Page 108 - Тыыннаахтар олох олорор аналлаахатр

ҥа төһө-хачча көмө оҥоһуллубута барыллаан да буоллар
биллэр. Ону сорох түгэннэрин улуус ветераннарын сүбэтин
өр сылларга салайбыт Николай Ефремович Аммосов 2000
сыллаахха «Мүрү саһарҕата» хаһыат айар-полиграфическай
холбоһугар таһаартарбыт «Кинилэр Кыайыыны уһансыбыт-
тара» диэн кинигэтигэр көрүөххэ сөп. Онтон кимнээх, тоҕо
аччыктаан, хоргуйан өлбүттэрэ, аччыктыыр кыһалҕаттан
дьиэ кэргэннэрин тыыннаах хааллараары бэйэлэрин кэтэх
сүөһүлэрин, сылгыларын сиэн хаайыы дьоно буолбуттара
баччааҥҥа диэри дьиҥнээҕинэн кэпсэнэ илик. Аны ити
чахчылары туоһулуур да киһи аҕыйаатаҕа. Мин бу сүүр-
бэччэ сыл (өссө хойутаан ылсаммын) син балачча элбэх
сэрии, үлэ-тыыл ветераннарын, сэрии кэмин оҕолорун
кытта атах тэпсэн олорон кэпсэтэн, кинилэр олохторун
кэрчигин дьон-сэргэ билиитигэр таһаара сатаатым. Сэрии
саҕанааҕы көлүөнэ дьон кэпсээнигэр уонна докумуоннарга
олоҕурбут, суруллубутунан 8-с, бэчээккэ тахсыбытынан бу
4-с кинигэм. Баччааҥҥа диэри үксүгэр, кырдьык биир эрэ
өттө кэлтэй кэпсэнэн кэллэ, онон маны барытын чуолкай-
дыыр үлэ хайаан да барыан наада. Оччоҕо аныгы көлүөнэ
дьон, билиҥҥи дьоллоох, дэлэй-холой олох хайдахтаах кур-
дук ыараханнык кэлбитин барытын да буолбатар, аҕыйах да
бырыһыанын өйдөөтөхтөрүнэ, бэйэлэрин олохторун оҥос-
толлоругар туһалаах эрэ буолуоҕа...
Эдэр устуоруктар, кыраайы үөрэтээччилэр күн-дьыл
күлүмэхтик барарын өйдөөҥҥүт, бэйэҕит төрөөбүт түөлбэҕи-
титтэн саҕалаан олох кырдьыгын кэпсииргэ кыһаллыҥ!
«Ким да умнуллубат, туох да умнуллубат!» диэн этии тылга
эрэ хаалбатын!
2010 сыл