Page 247 - Сэрии кэмин оҕолоро 1 кинигэ

КУРБҮҺАХ нэһилиэгэ

кровскайга кирпииччэ собуотугар үлэлээбитэ, өссө биир сайын Түүлээх Адданыгар
балыкка сыддьыспыта.
Бүөтүр сэрии кэнниттэн армияҕа ыҥырыллан Иркутскайга сулууспдтыы тиийбитэ.
Онно икки ый буолан баран ыалдьан төннөн кэлбитэ. Бүтэйдээҕэр сынньанан, арыый
буолаат, холкуоһугар үлэлээн барбыта. 1957 сыллаахха Булганин аатынан холкуоска
көскө от сии Уоһук Эбэтигэр Өнөртөн, Найахыттан, Дүпсүнтэн, барыта сэттэ холкуос
субайа кыстыы кэлбитэ. Онно субай көрө кэлбит Өнөр кыыһын Лукачевская Аграфе-
на Андреевнаны кэргэн ылан ыал буолбута, кыыстаах уол оҕоломмуттара. Кыра до-
хуоттарытган ордорон, быраата Кеша Москваҕа үөрэнэригэр көмөлөһөн үрдүк үөрэҕи
бүтэртэрбиттэрэ, үлэһит буоларыгар күүс-көмө буолбуттара.
Ити курдук холкуос ыарахан үлэтин эт илиитинэн билэн, сэрии кэмин, сут кураан
сылларын санныгар сүгэн аһарыспыта. Бүтэйдээҕинэн, Уоһукэбэтинэн, Өлөҥнөөҕүнэн,
Ат Туйаҕынан кыстаан, хотон тас үлэтигэр үлэлээн сылдьыбыта. 1972 сыллаахха Уус
Күөлүгэр олохсуйбуттара. «Лена» сопхуоска үлэлээн баран биэнсийэҕэ тахсыбыта.
Курбуһах нэһилиэгин Ытык олохтооҕо, 92 саастаах Петр Васильевич Пестряков бо-
чуоттаах сынньалаҥҥа олорор, кыыһыгар доҕор буолар.
Бүөтүр кэпсээниттэн суруйда быраата
Николай Николаевич Пестряков
2019 с.

Пестрякова Дария Николаевна

Мин аҕам Карманилов Николай Михайлович, 1942 сыллаах-
ха «Сталин» холкуоска үлэлии сылдьан, Аҕа дойду сэриитигэр
ыҥырыллан барбыта уонна төннүбэтэҕэ, сураҕа суох сүппүтэ.
Ийэм Васильева Анна Васильевна (Ырыа Барыллаан кыыһа)
мин кырабар, 3-4 саастаахпар, үһүс оҕотун төрөтөөрү өлбүтэ,
иккиэн быыһамматахтар. Лэгэнтэй диэн убайдаах этим, ол уол
эмиэ улаатан иһэн 17 сааһыгар сылдьан ыалдьан өлбүтэ.
Мин 1933 сыллаахха муус устар 27 күнүгэр Балаҕаннаах
Куулдьатыгар төрөөбүтүм. Аҕам сэриигэ барбыт сылыгар, 1942
сыл күһүнүгэр, Уус Күөлүгэр оскуолаҕа убайбынаан үөрэнэ
киирбиппит. Мин, ас-таҥас кырыымчык буолан, интэринээккэ
олорон үөрэнэргэ миэстэ суох буолан, 1944 сылтан үөрэхпин
тохтотон, Балаҕаннаахха тахсан холкуоска үлэлээбитинэн барбытым. Ыһыы сиэмэ-
тин ыраастыыр этибит. Кыһын, балаҕан дьиэ муус түннүгүнэн күн сырдыгын был-
дьаһа биирдии туорааҕынан үс араас суолга араарарбыт: хаппыт сиэмэ, тарыыһа сиэ-
мэтэ уонна ыһыы сиэмэтэ диэн буолара. Биир да туораах сиэмэни сиргэ түһэрбэккэ,
сүтэрбэккэ кичэйэн наардаан ыраастыыр буоларбыт. Дьэ көмүс үлэтэ диэн буолара.
Саас буолан ыһыы саҕаланнаҕына, оҕус сиэтээччи буоларым. Дадаарына диэн ааттаах
оҕуһу туттардылар, онтум мунна кытаанах буолан уулата, аһата, илдьэн хаайарбар өрө
мөхсөрүгэр сосуһарбын көрөн, оҕонньоттор уол курдук сылбырхай, сытыы туттуулаах
диэн Дьэрэкэ оҕонньору кытта (Ермолаев Егор Тихонович) Ыстахаанап оҕонньор (Ви-
нокуров Ньукулай) былдьаһаллар этэ. Биир түгэни өйдүүбүн: Дьэрэкэ оҕонньордуун
Бочоох солооһунун хорута сылдьан, сухабыт тимир хараҕата түһэн хаалан, ону көрдөөн
булбатыбыт. Ол иһин оҕонньор Балаҕаннаахтан саппааһын оҥорторон аҕала барар
буолла. Мин кыратык да буоллар кэлиэр диэри сынньанар буоллум диэн испэр үөрэ
санаатым, онтум отуубутун иһин-таһын хомуйан, иһит сууйан, чэй оргута сырыттахпы-
на, оҕонньорум тиийэн кэллэ, чэйдээн баран салгыы үлэлии бардахпыт дии. Сарсыар-
да халлаан сырдыаҕыттан киэһэ хойукка диэри ыһыы сирин хорутан оҕустары кытта
өрө мөхсөн сосуһар буолан сылайарым. Ыһыы сирин тиэрэн бүтэрэн, түүнүн сир паар-

243