Page 298 - Сэрии кэмин оҕолоро 1 кинигэ
P. 298
ЛӨГӨЙ нэһилиэгэ
Саас сэрии бүппүтүн бастакы, иккис сылларыгар үөрбүт курдук тыһаҕас, ынах бөҕө
төрөөбүтүн өйдүүбүн. Ньирэйдэри туспа уйаҕа хаайан, ынаҕы ыан, бөтүөнүнэн аһатга-
раллар. Уйаны ыраастыыбыт, туорай мастарын сууйабыт. Дьиэҕэ муоста харбааһына кыра
кыргыттар үлэлэрэ. Бурдук тардар тааска сиэмэ ыраастаан кутан тартарабыт. Аны киэ-
һэтин талкынан тирии имитэллэр, ону тутан биэрэбин. Эбиитин кырабар ыалдьаммын,
убайым сыарҕалаах оҕуһунан эбэбэр илдьибитин, икки оҕолоох уолун кытта олорор буо-
лан, эбиитин икки хараҕынан көрбөт эбит, онон аккаастаабыттарын үрдүнэн ийэм: «Бу
кыыс аччыктаан өлөр буолла», — диэн тахсан барбыттар. Кэлин түөрт сааспар дьонум
төттөрү ылбыттар. Холкуос буолбут сааһыгар убайым армияҕа барар, аҕам бирикээс
бэрээдэгинэн Булуҥҥа балыкка атаарыллар. Балыгынан дьоҥун аһатан тыыннаах хаал-
быттар. Ол сайын эдьиийдээҕим уонна ийэм Уһун Сыһыыга ыанньыксыггыы көһөллөр.
1949 сыл ийэм балтыбын Клара Петровна Никииппэрэбэни төрөтөр. Салгыы сүөһү үлэ-
тигэр, Кэптэнигэ, Даалыга детсадка иитээччи көмөлөһөөччүтүнэн үлэлээбитим. Ийэм
ыалдьан Хомустаахха төннөн кэлэн детсадка, кулуупка остуорастаабытым. Санаторий
аһыллан, повардаан, санитаркалаан сүүрбэ сыл эҥкилэ суох үлэлээн бочуоттаах сынньа-
лаҥҥа тахсыбытым», — диэн кэпсээнин түмүктүүр.
Евдокия Петровна кыыстаах уола ыал буоланнар, сиэн оҕолор, хос сиэн минньигэс
сыттарынан сылаанньыйан бэрт сылаастык туттуллан олорорун эттэ.
Ульяна Бурнашева
Федоров Василий Васильевич
Мин 1942 сыллаахха сэтинньи 5 күнүгэр Дүпсүн улууһугар
төрөөбүтүм. Ийэм 5 саастаахпар өлөн, түөрт уол түөрт аҥыы
атын дьоҥҥо иитиллибиппит. Эрдэ тулаайах хаалан, оҕо сааһым
олус эрэйдээхтик, ыараханнык ааспыта.
1954 сыллаахха Найахы оскуолатыгар түөрт кылааһы үөрэнэн
бүтэрбитим. Бу кэннитгэн 15 сааспыттан Найахы, Өспөх хол-
куостарыгар үлэлээбитим. 1963 сыллаахха армияҕа 3,5 сыл су-
лууспалаабытым. Армияттан кэлээт, Бороҕоҥҥо коммунальнай
хонтуораҕа завхоз, гараж сэбиэдиссэйинэн, онтон Бороҕон мя-
сокомбинатыгар завхоһунан үс сыл үлэлээбитим.
1970 сыллаахха бырааппар Хон Семен Васильевичка көһөн
кэлбитим. Манна кэлэн Бурнашева Александра Васильевнаны
көрсөн кэргэн ылбытым. Кэргэним бииргэ төрөөбүттэрин тэҥҥэ көрсөн, бииргэ олор-
буппут. Кэлин биэнсийэҕэ тахсыахпар диэри Дьокуускайдааҕы мясокомбинакка прием-
щигынан үлэлээбитим. Дьиэ-уот туттан, оҕолонон-урууланан, ыал буолан олорбуппут
быйыл 50 сылын туолла.
Федорова Александра Васильевна
Бурнашев Александр Васильевич
Игирэлэр диэн айылҕа сэдэх, дьикти көстүүтэ буолар. Биллэн турар, биир ийэт-
тэн, аҕаттан биир сыл биир күҥҥэ, чааска аҕыйах сөкүүндэнэн, мүнүүтэнэн күн
сирин көрөн бэбээрэ ытааһын олоххо ахсааннаах көстүү. Лөгөй нэһилиэгэ төрүөх-
тээх түөлбэнэн ааҕыллар. Биэрэпис кэпсииринэн, барыта 18 игирэ төрөөбүтэ биллэр.
Баҕар, алҕастаах буоллаҕына, бырастыы гынаарыҥ дуу? Дьэ, бу игирэлэртэн саамай
бастакы игирэлэринэн Александра Васильевна Федорова уонна Александр Василье-
вич Бурнашевтар буолаллар. Кинилэр буолаары буолан, Ороһуоспа күнүн көрсө 1940
сыллаахха тохсунньу 6 күнүгэр күн сирин көрбүттэр. Бу туһунан ытык саастаах игир-
элэрбит ыйытыыларга эппиэттээтилэр.
294
