Page 249 - Сэрии кэмин оҕолоро 1 кинигэ

КУРБҮҺАХ нэһилиэгэ

(Слепцова) Анна Филипповна буолан комсомолга киирээри Бороҕоҥҥо райком дьиэ-
тигэр тиийдибит. Райком сэкирэтээрэ Румянцев Василий Васильевич этэ, комсомол
буолбут билиэппитин сайын ыһыахха туттарбытгара. Дьэ ол кэнниттэн күүстээх үлэ
саҕаламмыта. Батаҕаннаахха кулууп тутуллар маһын Үҥкүр тыатытган Винокурова (Пухо-
ва) Мария Федоровналыын биирдии бэйэбит сыарҕалаах оҕустарынан иккиэн көмөлөөн
төһүүлээн тиэйэн состорон аҕаларбыт, күҥҥэ хаста да кырынарбыт. Дю үйэбит сайдан,
тимир тыраахтар кэллэ, онутубут маһынан отгуллар эбит, испиискэ хаатын саҕа кураанах
маһы эрбээн бэлэмниир чиэстэннибит. Тыраахтарбыт тыаһаан-ууһаан, буруолаан-тараа-
лаан аҥы маһы сиирэ бэрт эбит. Онтон өҥ дьыллар үүнэннэр, оппут, сиэмэ бурдукпут
үүнэн, суттан сыыйа босхолонон барбыппьҥ. Ити сылларга икки улахан алаастарга Ам-
паардаахха уонна Баргычымаҕа биирдиилэриттэн сүүстүү оту кэбиспитгэрэ, онно мин
Карманилова Дария Павловналыын күҥҥэ биирдии бэйэбит 100 бугулу туруорарбыт. Бу-
гулларбьҥ улахан, чиҥ буолаллара. Ону көрөн Васильев Алексей Ачексеевич (Уһуктаах
Өлөксөй) хайгыыра, ардахха, сииккэ бэринимтиэтэ суох диэн атыттарга холобур оҥосторо.
Дю ол курдук холкуоска үлэлээн кэллим. Онтон сопхуоска 19 сыл үлэлээбитим. Салгыы
отут сыл оскуола интэринээккэ үлэлээн пенсияҕа тахсан олоробун.
1956 сыллаахха Пестряков Василий Васильевичка кэргэн тахсан, хоту Чараҥатта
алааһыгар сүктэн тиийбитим. Кэргэним Баһылай холкуос сүөһүлэригэр үс оҕуһунан от
тиэйэрэ. Кэлин сопхуос буолбутун кэннэ Уус Күөлүгэр көһөн кэлэн баран, мин 1959
сылга диэри ыанньыксыттаабытым. Кэргэним Баһылай этээстээх оскуола тутуллар
маһын кэрдиитигэр, ол хочуолунайын тутуллар сирин дьааматын хаһыытыгар, тутууту-
гар үлэлээбитэ. Туох баар сопхуоска улахан тутууларга, дьон алаастан бөһүөлэккэ көһөн
киирэн олорор дьиэлэрин тутуутугар ыҥырыыга эрэ сылдьара. 2006 сыллаахха кыһыл
көмүс сыбаайбабытын аймахтарбытын, оҕолорбутун кытта бэлиэтээбиппит. 5 оҕолом-
муппут, 12 сиэннээхпит, 16 хос сиэннээхлит. Төһө да кыһалҕалаах олоҕу аастарбын,
чороҥ соҕотох да халларбын, биир бэйэм 30 тахса киһини тэниппиппиттэн үөрэбин,
дьоллонобун. Оҕолорум, сиэннэрим өссө да тэнийиэхтэрэ, элбиэхтэрэ диэн эрэнэбин.
Дьоллоох, сэриитэ суох эрэ олох буоллун.

2019 с.

Пестрякова Христина Иннокентьевна

Мин 1938 сыллаахха муус устар 7 күнүгэр Толоон Эбэҕэ (Бы-
лаҕачыанайап таҥара күн) Марфа Иннокентьевна (Матвеева)
уонна Иннокентий Егорович Аммосовтарга маҥнайгы оҕонон
күн сирин көрбүтүм. Уоттаах сэриини көрсүһэ төрөөбүт буо-
ламмын, оччотооҕу оҕо сиэринэн оҕо сааһым сэрии, сут-кураан
дьылларга ааспыта. Сэрии да кэнниттэн олох тута көммөккө ыар
тыынын хойукка диэри оһоруммута...
Аҕам барахсан мин баара-суоҕа 3 саастаахпар, 1941 сыллаах-
ха «Толоон» холкуоска бэрэссэдээтэллии сылдьан хоргуйан
охтоохтообут, инньэ гынан, оччолорго кырам да бэрт буолан,
кини туһунан өйдөбүлүм олох суох...
Сэрии сылларыгар туруу эр дьон барьҥа бэбиэскэ тутан, кыр-
гыһыыга ыҥырыллан оҕо-дьахтар холкуоһу тутан хаалбыттара. Инню гынан ийэм хара
сарсыардаттан киэһэ хараҥаҕа диэри атынан от-мас тиэйиитигэр үлэлээбит. Бу барьҥа
эппиэтинэс уонна балаһыанньа ыараханын этинэн-хаанынан өйдөөһүн буолар. Билигин
олорон санаан көрдөхпүнэ, дьахтар киһиэхэ олус ыарахан уонна дэбигис киһи санаммат
үлэтэ эбит. Ол курдук, холкуос туруу үлэһитэ буолан, дьон махталын ылыан ылбы-
та. Эрэллээх доҕор-атас этэ. Майгыта да эр киһилии олус судургу буолара, күүһэ-уоҕа,
кыайара-хоторо, сатабыла бэрт этэ, дэлэҕэ даҕаны Күүстээх Мааппа диэхтэрэ дуо?!

245