Page 77 - Сэрии кэмин оҕолоро 1 кинигэ

II БАЙАБАНТАЙ нэһилиэгэ

Биһиги сөпкө быһаарыыбытын өйөөн, Россия бастакы Президенэ Б.Н. Ельцин Рос-
сийскай Федерацияҕа аан бастаан Российскай Федерация санитарнай-эшщемиологи-
ческай сулууспатын Государственнай Комитетын тэрийбитэ, бэрэссэдээтэлинэн Бе-
ляев Е.Н. анаммыта.
Мин 23 сыл буолан баран, бары научнай үлэлэрбин ырытан баран (медицинскэй
наука кандидатын 1973 сыллаахха ылбытым) Саратовтааҕы «Микроб» диэн научнай
институт учуонай советыгар 1996 сыллаахха медицинскэй наука докторскай диссерта-
циятын көмүскээбитим.
1999 сыллаахха Саха Өрөспүүбүлүкэтин Президенэ М.Е. Николаев ыйааҕынан, Саха
Өрөспүүбүлүкэтин доруобуйа харыстабылын министринэн анаммытым.
Бу кэмнэргэ дойду үрдүнэн сүрүн уларыйыылар бара турар кэмнэрэ буолан, Саха си-
ринээҕи доруобуйа харыстабылын оройуоннааҕы. куораттааҕы, өрөспүүбүлүкэтээҕи тэ-
рилтэлэрэ үгүс күчүмэҕэйдэри, ордук үбүлээһин боппуруостарыгар, көрсүбүтгэрэ. Ону
ол диэбэккэ, ыарахатгары туораан, бэрт элбэх саҥа сүүрээннэри Саха сирин доруобуйа
харыстабылын үлэһпттэрэ биһиги салалтабытынан олоххо киллэрэн барбыппыт.
Үгүс үрдүк таһымнаах тэрээһиннэр буолбуттара. Россия доруобуйа харыстабылын
министрэ Шевченко Ю.Л., Саха Өрөспүүбүлүкэтин Президенэ Николаев М.Е. кыт-
тыылаах өрөспүүбүлүкэҕэ аан бастаан медицинскэй үлэһиттэр өрөспүүбүлүкэтээҕи
съезтэрэ буолбута. Инники хардыылар, сайдыылар тустарынан кэпсэтии олус табыл-
лан, үрдүк таһымнаахтык ыытыллыбыта.
Аҕыйах кэм буолан баран, Россия Доруобуйа харыстабылын министиэристибэтэ
киэҥ ыҥырыылаах коллегиятын Дьокуускайга ыыппыта. Саха сирин медицинскэй тэ-
рилтэлэригэр аналлаах элбэх быһаарыныылары ылыммыттара.
Министр Ю.Л. Шевченко солбуйааччылара Г.Г. Онищенко, Т.И. Стуколова,
О.А. Шарапова элбэхтик Саха сиригэр кэлэн, үгүс туһалаах тэрээһиннэри ыытан,
биһиги медицинабыт сайдарыгар үгүс көмөнү оҥорбуттара.
Саха сирин доруобуйа харыстабылыгар, дьону эрдэ олохтон туорууру аччатыыга
аналлаах саҥа сүүрээннэри киллэрэн барбыппыт.
Өрөспүүбүлүкэҕэ аан маҥнай сүрэххэ ыарахан эпэрээссийэни министр Ю.Л. Шев-
ченко бэйэтэ кэлэн оҥорбута, Саха сиригэр сүрэххэ эпэрээссийэни оҥорорго туттуллар
омук прибордарын бэлэхтээбитэ, Москва специалистарын көмөлөрүнэн бүөр ыарыы-
тын тохтотор, дьон өлүүтүн аччатар эпэрээссийэни оҥорбуттара.
Телемедицина тэриллибитэ

Өрөспүүбүлүкэҕэ аан бастаан быһылааҥҥа түбэспит дьону быыһыыр медицинскэй тэ-
рилтэ, дьон биир-икки чаас иһигэр поликлиникатарга, участковай балыыһаларга, фельд-
шерскэй пууннарга кэлэн эмтэнэр күнүскү медицинскэй көмө оҥоһуута, ыарыыттан сэ-
рэтэр үлэни, эмтэнэргэ туһалаах хамсааһыны тэрийэр. ыытар кииннэр тэриллибитгэрэ.
Өрөспүүбүлүкэ үгүс оройуоннарыгар, Дьокуускай куоракка саналыы, аныгы көрдө-
бүллэргэ эппиэттиир медицинскэй тэрилтэлэр, балыыһалар дьиэлэрэ тутуллубуттара.
Билиҥҥи сайдыы кэмигэр. үрдүк таһымнаах медицинскэй көмөнү оноруу доруо-
буйа харыстабылын үлэһиттэрэ билиилэрэ кэҥиириттэн, сайдалдарыттан улахан ту-
тулуктаах буоларын өйдөөн, биһиги быраастарбыт Америкаҕа, Англияҕа, Францияҕа,
Италияҕа, Турцияҕа, Австрияҕа, Словенияҕа, Норвегияҕа, Германияҕа, Данияҕа билии-
лэрин үрдэтэр үөрэҕи ыла барбыттара. Бу инники үлэлэригэр улахан көмө буолбута.
Өрөспүүбүлүкэ олохтоохторугар үрдүк таһымнаах, аныгы аан дойду ситиһиитигэр
тэҥнээх медицинскэй көмө оҥоһуллуута олохтонно диэн өрөспүүбүлүкэ Президенэ
Штыров В.М. улахан сыанабылы биэрэн турар.
Бу ситиһиитэри мин доруобуйа харыстабылын министринэн үлэлээбит кэммэр
оҥорбуппунан, олоххо китлэрбиппинэн киэн туттабын.
Саха сирин бастакы Президенэ М.Е. Николаевка, Россия доруобуша харыстабьтын

73