Page 192 - Сэрии кэмин оҕолоро 1 кинигэ
P. 192
ДҮПСҮН ьвһилиэгэ
бута: Найахы, Өспөх, Бээди, Өнөр, Чэриктэй, Дүпсүн маҕаһыыннарыгар бородуук-
та таһыллыыта, аны котельнайдарга чох, мас; бэкээринэлэргэ мас, бурдук тиэллиитэ,
оробуочайдары аттаран үлэлэтии, нэрээттэрин толоруу. «Дүпсүн» сопхуоска ЖКХ на-
чальнигынан элбэх сыл үлэлээбитим. Нэһилиэккэ уопсай бастакы саҥа арочнай га-
рааһы омук биригээдэтинэн тутуу инженерэ Босиков Федор Иннокентьевич үлэлиир
кэмигэр биир сайын иһигэр үлэҕэ киллэртэрбиппит. Онон нэһилиэк тэрилтэлэрэ,
оскуола, интэринээт, мастарыскыай бары киинтэн ититиллэрин ситиспиппит уонна
элбэх сыллар усталарыгар эҥкилэ суох үлэлээбиппит. Тоҥмут скважинаны оҥорто-
рон үлэлэтэн нэһилиэк тэрилтэлэрин уунан хааччыйбыппыт. Дүпсүҥҥэ кэлии бири-
гээдэлэри бастайааннай үлэлэтэн элбэх тутууну ыыттарбыппыт. Күннэри-түүннэри
оттук мас эрбэтиллэн, таһыллан котельнайдары быһааран олорбуппут. Бу котель-
най оттуктарын бэлэмнээһиҥҥэ кэлии дьон, нууччалар үтүөлэрэ үлэлээбиттэрэ диэн
этиэхпин баҕарабын. Ама да ааспытын иһин, кытаанах үлэни үлэлээн кэлбит эбип-
пит. 1992 сыллаахха нэһилиэккэ ХПЖКХ (хозрасчетное предприятие жилигцно-ком-
мунальное хозяйство) диэн тэрилтэ тэриллэн, онно дириэктэринэн үлэлээбитим. Бу
тэрилтэ хозрасчетнай, бэйэтин бэйэтэ хааччынар, нэһилиэккэ өҥө толорон үлэлиир,
туспа расчетнай счеттаах, үлэһиттээх, техникалаах этэ. Нэһилиэк ититиитин, тэрил-
тэлэр мастарын, чохторун, ырааһырдыыны барытын услугаҕа хааччыйар тэрилтэ. 1994
сыллаахха «Дүпсүн» администрациятыгар заправочнай пуун начальнигынан ананан
үлэлээбитим. Нэһилиэк администрациятын иһинэн администрация ГСМ-ын, баа-
һынай хаһаайыстыбалар ГСМ-нарын аҕалтарыы уонна заправкалааһын, «бензовоз»
массыыналары путевкалааһын, ГСМ-ы киирэн аахсыы, отчуоттааһын — барыта на-
чальник үлэтэ этэ. 1992 сылтан бэс ыйыгар сопхуос ыһыллан, «Бугуйас» бааһынай
хаһаайыстыба баһылыгынан ананан үлэлээбитим. «Дүпсүн» сопхуоска үлэлээбит сыл-
ларбын ахтан-санаан аастахха итинник.
Федоров Афанасий Семенович
Күөх Эбэ алааска олохтоох Сэмэнчик оҕонньордооххо
16-с, тиһэх оҕонон төрөөбүтэ. Бу 16 оҕотгон 5 тыыннаах хаа-
лан, үлэһит буолбут. 4 убайа улаханнык сааһырбакка сылдьан
олохтон туораабыттара. 7 кылааһы бүтэрэн баран, 2 сыл ты-
рахтарыыһынан үлэлээн баран, кульпросвет оскуолаҕа киирэн
үөрэммитэ. 1969 с. Москваҕа Щепкин аатынан театральнай учи-
лищеҕа киирэн үөрэммитэ. Театр артыыһынан үлэтин саҕалаа-
быта. Театр сыанатыгар 50 оруолу оонньоон толорбута. «Саха
Өрөспүүбүлүкэтин үтүөлээх артыыһа» ааты ылбыта. «Беларусь-
фильм» «Пламя», Свердловскай киностудия «Срочно. Секретно.
Губчека», «Сахафильм» «Орто дойду» киинэлэригэр оонньоо-
бута, уһуллубута. Россия, Саха Өрөспүүбүлүкэтин кинематогра-
фистарын Союһун чилиэнэ буолбута. Билигин культура уонна искусство колледжын
төрүт культура салаатын преподавателинэн үлэлиир. Улан Удэтээҕи Государственнай
академия культура уонна искусство сатаатын филиатын доцена. Уус Алдан улууһун
бочуоттаах олохтооҕо. Уоллаах кыыс оҕолоох.
Федоров Дмитрий Парфирьевич
Ханнык баҕарар киһиэхэ чугас, ыраах да сырытгар төрөөбүт сирэ-уота күндү, ах-
тылҕаннаах буоллаҕа. Миигин күн сирин көрдөрбүт төрөппүттэрим: аҕам Федоров Пар-
фирий Андреевич (1894-1968 сс.), ийэм Федорова Матрена Васильевна (1901-1989 сс.),
үөрэҕэ суох холкуостаах дьон этилэр. Барыта уон сэттэтэ оҕоломмуттарыттан түөрт оҕо
188
