Page 252 - Сэрии кэмин оҕолоро 1 кинигэ

КУРБҮҺАХ нэһилиэгэ

Говоров Григорий көрдөһөн, од саҕана бөһүөдэк маҕаһыыныгар сэбиэдиссэйдиир
этэ, «Халарыкка» сэттэ сыл ларек туппутум. Ас арааһын атыылыырым. Сайылык дьоно
миэстэтигэр астарын ылынан абыраналлара. Уус Күөлүгэр Чиряев кэлэ сылдьыбытгаах.
Ыанньыксыттары кытта көрсүһүүтүгэр: «Күнү быһа хотоҥҥо сылдьар дьоҥҥо итии
аһылык суох, атын сирдэргэ хааччыйалларын истэбит», — диэн туруорсубутум. Тута сар-
сыҥҥытытган тэрийбиттэрэ: сүөһү өлөрөннөр, иһит-хомуос аҕаланнар, фермаҕа эбиэт-
тиир буолбуппут. Ыарахан үлэҕэ сылдьар үлэһиттэр бары даҕаны онно абыраммыппыт.
Пестрякова Кристина астаабыт аһа куруутун минньигэс, тотоойу да буолааччы.
Холкуос эрдэҕинэ ынахтары торбосторунаан көрөрбүт. Ол саҕана биир ынахтан 1800
лиитирэ үүтү ыаммын обкомтан Бочуотунай грамотанан наҕараадаламмытым. Биэн-
сийэҕэ тахсарым чугаһаабытын кэннэ, хас да сыл биир ынахтан 2000 л ыабытым. Бур-
нашева Маайыс, Коркина Анна, Протопопова Ксения, Лукачевская Аграфена, Бур-
нашева Александра, Пестрякова Татьяна, Костромина Клара курдук сүрдээх үлэһит
ыанньыксыттары кытта үлэлээбиппин күндүтүк саныыбын. Бары да турбут-олорбут,
ыраас тутуулаах, олус үлэһит дьон этилэр. Сааһырбытым кэннэ, 2013 сыллаахха Герой
ыанньыксыт Е.И. Бурцева 100 сааһыгар аналлаах үбүлүөйүнэй ыһыахха, Ил Түмэн
Бочуотунай грамотатын, бэлиэ знагын А.Н. Жирков илиититтэн ылбыппыттан олус
үөрбүтүм, ити саҕана үлэлээбит олохтоох дьаһалта үлэһиттэригэр махталым улахан.
Соҕотох оҕом Протопопов Юрий Иванович Саргылаанатынаан икки оҕоломмута.
Улахан сиэним Александр, икки хос сиэн бэлэхтээн, Ксения 5, оттон Георгий 1 кылаас
үөрэнээччилэрэ. Кыра сиэним Сардаана, Хотугулуу-илиҥҥи университекка магис-
тратураҕа үөрэнэ-үөрэнэ, үлэлии сылдьар. Юркам төрөөбүт нэһилиэгин сайдыытыгар
бэйэтин кылаатын киллэрсибитэ дии саныыбын. Ол курдук, 80-90 сс. «Аргыс» ВИА
тэрийэн, табаарыстарынаан Окоемов М.С., Охлопков В.В., Григорьев В.С., Пестря-
ков Ю.П., Пухов М.М. уонна да атыттар буолан, нэһилиэк бырааһынньыктарыгар
кэнсиэрдэргэ, үҥкүүлэргэ оонньууллара-ыллыыллара, оройуоҥҥа ВИА-лар күрэхтэ-
ригэр 2 миэстэни ылан үөрбүтгэрэ-көппүттэрэ бу баарга дылы. Бу кэмҥэ кулуупка
Гуляева Е.П. кыһамньылаах дириэктэр этэ, эдэр ыччаты олус тардыбыта. Онтон ула-
рыта тутуу кэмигэр «9 канал» диэн телевидение студиятын сүүрэн-көтөн, булан-талан
тэрийэн, хас да сыл үлэлэппитэ, онно салалтаҕа Пухов Н.Г., Протопопов С.И. этилэр.
Онтон кэлин ол студиятыгар Винокуров И.И. үлэлээбитэ. Юрий бэйэтэ 1996 сыллаах-
ха сайын Москваҕа программистар куурустарыгар үөрэнэн кэлэн, компьютерыгар олус
сөбүлээн үлэлээбитэ. Нэһилиэк, улуус спортивнай уонна да атын тэрээһиннэригэр
элбэх араас вымпеллары, грамоталары бэчээттиирэ, дьоҥҥо, оскуолаҕа ыҥырыылары,
кыра кинигэлэри, араас презентациялары оҥортуура».
Алтынньы 29 күнэ, 2020 с.
Уус Күөлэ 6.

Шепелев Иннокентий Ильич

Мин аҕам Шепелев Илья Степанович 1942 сыллаахха ыам ыйы-
гар сэрии хомууругар барбыта. Онно мин алта ыйдаах, эдьиийим
икки саастаах хаалбыппыт. Соҕотох уол буолан, үксүн абаҕабар
иитиллибитим. Бороҕоҥҥо үөрэммитим, онно үлэбин саҕалаа-
бытым. Ийэбэр кэлэ-бара сылдьан, аан маҥнай тыа быыһыгар
турар Өлүнньэхтээх начальнай оскуолатыгар үөрэнэ киирбитим.
Оннооҕор Гражданскай сэрии кэмигэр оҕолор умнуллубатах-
тара. Уотгаах сэрии кэмигэр биһиэхэ паек (бородуукта) бэрил-
лэрэ үһү.
Сүрдээх бүгүрү үлэһит кэриэйдэр, кытайдар көһөн кэлэн хол-
куостарга тарҕаспыттара. Оҕолор биригээдэ тэрийэн сатала суох

248