Page 257 - Уйбаан Бахсылыырап. Сэрии кэмин оҕолоро - эйэлээх олох уустара
P. 257
сылларга элбэх күүһүн-сыратын биэрэн дьэндэтиспит атын кэрэ тутууларын
сэргэстэһэ аны спортсааланы үлэҕэ киллэрдэ. Сэттэ уон саастаах ытык кыр-
дьаҕас дьону көҕүлээн, тэрийэн, эт илиитинэн тутан-хабан үүнэр ыччат чөл,
доруобай олохтонорун туһугар сыраласпыт сырдык ырата сүһүөҕэр турбутут-
тан ама ким астыммат буолуой?
“Мүрү саһарҕата” хаһыат, 2002 с.
КӨЛҮӨНЭМ УЛАХАН УБАЙА
Иэдээннээх сэрии кэмигэр өспөтөх таптал төрөппүт оҕото буоламмын,
бэйэм көлүөнэм курдук тоҕус сааспар холкуоска от үлэтигэр оҕус сиэппитим,
онтон болокуусанан оту кэбиһии үөдүйэн алта сайын аты мииммитим. Улаа-
тан биир сайын от үрдүгэр турбутум. Эһиилги сайыныгар ат көлөнөн от
оҕустарбытым. Онтон ситэн-хотон, уон аҕыс сааспар кыдамаһыт буолан от
кэбиспитим. Манна барытыгар сэрии, сут-кураан, аас-туор олох эрэйин,
кыһалҕатын көрсүбүт аҕаларбыт, убайдарбыт сэрии кэмигэр уонна кэннигэр
төрөөбүт биһиги көлүөнэ оҕолорго үтүө холобур буолан үлэни, олоҕу таптыыр-
га, кэрэни кэрэхсииргэ үөрэппиттэрэ. Кинилэр сырдык ааттарыгар бэйэм
көлүөнэм аатыттан истиҥ махталбын этэбин!
Күн сириттэн эрдэ барбыт, сэрии сылларын оҕолоро убай доҕотторбун,
күүстээх үлэ үөһүгэр ырыа-хоһоон аргыстаах Петр Ильич Федоровы, Нико-
лай Николаевич Рожины, Петр Гаврильевич Копырины, поэт Василий Сав-
вины, режиссер Василий Фомины күннэтэ ахтар, суохтуур курдукпун. Онтон
билигин бииргэ оттообут, улааппыт оҕо сааһым убайдара: педагогическай
үлэ ветерана Василий Максимович Сивцев, поэт, журналист Иннокентий
Ильич Сыроватскай, үлэ, култуура ветераннара Вячеслав Николаевич Гого-
лев, Ефим Петрович Стручков бүгүн мин олохпун угуттуур, күүстээх үлэҕэ
угуйар курдуктар. Кинилэр убайдыы өйөбүллэрин сүрэхтиин-быардыын
бүтэйдии билэбин, кинилэргэ сүгүрүйэбин!
Дьэ, бу курдук оҕо сааһым убайдарын ахта-саныы сылдьаммын Танда
диэкиттэн тардыылаах, Тиит Арыы сириттэн силистээх Бысыин Дмитрий
Дмитриевиһы санаан кэлэбин. Кини сырдык сэбэрэтэ мин оҕо сааһым убай-
дарын санатар, сырдыгынан сыдьаайар. Миитэрэй Бысыйынныын мин би-
иргэ олорон, үлэлээн алтыспатах киһим. Ол эрээри сороҕор биирдэ көрбүт,
кэпсэппит киһигин тоҕо эрэ күндүтүк саныыгын, умнубакка ахта-саныы
сылдьаҕын. Миитэрэй Бысыин миэхэ оннук киһим эбит!
Миитэрэйдиин ааспыт үйэ сэттэ уонус сылларыгар Бороҕон аэропорту-
гар хаайтара олорон, остолобуойга билсибиппит. Онно кини биир дойдула-
ахтарын, оҕо эрдэхтэринэ от үлэтигэр уһуйбут уолаттарын, поэт Анатолий
Старостины, архитектор Иван Алексеевы кытта Москваҕа бииргэ үөрэммип-
пит туһунан, о.д.а. бэрт истиҥник сэһэргэспиппит. Дьэ, онтон ыла Миитэ-
рэй куоракка киирдэҕинэ көрсөн кэпсэтэбит.
Д.Д.Бысыин төһө да улахан үөрэҕэ суох буоллар, кыра, кытыы ыраах
нэһилиэккэ олордор билэрэ-көрөрө элбэҕин сөҕө саныыгын. Биһиэхэ, саха-
ларга, культура, искусство хайдах сайдан иһэрин олус сэргиир, сэҥээрэр.
Кэрэҕэ, сырдыкка ис-иһиттэн тардыстыыта күүстээх. Күүстээх баҕа санаа-
тынан, дьулуурунан, үтүө дьыала, тэрилтэ өйөбүлүнэн, дьонун-сэргэтин
көҕүлээн, үлэлэтэн кэрэ бэйэлээх культура дьиэтин төрөөбүт түөлбэтигэр Тиит
Арыыга туттарбыта. Бу дьиэтин киэргэтиитигэр кыһаллан-мүһэллэн үлэлээ-
бит Россия норуодунай художнига А.П.Мунхалов, СР искусствотын үтүөлээх
253
