Page 295 - Сэрии кэмин оҕолоро 1 кинигэ

ЛӨГӨЙ нэһилиэгэ

Чахчы үдэһит да буолан, Римма кэлин Бороҕоҥҥо кэнсиэргэ кытта киирдэҕинэ,
ийэтин билэр дьон: «Белых Шура кыыһа сылдьар. Үлэһит киһи оҕото үлэһит буо-
луоҥ», — дииллэрин күн бүгүн ахтар.
Римма Романовна оҕо сааһа Хомустааҕынан, Мүрүнэн ааспыта. Оччотооҕу оҕолор
олус үлэһиттэрэ. Сэттэ саастарыттан улахан дьон сорудаҕын толоро үөрэниэхтэриттэн
бары үлэҕэ сыстаҕастара. Холкуоска от-мас бэлэмигэр, сүөһү үлэтигэр кыыс-уол диэн
арахсыбакка бүттүүн үлэлээбиттэр эбит. Ас-таҥас кырыымчыгын, дьиэ, тэрилтэ тым-
ныытын барытын билбиттэрэ.
Римма, Мүрүгэ оскуоланы бүтэрээт, Уһун Күөл детсадыгар иитээччинэн үлэлээ-
битэ. Оҕолуу үөрүнньэҥ, сымнаҕас майгылаах эдэр үлэһити бука бары сөбүлээбиттэрэ.
Ити курдук икки сыл үлэлээбитин кэннэ Чараҥ детсадыгар анаабыттара. Оҕо иитиити-
гэр сыстаҕаһын, холку майгылааҕын билэн, аҕа саастаах кэллиэгэлэрэ салгыы идэ ыла-
рыгар сүбэлииллэрэ. Онон Дьокуускайдааҕы педагогическай училигцеҕа дошкольнай
салааҕа, оччолорго бэрт элбэх куонкуруһу ааһан киирбит. Дипломнаах эдэр үлэһити
дойдутугар Хомустаахха детсад сэбиэдиссэйинэн аныыллар. Салгыы Кэптэни детса-
дыгар сэбиэдиссэйдээбитэ. Оччолорго, маһы-ууну бэйэлэрэ бэлэмнэһэр кэмнэригэр,
салайааччы сатабылын, оҕону иитиигэ ирдэбилин, билиитин көрдөрбүт. Оччолорго
оҕолор бэнидиэнньиктэн субуота күнү толору атаарыахтарыгар диэри хонуктаан сыл-
дьалларыгар эппиэтинэс да улахана. Анал оҕо иитиитигэр дьиэ суоҕа, онон инкубатор
дьиэтин өрөмүөннээн, оһоҕун оттон үлээбиттэрэ. Салгыы идэтин үрдэтинэн Магада-
аннааҕы педагогическай институту үөрэнэн бүтэрбитэ. Үлэ бастыҥ уопутун оройуон
иитээччилэригэр тарҕаппыта, оҕону иитиигэ элбэх семинардары ыыппыта. Үлэлиир
кэмнэригэр субуотунньуктарга актыыбынай кыттыыны ылара, уус-уран самодеятель-
носка мааны куоластаах ырыаһытынан аатырара. Сопхуос, нэһилиэк, улуус бэстибээл-
лэригэр кыттан лауреат, дишюмант үрдүк аатын сүгэрэ.
Сааһыран да баран бэтэрээннэр «Аал уот» ансаамбылларыгар ыллаан, үҥкүүлээн,
олоҕу күн ахсын саҥатык көрөр. Ийэ, эбэ, иитээччи буолан, илиитин сылаас иминэн
араас сувенирдары, оонньуурдары оҥорор. Саамай сөбүлүүр дьарыгынан оһуор ан-
ньыыта буолар. Бэл, ааспыт сыл улууска «Үһүс саас оскуолалар» илиинэн оҥоһукта-
рын быыстапкатыгар кыттыыны ылбыта. Эдэр оҕолору олох сырдык аартыгар атааран,
алгыс этэн ыһыаҕы киэргэтэрэ.
Билигин бочуоттаах сынньалаҥҥа олорор Римма Романовна: «Мин ийэлээх аҕа-
бынан киэн туттабын. Төрөппүттэрбин күндүтүк саныыбын, ахтабын. Аҕа тапталын
билбэтэх сэрии тулаайаҕар сэрии бааһа сүрэх-быар ыарыыта эбит. Сыл-хонук аастаҕын
аайы ааспат-оспот баас буолан хааллаҕа», — диэн кэпсээбитин түмүктээтэ.
Римма Романовна — педагогическай үлэ бэтэрээнэ, сэрии сылын оҕото, Лөгөй
нэһилиэгин бочуоттаах олохтооҕо. «За вклад в развитие образования Легойского нас-
лега», «За вклад в развитие культуры Усть-Адцанского улуса», «За вклад в профсоюз-
ное движение Усть-Алданского улуса» бэлиэлэринэн, «100 лет Великой Октябрьской
социалистической революции», «100 лет ВЛКСМ» мэтээллэринэн наҕараадаламмыта.

Прядезников Гаврил Дмитриевич

Ханнык баҕарар сиргэ тиийдэххэ, тарбахха багганар, хайҕалга сылдьар үлэһит дьон
баар буолаллар.
Кэптэни бөһүөлэгэр кэллэххэ, оннук ытык киһинэн биирдэстэринэн Гаврил Дми-
триевич Прядезников буолар. Киһи сөҕөрө диэн, бу 82 саастаах аҕа, эһэ сүөһүлэригэр
от киллэрэ, саахтарын соһо, уулата сылдьарын күн ахсын көрүөххэ сөп.
Гаврил Дмитриевич: «Сааһыран сүөһүбүн аччатан иһэбин. Бэйэбэр сөп, хамсанар
курдук быйыл да кыстаттым», — диир. Сайынын дьиэ кэргэнинэн түмсэн оттуурун
сөбүлүүр. «Синтай» тыраахтарынан үлэтин чэпчэтинэн көҥүл урууллаан сылдьарын

291