Page 258 - Уйбаан Бахсылыырап. Сэрии кэмин оҕолоро - эйэлээх олох уустара

деятеллэрэ Н.А.Павлов, Н.Н.Иннокентьев кинилэри үчүгэйдик көрөн-истэн,
тэрийэн үлэлэппит Дмитрий Дмитриевиһы күндүтүк санаан-ахтан кэпсэти-
һэллэр. Бу саха улахан художниктара бэйэлэрэ эмиэ сэрии сылларын оҕоло-
ро. Афанасий Петрович Мунхалов эбиитин сэрии кэминээҕи төгүрүк тулаайах
үөскээбит киһи.
Дьэ, бу курдук суруйан баран эргитэ санаан көрдөхпүнэ, оҕо сылдьан
оҕус сиэтэн үлэҕэ буспут-хаппыт, олоҕу салҕаабыт, олох кэрэтигэр дьулус-
пут, айар-тутар үлэни олохпут анала оҥостубут биһиги сэрии кэмигэр уонна
кэннигэр төрөөбүт мин көлүөнэбэр Дмитрий Бысыин биир улахан убайбыт
эбит.
Көлүөнэм убайыгар, элбэх оҕо, сиэн амарах аҕатыгар, ытык эһэтигэр
Бысыин Дмитрий Дмитриевичкэ сүгүрүйэн, киниэхэ анаан, оҕо сааспын са-
наан олорон бу сэмэй, кылгас бэлиэтээһини суруйдум.

Василий Васильевич Бочкарев, СР искусствотын үтүөлээх деятелэ,
Россия художниктарын, журналистарын уонна норуоттар
икки ардыларынааҕы суруйааччылар союзтарын чилиэнэ

ДОЙДУМ ДЬОНУНАН КИЭН ТУТТАБЫН
Икки сыллааҕыта үтүө дьыала хамсааһын саҥа саҕаланан эрдэҕинэ “Рес-
публика бүттүүнэ” хаһыакка “Быһыйыын Миитэрэй ылсыбыт буоллаҕы-
на...” диэн матырыйаалы суруйан турабын. Ол ис хоһооно Уус-Алдан улуу-
һун Тиит-Арыы нэһилиэгэр Бысыин Дмитрий Дмитриевич көҕүлээһининэн
спортивнай саала тутаары ылсыһан эрэллэрин туһунан этэ. Ити Дмитрий
Дмитриевич Бысыин быйыл 72-с хаарын уулларан эрэр хаар маҥан баттахта-
ах ытык кырдьаҕас эбээт.
Кини сааһыгар киһи үксэ оһох иннигэр аргынньахтаан олорон көхсүн
сылытыан сөп этэ. Оттон биһиги Миитэрэйбит, хата, ылбычча киһи ылсы-
бат соругун туруорунан нэһилиэгэр бэртээхэй спортивнай саала тутуллан үлэҕэ
киирэрин ситистэ. Билиҥҥи курдук президент, правительство өртүттэн
күүстээх өйөбүл баар кэмигэр ону, ама, Миитэрэй кыайбат буолуо дуо? Бэл,
урут бэркэ сүүрэн-көтөн, туруорсан кулууп туттарбыта умайан хаалбыта.
Миитэрэй онтон санаатын түһэрбэккэ өссө күүрэн туран үлэлээн тыа сири-
гэр тарбахха баттанар үчүгэй оҥоһуулаах кулуубу туттаран кэбиспитэ. Онтон
аны ыччаттарыгар ити спортивнай сааланы бэлэхтээтэ. Дьэ, итинник киһи
— биһиги Миитэрэйбит. Ол да иһин дьоно-сэргэтэ киниэхэ нэһилиэк, улуус
бочуоттаах гражданинын аатын иҥэрдэхтэрэ, ССРС культуратын туйгуна ааты
сүктэрдэхтэрэ.
Кулун тутар 23 күнүгэр ити “Быһый” диэн ааттаммыт (бука, Быһыйыын
диэнтэн таһаардахтара) спортивнай сааланы аһыы үөрүүлээх быһыыга-май-
гыга барда. Спортивнай саала баара-суоҕа 300-тэн тахса киһилээх нэһилиэк
күүһүнэн тутуллубут объект диэтэххэ киһи хараҕа туолар тутуута. Манна бу
нэһилиэккэ олорор, Тиит Арыыттан төрүттээх хас биирдии киһи сэмэй кы-
лаатын киллэрсибитэ. Ол курдук, кинилэр бары спортивнай сааланы тутууга
ананан ыытыллыбыт телемарафоҥҥа көхтөөхтүк кыттыбыттара.
Тыа сиригэр туох да улахан көтөҕөр кыраана суох маннык үрдүк тутуула-
ры ыытар бэйэтэ ураты уустуктардаах. Миитэрэй үйэтин тухары тутууга үлэ-
лээбит үөрүйэҕэ онно улаханнык көмөлөспүтэ чахчы. Аҥаардас ДВП-нан ис
өртүн бүрүйэ сырыттахтарына үөһээ өртүн хайдах саайалларыттан мунаар-

254