Page 197 - Сэрии кэмин оҕолоро 1 кинигэ

АҮПСҮН нэһилиэгэ

буоллаҕа. Ол сиэринэн Соловьев Афанасий Андреевичка (Хонооһойго) от охсор ко-
силкатыгар хас да сыл сылдьыбытым. Бастаан бастакы косилкаҕа олорор куТталлаах
соҕус миэстэ этэ. Бастакы хойуу от анныгар саһан сытар мас бастаан миэхэ түбэһэрэ,
соҕотохто косилканы тиэрэ быраҕара, онуоха ыстанан куотан биэриэхтээххин, дьолго
туохпун да өлөрбөтөҕүм. Онтон кэлин уопутуран, анал бүтэһик косилкаҕа олордор
буолбута. Онно куттала кыра да буоллар, эппиэтинэһэ улахан этэ. Арыылаан төгүрүй-
бүт алааспыт арыыта кыараатаҕына, эргииргэ уруулгун түргэнник эргитэн, оту арыы-
лаан хаалларыа суохтааххын. Онуоха түргэн туттуу наада.
Оскуола кэнниттэн үс сыл холкуоска араас хонуу үлэтигэр үлээбитим. Николай Ил-
ларионовы кытта иккиэн Ньылбаайы бааһынатыттан быһа атын бааһынаҕа барар суолу
солообуппут. Оччолорго ситэ илик эдэр киһиэхэ былыргы төҥүргэстэри силистээн,
түөрэн ылыы, сороҕор аарыма да тииттэр түбэһэн балачча үлэлэтэн ылалларын өйдөөн
хаалбыппын. Биир кыһын Бүөтүкэ уолунаан Петр Прибылыхтыын кыһыны быһа тутуу
маһын, уокка оттор маһы кэрдибиппит. Сүгэнэн, эрбиинэн, тоҥуу хаары кэһэ сыл-
дьан үлэлииргэ эмиэ ыарахан үлэ этэ. Хас бэлэмнээбит сирбит ахсын суолун солуур
этибит, техника киирэр гына. Иккиэн да эдэр буолан, тото аһаатыбыт да сылаабыт
тахсар буоллаҕа, онон сырыттахпыт. Биир түгэҥҥэ уопсай субуотунньук буолан, биһи-
ги нэһилиэктэн бастакы суоппар Шадрин Гаврил Иосифовичтыын тутуу бэрэбинэтин
иккиэн чөмөхтөөбүппүт. Биир сайын алаастарга кураан буолан, от аанньа үүммэккэ,
Дабаадыма отчуттара ыччат Алданыгар тиийэн хотуурунан охсон бэрт элбэх оту оттоон
кэлбиппит. Онно абаҕам Бүөтүкэ оҕонньор, быраатым Кеша эмиэ сылдьыспыттара.
Ити күһүн Дьокуускай куоракка киирэн устудьуон буолан сайынын сынньалаҥмар
дойдубар кэлэн оттоһор этим. Кэлин үрдүк да үөрэххэ үөрэнэ сылдьан, биирдэ да тутар
этэрээккэ барсыбакка, дойдубар кэлэн оттоһон, тутуу араас үлэлэригэр сылдьан 800
солкуобайы өлөрөн, аҥаарын дьоммор хаалларан барарым, эмиэ харчы кырыымчык
дьоно буоллаҕа. Ити курдук үлэлээн-хамсаан үөрэхпин бүтэрэн үлэһит буолбутум.
Билигин сэрии иннигэр төрөөбүт оҕолор Дьылҕа Хаан ыйааҕынан аҕыйаан иһэбит,
онон төһө кыалларынан, күүспүт-күдэхпит кыайарынан, сырыыны, кэлэри-барары
арыый тулуйар кэммитигэр көрсүһэ-санаһа сылдьар үчүгэй бөҕө буоллаҕа.
Билигин Нам сэлиэнньэтигэр олоробун, үлэ бэтэрээнэбин, «Нам улууһун социаль-
най-экономическай сайдыытыгар кылаатын иһин» бэлиэлээхпин, Искра нэһилиэгин
Ытык киһитэбин.
2015 сыл тохсуннъу 5 күнэ

Ушницкая Розалия Михайловна

Мин 1939 сыллаахха Уус Атдан оройуонун I Лөгөй нэһилиэ-
гэр Хомустаах учаастагар Атексеев Михаил Антонович, Атексее-
ва Марфа Васильевна диэн 5 оҕолоох дьиэ кэргэҥҥэ иккис оҕо-
нон күн сирин көрбүтүм. 1951 сыллаахха 12 саастаахпар Лөгөй
7 кылаастаах оскуолатыгар ньолобуой кылааска үөрэнэ киирби-
тим. Сэттэ кылааһы 1958 сыллаахха бүтэрбитим. 1958 сыллаахха
Бороҕоҥҥо киэһээҥҥи оскуолаҕа үөрэнэ киирбитим, оҕо саа-
дыгар үлэлии-үлэлии үөрэммитим. 1961 сыллаахха 11 кылааһы
бүтэрбитим.
1961 сыллаахха Бүлүүгэ продавецтар куурустарыгар үөрэнэ
киирбитим. Үөрэхпин бүтэрэн биир сыл атыыһыттаабытым.
1963 сыллаахха Бүлүү куоратын педучилищетыгар учуутал
идэтигэр 3 сыл үөрэммитим. Үөрэхпин бүтэрэн, Уус Алдан оройуонун Хомустаах учаас-
тагар учууталынан, 1973 сылга Баатаҕай аҕыс кылаастаах оскуолатыгар интэринээт бас-
пытааталынан үлэлээбитим.

193