Page 418 - Уйбаан Бахсылыырап. Сэрии кэмин оҕолоро - эйэлээх олох уустара

туруорбут суруктаах-бичиктээх, мраморга аҕатын хаартыскалаах мэҥэ тааһа
турар. Ойуур ортотугар турар тэлгэһэҕэ көбүс-көнө кэтит ыллык (аллея) икки
өтгүнэн симиир иһиккэ уонна чорооҥҥо арыаллатан дьиэҕэ тиийэҕин. Хара-
ҕын дьиэ таһыгар араас моһуоннаах сэргэлэргэ, дьөһөгөй оҕотугар, оҕуһу ми-
иммит сыарҕалаах уол, кэнниттэн кырдьаҕас батыһан иһэр, үөрбүт-көппүт
оҕонньордоох эмээхсин, о.д.а. араас оҥоһуктарга хатанар. Бу оноһуктар, бил-
лэн турар, хас биирдиилэрэ суолталаах буолуохтаахтар. Хомойуох иһин, Гри-
горий Константинович ыалдьа сылдьар буолан уһуннук кэпсэппэтэхпит. Он-
тон атын кини барытын быһааран, кэпсээн биэриэхтээх этэ. Арай сэрэйэбин:
тусаһа аанын таһыгар биһигини, кини бэйэтэ өйдөөбөт күн күбэй ийэтэ көрсүбүт
буолуохтаах. Онтон оҕустаах, кырдьаҕас киһилээх оҥоһук бу кини эһэтэ уонна
бэйэтэ көһөрүллүүттэн төннөн иһээхтииллэр быһыылаах. Бу оҥоһуктары
оҥорорго Григорий Константиновичка сүрүннээн Иван уонна Егор Оконеш-
никовтар көмөлөспүттэр. Аны олорор дьиэтин кэннигэр баар музей дьиэтин
көрдүм. Дьэ, манна баар саха иһитин эгэлгэтэ, атын да оҥоһуктар.
Сахаларга “Ыал ийэтинэн” диэн бэргэн этии баар. Дьэ, Макаровтар ийэ-
лэрэ Валентина Григорьевна, бу этиигэ толору сөп түбэһэр киһи. Кини дьиэ
кэргэн эргийэр киинэ. Кини ураты дьоҕурдаах иистэнньэҥ, сир асчытын
бастыҥа. Икки төгүл “Көмүс эбээ” конкурска кыттан, “Эрчим эбээ”, “Мин-
ньигэс астаах эбээ” номинациялары ылаттаабыта. Валентина Григорьевна
нэһилиэк мунньаҕын депутата, спорду, духовнаһы салайар кэмииссийэ пред-
седателэ. Маны таһынан “Күбэйэ” дьахталлар кулууптарын салайсар.
Саха киһитигэр оҕото төһө да улааттар, ийэ, аҕа өрүү оҕотун туһугар
ыалдьар, кинини саныыр, кини олоҕунан олорор. Бу саха омук атын омук-
тартан ураты кута. Саха ыала оҕолорун олохторун бөҕө укулаатын ууруутун
Макаровтар дьиэ кэргэн олохторугар толору көрүөххэ сөп. Кинилэр үс оҕоло-
ро үһүөн үрдүк үөрэҕи бүтэрэн дьиэ-уот тэринэн, оҕо-уруу төрөтөн олоххо
бэйэлэрин миэстэлэрин буллулар.
Күннэй Григорьевна социальнай педагог, Мугудайга Д.Д.Красильников
аатынан оскуолаҕа музей директора. Кэргэнинээн Иннокентий Иннокентье-
вич Аммосовтыын түөрт уол оҕолоох ньир-бааччы ыаллар. Күннэй Григорьев-
на удьуору утумнаан имигэс илиилээх иистэнньэҥ, ону таһынан сиэлинэн,
414