Page 76 - Сэрии кэмин оҕолоро 1 кинигэ

II БАЙАБАНТАЙ нэһидиэгэ_______________________________________ _
Егоров Иван Яковлевич

Мин 1939 сыллаахха балаҕан ыйын 24 күнүгэр иккис Ба-
йаҕантай нэһилиэгэр төрөөбүтүм. Аҕам Егоров Яков Николае-
вич, «Пятилетка» холкуос бэрэссэдээтэлинэн үлэлии сылдьан,
1942 сылга Аҕа дойду сэриитигэр ыҥырыллан баран өлбүтэ,
онон ийэм Егорова Нататия Ивановна көрүүтүгэр хаалбытым.
Ол гынан баран ийэм бу дойдуттан эрдэ өлөн туораабыта.
Сэрии кэминээҕи оҕо буоламмын, тоҕус сааспар Бээрийэ алын
кылааһын оскуолатыгар ньолобуой кылааска киирэн үөрэнэн ба-
ран, Бороҕоҥҥо Мүрү онус кылаастаах оскуолатыгар төрдүс кы-
лаастан онус кылааһы бүтэриэхпэр диэри үөрэммитим. Ол кэн-
ниггэн Уус Алдан райпромкомбинатыгар икки сыл столярынан
үлэлээн баран, 1961 сыллаахха Иркутскайдааҕы медицинскэй ин-
ститут санитарнай быраастары бэлэмниир факультетыгар туттарсан, алта сыл ситиһии-
лээхтик үөрэнэн, 1967 сыллаахха санитарнай быраас идэтин ылан, Саха АССР Доруобуйа
харыстабылын министиэристибэтэ анааһынынан төрөөбүт-үөскээбит оройуонум кылаа-
бынай санитарнай бырааһынан ананан үс сыл таһаарыылаахтык үлэлээбитим. Ити сыл-
ларга оройуоннааҕы санэпидстанция бэйэтэ бас билэр дьиэлэммитэ, уон сэттэҕэ тиийэ
специатист: быраастар, фельдшердэр үлэлиир буолбуттара. Санитарнай-гигиеническэй,
бакгериологическай лабораториялар сан а аһыллан үгүс үлэни ыытар буолбутгара. Сани-
тарнай массыыналаах буоламмыт, оройуон үгүс нэһилиэктэрин кэрийэн, сыстыганнаах
ыарыылары суох оҥорор үлэлэри киэҥ далааһыннаахтык ыытар буолбуппут.
Уус Алдан оройуонун райкомун бастакы сэкирэтээрэ Аржаков С.С., райисполком
бэрэссэдээтэлэ Румянцев В.В., оройуоннааҕы киин батыыһа салайааччылара (Бу-
бякин И.И., Местников И.И., Окоемов Н.И.) уонна оройуоннааҕы санэпидстанция
үлэһиттэрин ситиһиилэринэн оройуоҥҥа үгүс сыстыганнаах ыарыылар тарҕаныыла-
рын намтаппыппыт, сорохторун суох оҥорбуппут.
Төрөөбүт оройуонум олохтоохторун доруобуйаларын тупсарарга, олохторун уһатарга
үгүс үлэни ыыта сырыттахпына, 1970 сыллаахха Харьковтааҕы медицинскэй инсти-
тутка Саха АССР Доруобуйа харыстабылын министиэристибэтэ аспирантураҕа үөрэтэ
ыыппыта. Үс сыл устата Украинаҕа эрэ буолбакка, бүтүн Советскай Союзка биллэр
учуонайдар көмөлөрүнэн 1973 сылга медицинскэй наука кандидатын дипломын ылан,
Дьокуускайга Саха государственнай университетын медицинскэй факультетыгар сылы
кыайбат кэмҥэ преподавателинэн үлэлээн баран, 1974 сыл саҕаланыытыгар Партия
Саха Сиринээҕи Обкома этии киллэриитигэр РСФСР Доруобуйа харыстабылын ми-
нистиэристибэтин коллегията сөбүлэҥин биэрэн, Саха Өрөспүүбүлүкэтин Министр-
дэрин Совета миигин Саха Өрөспүүбүлүкэтин доруобуйа харыстабылын министрин
солбуйааччынан, Саха АССР кылаабынай санитарнай бырааһынан анаабыта.
1991 сылга Саха Өрөспүүбүлүкэтин бастакы Президенэ М.Е. Николаев өйөөһүнүнэн,
Россияҕа анаан маҥнай Саха Өрөспүүбүлүкэтин санитарнай сулууспатын өрөспүүбүлүкэ
Доруобуйа харыстабылын министиэристибэтитгэн арааран, Саха Өрөспүүбүлүкэтин са-
нитарнай-эпидемиологическай сулууспатын Государственнай Комитета тэриътибитэ.
Өрөспүүбүлүкэ Государственнай мунньаҕа Правительсто иһинэн үлэлиир Государ-
ственнай Комитет бэрэссэдээтэлинэн миигин анаабыта. Мин өрөспүүбүлүкэ кылаа-
бынай санитарнай бырааһынан 26 сыл үлэлээбитим.
Өрөспүүбүлүкэ санитарнай сулууспата Саха сиригэр сыстыганнаах ыарыылар
тарҕамматтарын, суох буолууларын туһугар киэҥ далааһыннаах үлэни ыыппыта.
Өрөспүүбүлүкэҕэ промышленность, тыа хаһаайыстыбата таһаарыылаахтык үлэлииллэ-
ригэр, айылҕаны харыстааһыҥҥа, дьон уһун, доруобай, дьоллоох олоҕун тупсарыыга,
уһатыыга үлэни күүскэ ыыппыта.

72