнатий Захарович.
Чулуу үлэһиттэр: Колодезников Петр Алексеевич — тутааччы, кыдамаһыт, Стручков
Николай Николаевич — бастыҥ от охсооччу, муус алларыытыгар тэҥнээҕин булбатаҕа,
бэрэбинэ кэрдиитигэр, мас суоруутугар олус таһаарыылаахтык үлэлиирэ.
Дьахталларга от оҕустарыытыгар (Борисова) Бурцева Евдокия, от кэбиһиитигэр Ко-
лодезникова Мария (Актив Маайа) аатырыахтарын аатырбыттара.
Кэнники Сыырдаахха көһөн кэлэн баран, баанньыкка үлэлээбитим. Киэҥ Алааска,
Баалыга сибиинньэ көрбүтүм, хачыгаардаабытым, онно сарай тутуутугар, уйалары
муосталааһыҥҥа, сынньанар хаххалары тутууга үлэлэспитим. Уонча сыл устата хотон-
нору өрөмүөннээһиҥҥэ дьону салайан үлэлэппитим. 9 хотон баара, саас, сайын ууга
барар хотоннор сыл аайы өрөмүөҥҥэ наадыйаллара. Кыһынын соҕотоҕун үлэлиирим.
Кураан дьыл от үүммэтэҕинэ, Түүлээҕинэн, Намынан, Амманан, Кэбээйинэн көһөн,
оттуу барарбыт.
Урукку олох хаамыытынан, ирдэбилинэн бары хара үлэҕэ умса түһэ сырыттахпыт.
Хара илиибитинэн от тиэйэрбит, дулҕа таһарбыт, былах быһан сүөһүгэ эбиискэ аһы-
лык оҥорон сиэтэрбит.
Оттообут оппут ситэ тиэллибэккэ, ону үрдүттэн сиэтэ ахсынньы ортотугар Хатыҥ
Арыыга сүүсчэкэ сүөһүнү үүрэн киллэрэн кыстаппыппыт. Хотону тула хаар күрпүт-
тэрэ, тимир оһох туруорбуттара. Сүөһүлэрбит бары босхо сылдьаллара. Дьиэбит олох
кэнники сылыйбыта. Сүөһү көрөөччүлэр мин, Копырин Н.Н., 15 саастаах Маайа Ши-
ряева килиэппитин оҥорор. От тиэйээччи Колодезников Петр Тимофеевич. Ол кыһын
этэҥҥэ кыстаабыппыт.
Үлэм сыаналанан, коммунистическай үлэ ударнига (1965, 1971) буолбутум, «Пяти-
летка кыайыылааҕа» (1979) бэлиэлээхпин.
1990 с. биэнсийэҕэ тахсыбытым.
Тохсунньу 20 күнэ 2020 с.

100