Page 81 - Сэрии кэмин оҕолоро 1 кинигэ

БАЙА5АНТАЙ нэһилиэгэ

Сэрии ыар тыына биллибитэ. Аҕабыт бииргэ төрөөбүттэрэ Афанасий, Михаил сэ-
риигэ бараллар. Олох ыараабыта.
Мин 1942 с. үөрэххэ киирбитим. Үөрэхпэр үчүгэй этим. Кылааска тэтэрээт тиийбэ-
тэ, чэрэниилэ суоҕа, үөрэнэр кинигэ аҕыйаҕа, оһох курунньугунан суруйарбыт. Урукку
латыын алпаабытынан суруллубут кинигэлэргэ харандаас үөһүн булан суруйан ула-
хан үөрүү буолара. Күнүс оскуолаҕа итии аһылыкка ууга буспут турнепс сиэтэллэрэ.
Интэринээккэ күҥҥэ 3-тэ уу хааһы сиирбит, куруук аччык сылдьарбыт. Физкультура
уруогар мас саалаах, гранаталаах үөрэтэхтэрэ.
Сут дььилар содулларыгар аччыктаан, ис ыарыытыгар ылларан ыал ыалынан быс-
таахтаабыттара.
Аҕам уонна балтым Өкүүчэ 1943 с. саас сут дьыл содулутган, ис ыарыытыттан өлбүт-
тэрэ. Оччолорго эмчит суоҕа. Интэринээт оҕолоро ис тиибигэр, кыһыылаах ымынахха,
харах коньюктивитыгар сутуллубуттара.
Алын кылааска сылдьан сайын аайы интэринээккэ олорон, кирпииччэ үктээн, түн-
нүк самааскатын оҥорорбут. Арыый улаатан баран, холкуоска оҕус сиэтээччинэн, бу-
гул түгэҕин харбааччынан звеноҕа киэһэ хойукка диэри үлэлиирбит. Бурдук тардарга
көмөлөһөн аһаан хонорбут.
Арыы, сүөгэй диэни дэҥҥэ сиирбит, үксүн суоратынан үссэнэрбит. Сэрии бүтүүтэ
лэппиэскэни сиир этибит.
Сут саҕана дьон тугу-тугу сиэбэтэхтэрэ баарай, оннооҕор былыр үйэтинээҕи аан
бүрүөһүнэ илдьирийбитин эмиэ сииллэрэ. Дьэ атцьархайдаах ыар кэмнэр этилэр.
Өссө сэрии үгэннээн турдаҕына, оскуолаҕа оҕонньоттору байыаннай дьыалаҕа үөрэ-
тэллэрэ.
Танда оскуолатын бүтэрэн, 1955 с. Дьокуускайдааҕы педучилищены кэтэхтэн
үөрэнэн бүтэрбитим.
Университет историческай салаатын үөрэнэн бүтэрэн, 38 сыл учууталлаабытым.
РСФСР үөрэҕириитин туйгунабын. Кэргэним Васитьев Иннокентий Николаевичтыын
3 оҕолоохпут. Кэргэним — культура үтүөлээх үлэһитэ, XX үйэ спордун лауреата, спорт
музейын тэрийээччи этэ.
Сир үрдүгэр сэрии буолбатын, ыччаттарбыт биһиги курдук эрэйи көрбөтүннэр.
Майа, 2020 с.

Саввин Алексей Алексеевич

1937 с. төрөөбүтэ, оҕо сааһа Суотту детдомыгар ааспыта.
Мүрү оскуолатын 1958 сыллаахха бүтэрбитэ. Үрдүк үөрэх-
тээх. Геолог идэтигэр үөрэнэн 1961-96 сылга диэри геологунан
үлэлээбитэ. Үлэтигэр Грамоталар, Махтал суруктар элбэхтэр.
2 кыыс оҕолоох, 3 сиэннээх. Дьокуускай куоракка олорор.

Свинобоева-Атласова Альбина Михайловна

Мин Уус Атдан оройуонун Бороҕонугар 1946 с. алтынньы 24 күнүгэр Матрена Ми-
трофановна уонна Михаил Власьевич Готовцевтарга төрөөбүтүм. Миигин 6 ыйбыттан
эһэлээх эбэм көрөн-истэн улаатыннарбыттара.
Уоттаах сэрии кэмигэр 1940-1947 сс. «Тыраҕатталаах» холкуоска бэрэссэдээтэлинэн
үлэлээбит Атласов Митрофан Афанасьевич сиэнэ буолабын.

77