Page 419 - Уйбаан Бахсылыырап. Сэрии кэмин оҕолоро - эйэлээх олох уустара

кылынан арааһы бары баайар. Дьоҕурдаах киһи барыны-бары толкуйдуу,
айа сылдьар үгэстээх. Ол сиэринэн Күннэй сылгы, ынах сүөһү бэрбээкэйин
уҥуохтарыттан араас сувенирдары оҥорор. Кини 2012 сыл республикаҕа
ыытыллыбыт “Биһик” конкурска уҥуохтан оҕо оонньуурдарын, сахалыы са-
ахыматы оҥорон 1-кы миэстэни ылбыта. Улууска инбэлииттэр фестивалла-
рыгар эмиэ бастаабыта. Бу үлэлэригэр киниэхэ эрэллээх көмөлөһөөччүтэ кэр-
гэнэ буолар, Иннокентий Иннокентьевич ону таһынан алыптаах баянист,
сценаттан түспэт ырыаһыт. Аммосовтар улахан уоллара электроннай прави-
тельство тутаах үлэһитэ. Константин, Иннокентий ХИФУ-га үөрэнэн тепло-
техник, газосварщик идэлэннилэр. Кыра уол Павел ахсыс кылааһы үчүгэй-
дик үөрэнэн бүтэрбитэ. “Көлүкэчээн” ансамбль үҥкүүһүтэ, мас тардыһыы-
тынан, ытыынан дьарыктанар. Быйыл “Азия оҕолоро” оонньуу вымпелын
оҥорууга биллэриллибит конкурска 1-кы миэстэни ылбыта. Кеша Аммосов
Майа кыыһа Машалыын ыал буолан, Алеша диэн уолланан дьонноругар си-
эни, хос сиэни бэлэхтээтилэр.
Айаал Григорьевич Макаров инженер-механик, менеджер-экономист,
икки үрдүк үөрэхтээх, билигин чааһынай предприниматель. Айаал Григорье-
вич салайар биригээдэтэ “Тыа сирин спортивнай оонньууларыгар” Сунтаар
сэлиэнньэтин суолларын оҥорбута. Ону сунтаардар билигин да махтана ах-
таллар. Билигин Дьокуускай куоракка бетонунан үлэлэргэ дьарыктанар, “Ал-
мас” фирма олбуорун баҕаналарын туруорбуттара, иккис сылын Бэстээххэ
тимир суол вокзалын тутуутугар үлэлэһэллэр. Онон төрөөбүт Сахатын сирин
сайдыытыгар тус үлэлэһэ сылдьар биир үтүө ыччаппыт буолар. Айаал Гри-
горьевич “Мугудай” түмсүү көҕүлээччитинэн, түмээччитинэн, спонсорынан
биллэр. Улахан кыыһа Айма Красноярскайдааҕы Федеральнай Политехни-
ческай университет студенката.Уола Дьулусхан Мугудайга Красильников ааты-
нан орто оскуола үчүгэй үөрэнээччитэ, аныгы үҥкүүнэн дьарыктанар. Кини
2011 сылга Дальнай Восток зонатыгар VI төгүлүн ыытыллыбыт “Зожигай”
конкурска II миэстэлээх призер буолубута. Кыра кыыс Валя быйыл сэттис
кылаас үөрэнээччитэ, уруһуйунан, дизайнынан дьарыктанар.
Эрчимэн Григорьевич Макаров үрдүк үөрэхтээх физкультура учуутала,
СР үөрэҕириитин туйгуна. Нерюнгри куоракка “Эрэл” спортивнай комплек-
ска көҥүл тустуу тренерэ, спорт маастарыгар кандидат, Манчаары оонньуу-
ларын хапсаҕайга чемпиона. Эрчимэн Григорьевич быйыл ыытыллыбыт “Азия
оҕолоро” спортивнай оонньууларга инбэлиит оҕолорго республика старшай
тренеринэн үлэлээтэ.
Кини дьарыктыыр оҕолоруттан Россияҕа бастыыр иһин күрэхтэһиилэр-
гэ 2011 сылга 5 оҕо кыһыл көмүс, 3 оҕо үрүҥ көмүс, 3 оҕо боруонса мэтээллэ-
ри ылары ситиспиттэрэ. Эрчимэн Григорьевич оҕолору дьарыктыырын та-
һынан Саха сирэ, Россия кылаастаах спортивнай судьуйа, билигин Аан дой-
ду кылаастаах судьуйа буоларга үлэлэһэр. Кэргэнинээн Екатерина Борисов-
налыын үс кыыс оҕолоохтор. Екатерина туохтан да иҥнибэт дьоҕурдаах,
массыынаны да көҥүл илдьэ сылдьар ыал иһирэх ийэтэ. Улахан кыыстара
Айыына үчүгэй үөрэнээччи, быйыл тохсус кылааска киирдэ. Харбааһыны-
нан дьарыктанар уонна үөрэҕэр араас факультативтарга сылдьар. Ньургуйаа-
на сэттис кылаас үөрэнээччитэ, волейболунан, футболунан уонна спортив-
най бальнай үҥкүүнэн дьарыктанар. Кырачаан Чаара икки сааһын туолла,
ийэ, аҕа күнэ-ыйа. Макаровтар 2003 сыллаахха улууска “Эдэр ыал” конкурс-
ка кыттан бастакы миэстэни ылбыттара.
Эрчимэн, Екатерина Макаровтар бэйэлэрин үс кыыстарын таһынан өссө
үс оҕону иитэн-үөрэтэн олох киэҥ аартыгар таһаараллар. Ол курдук Муомат-

415