Page 196 - Сэрии кэмин оҕолоро 1 кинигэ

АУПСҮН нэһилиэгэ

улахан дьонтон эрдэттэн кэтээн көрөн үөрэнэн, үчүгэйдик тардар этим, үксүн үчүгэй-
дик түһэрэн, ийэбиттэн хайҕанарым, сорох түгэннэргэ табаарыстарбар оонньуу тахсаа-
ры ыксаан тардан куруппалатарым.
Биһиги көлүөнэ, оччотооҕу Дабаадыма ыччаттара, бииргэ үөскээбит, оонньоо-
бут, биир оскуолаҕа үөрэммит буоламмыт, чугас да, ыраах да сырыггарбыт, ханна
да көрүстэрбит мэлдьитин күндүтүк санаһабыт, дьоллоох дьон буолан айылҕа бэйэ-
тэ биэрбит, анаабыт доруобуйатынан кэргэннэнэн, оҕолонон-урууланан балачча би-
лиҥҥи бириэмэҕэ сааһыран эрдэхпит.
Оҕо сааспытын уруккуну-хойуккуну эргитэ санаатахха кэрэ да эбит. Дабаадыма оч-
чолорго сэргэх да этэ, оҕо аймах түмсэн, күлэн-үөрэн оонньоон, айдааран биир кэм
тигинээн олороро. Кыра Бэстээх атаҕар, көлүччэтин оҕото уута чычаас, кырачаан да
буоллар, кыра оҕолор таптаан, сөбүлээн сөтүөлүүр сирбит этэ. Кыра, Улахан Бэстээхтэр,
Бээбби, Бэс Күөлэ, Хайахтаах, Мөҥүрүөс, Мындыҕаайы Эбэ, Хаастаах, Ааллаахтар, Сы-
гыннаах, Бугуйас алаастара, Тиргэлээх, Түҥүр Ыйаабыт, Эрбэһин, Тоҥус, Туола Сайы-
лык, Дьүгэ, Баггыма, Күөх Эбэ, Анды Хатарбыт, Ньылбаайы хонууларынан сүүрэн, оон-
ньоон, оттоон-мастаан булдун-аһын, отонун бука бары да амсайбыт оҕолор буоллахпыт.
Сайын ахсын Туола Сайылыкка тахсыы кэлиитин-барыытын, үөрүүтүн-көтүүтүн
бэҕэһээҥҥи курдук өйдүүбүн. Туола Сайылык барахсан Тэтиҥ Атаҕа уутун анна кумах
буолан, сирэ муоста курдук кытаанаҕынан сөтүөлүүргэ үчүгэйин билигин да саныыбын.
Кыайыы ыһыаҕар 1945 сыллаахха билиҥҥээҥҥэ диэри уос номоҕор хаалбыт Көмүс
атаҕы ыһыах буолар сирин ортотугар киллэрэн, сэргэҕэ баайан туруоран, ыһыаҕы
аатырбыт алгысчыт Баһылайкаан оҕонньор ыллаан арыйбыт этэ. Ыллыы олордоҕуна,
Көмүс атах тыбыыра-тыбыыра икки илин атахтарынан сири хаһыйталаабыт этэ. Оҕон-
ньор ыһыах кэнниттэн дьиэтигэр тахсыбыта, оҕото суох буолбут. Ону оҕонньор эмээх-
синигэр бу тэбиик атыыра иэйиэхситтээх сылгы эбит, сылгы алгыһын ситэ эппэтэх
буоллаҕым диэн улаханнык кэмсиммитин истибитим. Бу ыһыахха мин эмиэ сылдьы-
бытым, Көмүс атах сэргэҕэ баайыллан турарын көрбүтүм.
Сэрии кэннинээҕи сылларга холкуос сонуоктарыгар, бааһыналарыгар сиэмэни
ыһаллар этэ. Ону төгүрүйэ элбэх оҕо мустан моҕотойу бултаһар этибит. Сороҕор наһаа
үлүһүйэн, наһаа өлбөтөх, дөйбүт моҕотой алдьаммыт ыстааммыт сиэбиттэн тиллэн,
онон-манан ыстааммыт, ырбаахыбыт иһинэн сүүрэкэлээн, дэлби кычыгылатан, хайа-
ҕас булан сыыһа-халты харбатан, үүтү-хайаҕаһы булан тахсан куотара.
Кэлин, улаатан иһэн, Дабаадыма оҕолоро сугулааҥҥа баран бааһына муннугунан
киин уулуссабыгар киэҥ хонуулаах этэ, Тиэхээн Баһылайа, Егор Алексеев, Бүөтүччээн,
Атексей Гоголевтар дьиэлэрин икки ардыларыгар баар хонууга мустан үлэ кэннит-
тэн киэһэ хойуккааҥҥа диэри лапталыырбыт, волейболлуурбут, бырыычыкалыырбыт,
атах-илии да оонньуулара буолаллара.
Аҕыйах сайын улахан дьон ыһыахтарын үтүктэн, биһиги аҕа саастаах убайдарбыт
Павел Прибылых, Ваня Федоров, Петр Прибылых, Кеша Атексеев, Коля Соловьев,
Вася Илларионов иилээн-саҕалаан уонна атын табаарыстарын көмөтүнэн, тыл этэр
халанча оҥорон, чэчир анньан киэргэтэн, онно кэлэр оҕолор бары дьиэбититтэн алаа-
дьылаах, лэппиэскэлээх, үүт үрүмэлээх кэлэн мустарбыт.
Сайын ахсын оскуола кэнниттэн төрөөбүт алаастарбытынан оттоон, астына сын-
ньанан барарбыт. Ол саҕана биир салаа от ходуһаҕа хаалыа суохтаах диэн девиз бөҕө,
кыһыл былакаат ыйанар буолара. Ол наһаа үөрэппитэ эбитэ дуу, сүөһүм-сылгым суох
да буоллар, тэлгэһэм иһигэр алта-сэттэ бугул оҕотун илии хотуурунан охсон, мунньан
туруордахпына, ханна эмэтэ от хаалбыт буоллаҕына, ылан баран тэйэбин. Былыргы
отчуттар үчүгэйдик үөрэппиттэр быһыылаах, хотуур кыайан ылбат, баҕана төрдө хаа-
лаары гыннаҕына, илиибинэн үргээн ыллахпына астынабын, төрүт хаалларыахпын
баҕарбаппын, кини миэстэтигэр эһиил от үүнүөхтээх дии саныырым дуу, дьэ кытаанах
үөрэтии, сорох ардыгар бэйэм да сонньуйабын.
Улаатан истэхпит аайы үлэбит көрүҥэ уларыйан, бэйэбитин кытта улаатан иһэр

192