Page 255 - Уйбаан Бахсылыырап. Сэрии кэмин оҕолоро - эйэлээх олох уустара

вич Бысыин күлэн-үөрэн үчүгэй баҕайытык көрсүбүтэ. Сабыс-саҥа дьоҕус
кулууп, бэйэлэрин уоллара, архитектор Иван Алексеев бырайыагынан тутул-
лубут. Кулууп ис өттүн оччотооҕу ирдэбилинэн норуодунай художник А.П.-
Мунхалов эскиһинэн уруһуйдаабыппыт. Мин үксүн дьонун-сэргэтин оҥор-
бутум. Өр соҕус үлэлээбиппит, Д.Д.Бысыинҥа дьиэтигэр хаста да сылдьы-
быппыт. Кини онно совхоһун директорын Н.Н.Костромины кытта били-
һиннэрбитэ. Эдэр киһи туһунан: “Үлэһит, билиилээх, сайдыылаах”, — дии-
рин өйдүүбүн. Дьиэтин таһыгар сабыс-саҥа сып-сырдык хаптаһыннарынан
кустуурга, балыктыырга аналлаах тыы оҥостон эрэрэ. Дмитрий Дмитриевич
кэпсэтэриттэн, саҥарарыттан өйдөөтөххө кэрэни, саҥаны, эдэр ыччакка эл-
бэх кэскиллээҕи, үчүгэйи эрэ баҕарарын өйдөөбүтүм. Оччолорго үөрэххэ ба-
рарга үп-харчы, сүбэ-ама барыта наада этэ буоллаҕа. Маҥан баттахтаах, сыр-
дык, кылгас сиэхтээх ырбаахылаах, икки атаҕын нэлэччи үктээн, күлэн ми-
чилийэ иһэрэ харахпар бу баар. Кэнники куоракка дэҥ-дэҥ көрүстэхпитинэ
истиҥник кэпсэтэн арахсааччыбыт. Уолаттара Саша, Рома биһиэхэ художе-
ственнай училищены үөрэнэн бүтэрбиттэрэ. Саша Чокурдаахха олордоҕуна
үчүгэй баҕайытык оҥостубут дьиэтигэр сылдьан ыалдьыттаан турабын. Саша
билигин тустаах үлэтигэр туйгуннук үлэлии сылдьар. Кини сорох эдэр дьон
курдук аһыы аска олох умньамматах, биир тыллаах үлэһит киһи. Рома дой-
дутугар үлэлии-хамсыы сылдьарын истэбин.
Дмитрий Дмитриевич Бысыин курдук сырдык ыра санаалаах саха ытык
кырдьаҕастара улуус-улуус аайы бааллара олус да кэрэ!

Николай Николаевич Иннокентьев,
СР искусствотын үтүөлээх деятелэ, ССРС культуратын
туйгуна, комсомол Киин кэмитиэтин лауреата,
Доҕордоһуу орденын кавалера, 2010 с.

СЫРДЫК ЫРАЛААХ, ДЬОНУ ТҮМЭР КИҺИ

Д.Д.Бысыинныын аҕыс уонус сылларга, кини уола Саша нөҥүө билси-
биппит. Саша оччолорго Чокурдаахха саҥа үлэлии тиийэ сылдьара. Онно
кэпсэтэн-ипсэтэн билсибиппит, кини убайа Дмитрий, мин тастыҥ балтым
кэргэнэ Саккырыырдар күтүөттэрэ буолан тахсыбыта.
Дмитрий Дмитриевиһы киһи аан бастаан көрөөт, элбэх сааһы биэрбэт.
Кини сытыы-хотуу, түргэн-тарҕан туттунуулаах, булугас өйдөөх, элбэх кэпсэ-
эннээх-ипсээннээх эрээри кэпсэтиитэ ыпсарыылаах буолара. Бэйэтин кыа-
нар да быһыылааҕа, тутта-хапта сылдьара ону туоһулуура. Арай баттаҕа адьас
мап-маҥанын сөҕөрбүт.
Дмитрий Дмитриевичтиин билсэн дьиэбитигэр-уоппутугар сылдьыһар,
сээкэйи сэһэргэһэр буолбуппут. Биллэн турар, үксүгэр кини кэпсиирэ, үөрэ-
тэн да ылара. Чахчы дьиҥ коммунистыы санаалаах, сырдык ыралаах, дьону
түмэр дьоҕурдаах киһи этэ. Ол да иһин дойдутугар Тиит Арыыга үчүгэйкээн
саҥа кулуубу туттарбыта. Мин табаарыспынаан Спиридонов Егор Прокопье-
вичтыын саҥа кулууп киэргэтиитин ситэриигэ үлэлээбиппит. Биһиги инни-
битигэр Россия норуодунай художнига Афанасий Петрович Мунхалов, СР
искусствотын үтүөлээх үлэһиттэрэ Николай Афанасьевич Павлов, Николай
Николаевич Иннокентьев кулууп иһигэр элбэх роспиһы оҥорбуттар этэ. Би-
һиги кулууп ис-тас өттүгэр маһынан кыһан паннолары оҥорбуппут, кыраас-
калаабыппыт. Егор Прокопьевич маһынан да, кыраасканан да оҥоһуктарга

251