Page 420 - Уйбаан Бахсылыырап. Сэрии кэмин оҕолоро - эйэлээх олох уустара

тан, бииргэ төрөөбүт Надя уонна Юра Егайдар, Намтан Степа Сидоров диэн
тулаайах оҕолор кэлэн кинилэргэ олорон, иитиллэн оскуоланы бүтэрбиттэ-
рэ. Надя ахсыс кылаастан үөрэнэн оскуоланы бүтэрэн, билигин Хабаровскай
куоракка институкка сир сыһыаннаһыыларын идэтигэр үөрэнэр. Юра ал-
тыска үөрэнэригэр кэлбитэ, оскуоланы бүтэрэн эмиэ Хабаровскай куоракка
тимир суол институтун төрдүс курсугар үөрэнэр. Степа Сидоров тохсус кы-
лааска үөрэнэригэр кэлбитэ. Оскуола кэнниттэн Чурапчытааҕы спортивнай
институкка үөрэнэ сылдьан армияҕа баран сулууспалаабыта, билигин дойду-
тугар Намҥа баар. Макаровтар элбэх тулаайах оҕоҕо үчүгэйдик сыһыанна-
һан, киһилии иитэн олох суолугар үктэннэрбиттэрэ бэйэлэригэр уон оччо
үчүгэйинэн эргиллиэ диэн эрэнэҕин.
Үөһэ ахтан аһарбытым курдук, Григорий Константинович, Валентина
Григорьевна Макаровтар дьиэ кэргэн саха омук төрүт культуратын үйэтитии-
гэ үлэлэһэр ыаллар. Кинилэр быйылгы сылга диэри сүөһү-ас ииттэн, саха
ыалын сиэринэн барыта бэйэлэрин тиэргэннэрин иһиттэн сибиэһэй аһы
аһаан олорбуттара. Ол эрээри Григорий Константиновичка кыаммат буолуу,
сорсуйуу кыһалҕата кыһарыйан быйыл Дьокуускайга киирэн кыстыыр буол-
лулар. Григорий Константинович ыарыытын төрүөтэ “Челябинск-40” зона
“Маяк” атомнай станция саахалын ыраастааһын. Бу саахал содулун полиго-
нун ыраастааһыҥҥа сылдьыбыт дьонтон Г.К.Макаров соҕотоҕун ордон сыл-
дьаахтыыр. Истиэҕиҥ Григорий Константинович кэпсээнин:
— Чурапчы орто оскуолатын 1958 сыл бүтэрэн ити сыл армияҕа сулуус-
палыы бардым. Биһиги эрэ тиийиэхпит иннинэ 1957 сыл Челябинскэйгэ
атомнай станция биир блога тоҕо баран сирэ-уота радиациянан сүһүрбүт
этэ. Биһигини, 132 саллааты, барыта аҥаардас ийэ оҕолорун уонна мин кур-
дук төгүрүк тулаайахтары биир хаһаарымаҕа симэннэр “Команда-1001” диэ-
ни тэрийбиттэрэ. Бу кэннэ “Челябинск-40” зона “Маяк” диэн ааттанар про-
изводственнай тэрилтэни ыраастаталлар.
Саахал тахсыбыт сирин кырсын биир күрдьэх дириҥнээх быһан ьшан,
массыыналарга тиэйэн Карачаево диэн күөлгэ илдьэн тимирдэбит. Миигин
кытта Чурапчы уолаттара Кожуров Иннокетий Егорович, Арепин Аким Афа-
насьевич, Смирников Семен Николаевич сылдьыбыттара. Билигин хайалара
да суох. Тааттаттан А.Р.Обоюкин, П.Н.Герасимов, Уус-Алдантан В.П.Аммо-
сов, Игнатий Игнатьевич Потапов, Владимир Михайлович Макаров (оройуон-
нарын өйдөөбөппүн) эмиэ онно сулууспалаабыттара. Ити дойдуга мин 1961
сыл аҥаарыгар диэри сылдьыбытым... — кэмин иннинэ бокоорбут Григорий
Константинович үөһээ тыынаахтыыр.
Ол эрээри санаа күүһүнэн, үчүгэй кэргэн уонна эмп-томп көмөтүнэн Гри-
горий Константинович күн бүгүн атаҕар тура сылдьар. Кини олоххо тардыһы-
ыта олус күүстээх, ону тиэргэниттэн саҕалаан бары үлэтигэр-хамнаһыгар ба-
рытыгар көрүөххэ сөп. Уотгаах сэрии буойунун, көһөрүү кьптыылааҕын төгүрүк
тулаайаҕа Григорий Константинович олоххо бэйэтин суолун булуммут, өссө
атын дьоннортон таһыччы да күүрүүлээх олоҕу олорбут, олорор киһи.

Уйбаан Бахсылыырап,
2012 с.