Page 260 - Уйбаан Бахсылыырап. Сэрии кэмин оҕолоро - эйэлээх олох уустара

* * *

Бысыин Дмитрий Дмитриевич сатабыллаах салайааччы, булар-талар үлэҕэ
ураты дьоҕурдаах, дьону, үлэһиттэри кытта сатаан кэпсэтэр, кинилэри үлэҕэ
көҕүлүүр, эппит тылын ылыннарар, туруоруммут сыалын ситиһэр, саҕалаа-
быт үлэтин тиһэҕэр тиэрдэр, сылайары, кырдьары билиммэт үтүө үлэһит
киһи...
Николай Петрович Аммосов, педагогическай үлэ ветерана,
Уус-Адцан улууһун бочуоттаах гражданина, 2003 с.

* * *
...Танда үрэх сүнньэ билиҥҥи уларыта тутуу процеһын күүрээннээх үлэ-
тин сылларыгар тупсар-киэркэйэр, саҥа тутууларынан сандаарар. Маныаха
Дмитрий Дмитриевич Бысыин үтүөтэ-өҥөтө улахан.

Николай Степанович Колодезников,
“Ленинскэй тэрийээччи”, 06.01.1990
* * *
Арай биирдэ “Герой Егоров” совхоз парткома Н.П.Аммосов сүбэлээтэ:
“Тиит-Арыы кулуубун, кини үлэтин тупсардаҕына Д.Д.Бысыин тупсарыа,
үлэһиттэри салайыа”, — диэн. Мин өр гымматым, Тиит-Арыыга тахсан Дмит-
рий Дмитриевиһы кэпсэтэн “ээх” дэтэн киирдим. Киһибиттэн хайдах эрэ
астына санаатым: олус үчүгэй юмордаах, ис киирбэх дьүһүннээх, лоп-баач-
чы тыллаах-өстөөх, эйэ-дэмнээх дьиэлээх-уоттаах. Ити 1980 сыл бэс ыйа этэ.
Онтон ыла аҕа табаарыс, үтүө сүбэһит, мындыр уус, үтүөкэн салайааччы-
педагог оҥостон, доҕордоһон күн баччааҥҥытыгар кэллэхпит...
Атос Реасович Кулаковскай, 1979-1984 сс. Уус-Алдан оройуонугар
култуура отделын салайааччыта, СР үөрэҕириитин үтүөлээх үлэһитэ,
РФ үөрэҕириитин туйгуна, Таатта улууһун бочуоттаах гражданина
* * *

Тутууну ыытарга хас отделение аайы тутаах дьоннор бааллара. Олортон
биирдэстэринэн Тиит-Арыы отделениетыгар Дмитрий Дмитриевич Бысыин
буолар. Куораттан киирэн оччолорго сэдэхтик көстөр тутуу матырыйаалын:
турбаны, радиотары, түннүк тааһын, шифери, кырааскатыгар, тоһоҕотугар
тиийэ булан тиэйэн таһааран сүдү талаанын көрдөрбүтэ уонна 2,5 сыл иһигэр
7 объект үлэҕэ киирэрин хааччыйбыта. Олор истэригэр 200 миэстэлээх кулу-
уп, таас квартальнай котельнай, 100 ынах киирэр ыанньык хотоно, 100 төбө
сибиинньэ киирэр хотоно, сүөсүһүт дьиэтэ, кормокухня уонна сайылык ту-
туллан үлэҕэ киирбиттэрэ.
Кини эдэр ыччакка чахчы холобур, чахчы хорсун, сэттэ уон сааһын туо-
лан баран сиэлэ сылдьар, мин хаар маҥан баттахтаах, барыны кыайыгас
Быһыйыын доҕорум.
Николай Николаевич Костромин,
1987-1989 сс. Герой Егоров аатынан совхоз директора,
Ил Түмэн депутата
* * *

Бысыин Дмитрий Дмитриевиһы — колхознай, совхознай тутуу, культура
үлэтин ветеранын, аҕа саастаах биир дойдулаахпын, Уус-Алдан улууһун орой-

256